[ابوسيف الكيتاوي]

بسم الله الرحمن الرحيم قصيده لطميه للشاعر صباح نوري الكناني

صاح صوت العاشقين لاحياة بلا حسين
حد الموت هذا الصوت لا حياة بلا حسين
-----------------------------------------------------------
صوت من الكلوب الهايمة بكل حين
تروح الدنيه كلهه وما يروح حسين
وبلوعة حزن بالدنية تبقه سنين
بجت بيهه الضماير ما بجت بالعين
صوت وجدان يصيح من فم القلب الجريح
ما مكبوت هذا الصوت لا حياة بلا حسين
----------------------------------------------------------
تموت الناس كلهه ويبقه ابو السجاد
عايش بالارواح اويه النفس ينعاد
بالريه انطبع ما مسحته الاوغاد
جم طاغوت ضاع وذل الف جلاد
ثابت حب الشهيد ومضى لعنا ً يزيد
الكل طاغوت هذا الصو ت لا حياة بلا حسين
----------------------------------------------------------
عشاك الشهيد حسين مشغوفه
تتعنه الضريحه بلهفه وتطوفه
والشباك جنه اتنظره وتشوفه
تلكه الرحمه كلهه بنوره مكشوفه
نوره روح الوجود وعلى الدنيا يجود
ما مخفوت هذا الصوت لا حياة بلا حسين
----------------------------------------------------------
كل شيعة علي باسم السبط تهتف
دنيه بلا حسين شلون تتوصف
وهاي الصيحه للاجيال تتعرف
شرح معنه الحياة حسين يوم الطف
صاغ تفسير الحياة حسين بالتضحيات
شلون يموت هذا الصوت لا حياة بلا حسين
---------------------------------------------------------


هذا ابن الرسول حسين ابو اليمه
للدين انتفض وتغسل ابدمه
كل اصحابه واهله تكطعوا يمه
منهو المثله شامخ صابر بعزمه
شامخ طول الزمان وبه الصبر استعان
يكوه بقوت هذا الصوت لا حياة بلا حسين
--------------------------------------------------------
الانسانية كلهه بشخصه تتقدم
مصدر للتحرر من نزيف الدم
مساوات وعداله بفكره تتفهم
يرفض كل وضيع وكل شخص مجرم
صار للعدل شعار في سمو ٍ واقتخار
بحق مثبوت هذا الصوت لا حياة بلا حسين
---------------------------------------------------------

للشاعر صباح نوري الكناني


نسالكم الدعاء

[قاسم حتروش]

اللهم صلي على محمد وال محمد
بوركت أخي أبو سيف على هذا النقل
وبوركه الشاعر على هذه الكلمات
حشركم الله مع محمد وال محمد
تقبل مروري

[الشاعر حسن خليفه]

قصيده روعه بروعه كاتبها

عاشت الانامل التي خطت

والقريحه التي ابدعت

كلنا شوق بنتظار القادم من ابداعك

لاتحرمنا من هذا الابداع

تقبل مروري بحروفك الانيقه

تحياتي