[ابو ظاهر البركي !]

اليتيمه رقيه


ضاكت حيل كلش علي دنياي
لحد ماكمت اغص بشربة الماي
انوش الكاس لن بالكاس يوماي
جف الكربله ودموعه طلعت
يبجي الكاس من العطش كلي
ابجيلي من دموعك فوكي خلي
على المذبوح والعطشان ولي
على صدره الخيل بالميدان سحكت
وضل ابجي لحد ماعينك اتطيح
وانحب حتى صوتك تاخذه الريح
للمكطوع راسه بكربله طريح
يم الماي والعدوان شربت
نحب كاسي وتبده الدمع منه
وتذكر عطش بت حسين سكنه
وكام يون لحد ماخلص ونه
تفطر وانكسر لمته صعبت
تطشر علارض كل وصله تنحب
دم منها عله راعي الجود ينصب
هذاك الماقبل للماي يشرب
ذب الماي جيف عياله عطشت
بهاي اللحظه هك الحيل مني
وصفيت ابجسد مامش روح لني
امد الشوف اثاري ابعدت عني
طلعت روحي ولعد حسين شردت
لحكت روحي مشي واصفك على الراح
والزوار كلها عويل ونياح
علبو السجاد من بكربله طاح
زغار كبار كل علراس لطمت
وبنص الدرب لن صوت طفله
رقيه جان اسمها وبيها ذله
تحاجي الموكب وجانت تكله
اهلي بعاد صارو حيل صرخت
انشدتها اني عله ابوها وشنه اسمه
وردت بين الزلم توصفله رسمه
لن الصوت جاوينج يعمه
والطفله لعد هالصوت ركضت
نشدناها علبوها بلوعه وبضيج
كالت شرد اكلكم ناشف الريج
تفجر بالعزه بركضة طويريج
والطفله اشهكت انت اونت
صاحت عمه مو كلتيلي اوديج
يم منحر ابوج اهناك اخليج
اريدنه يكلي شبيج مابيج
واسولفله الليالي عجب سوت
اسولفله الليالي خلاف عينه
واحجيله علهضم اليتم بينه
نصد للباب ننتظرك تجينه
انكسر خاطرها باب الحوش طبت
طبت لينه باب الحوش تبجي
لأن مادكها جفك النه تشجي
تكول اشعندي اضلن النه تحجي
كلمة بويه مافد يوم سمعت
نسينه ارواحنه وحرنه برقيه
من تبجي علبوها وتنعه هيه
خلص مشوارها وماظل بقيه
ماتت من بعد ماحيل شهكت



خادم اهل البيت
ابو ظاهر البركي
النجف الاشرف

[قاسم حتروش]

الصلاة والسلام على مولاتي رقية ورحمة الله وبركاته
أحسنت يا أبو ظاهر البركي على هذا الوصف الرائع
جعلها الله شافعة لك يوم لا ينفع مال ولا بنون
تحياتي

[البدري14]

هنيئا لك من القلب
ابو ظاهر البركي
موفق اخي

[ابو ظاهر البركي !]

اقتباس : المشاركة الأصلية كتبت بواسطة البدري14 [ مشاهدة المشاركة ]

هنيئا لك من القلب ابو ظاهر البركي موفق اخي

هناك الله بالايمان ياابو تركي
واسعدت ببركة الصلاة على محمد وال محمد





مشتاقلك حبيبي
وين هاي الغيبه




خادمكم
ابو ظاهر البركي

[ابو ظاهر البركي !]

اقتباس : المشاركة الأصلية كتبت بواسطة قاسم حتروش [ مشاهدة المشاركة ]

الصلاة والسلام على مولاتي رقية ورحمة الله وبركاته أحسنت يا أبو ظاهر البركي على هذا الوصف الرائع جعلها الله شافعة لك يوم لا ينفع مال ولا بنون تحياتي

اللهم صل على محمد وال محمد

احسن الله اليكم حبيبي حسن
ورزقنا الله واياكم شفاعة محمد وال محمد

شكرا ايها الغالي على مرورك
الاكثر من رائع


خادمكم
ابو ظاهر البركي

[ابوتكتم الخير]

لن الصوت جاوينج يعمه
والطفله لعد هالصوت ركضت
نشدناها علبوها بلوعه وبضيج
كالت شرد اكلكم ناشف الريج
تفجر بالعزه بركضة طويريج
شاعرطفلة الحسين رقية عليها وعلى ابيها السلام
ابو ظاهر البركي
صح لسانك على هذه الكلمات العذبة
وعلى هذه الصور الجميلة
جعل الله لك هذه القصيدة رفيقة في الجنة
تقبل مروري والدعاء

[ابو ظاهر البركي !]

اقتباس : المشاركة الأصلية كتبت بواسطة ابوتكتم الخير [ مشاهدة المشاركة ]

لن الصوت جاوينج يعمه والطفله لعد هالصوت ركضت نشدناها علبوها بلوعه وبضيج كالت شرد اكلكم ناشف الريج تفجر بالعزه بركضة طويريج شاعرطفلة الحسين رقية عليها وعلى ابيها السلام ابو ظاهر البركي صح لسانك على هذه الكلمات العذبة وعلى هذه الصور الجميلة جعل الله لك هذه القصيدة رفيقة في الجنة تقبل مروري والدعاء

حبيبي واستاذي الجليل ابو تكتم الخير
وفقكم الله وسدد خطاكم لخدمة محمد وال محمد


شرفتني اخي الفاضل بمرورك العطر بعطر الولاء المحمدي


رزقنا الله واياكم شفاعة الحسين عليه السلام



خادمكم
ابو ظاهر البركي