|
|
عضو جديد
|
|
رقم العضوية : 63357
|
|
الإنتساب : Dec 2010
|
|
المشاركات : 2
|
|
بمعدل : 0.00 يوميا
|
|
|
|
|
|
المنتدى :
المنتدى الثقافي
قصيده للشاعر جابر الكاظمي(زنجيل من الشعر العراقي الشعبي)
بتاريخ : 07-11-2011 الساعة : 07:57 PM
علي ياعلي منهو اعله منك
بس الباري يالعشنه اعلى منك
اني ادري يحيدر واعلم انك
امام وبيك انا موثق صلاتي
اصول وبيك عالجاحد صلاتي
زكاتي حجتي صومي وصلاتي
الاله بحبك اعمالي قبلها
يمن جبريل لاعتابك قبلها
الشجاعه لبيك ماصارت قبلها
ولا صارت يبو الحمله بعدها
مناقب يعجز لساني بعدها
بعدها بخير دنيانا بعدها
وبعدها الطيبه ظلت لسه فينا
بكراماتك يحدث لسه فينا
بحور وعيب نخضع للسفينه
على العزه يحيدر علمتنه
بعلامات المفاخر علمتنه
اليودك عاليضدك علمتنه
فرحت نفرح ونستر كلمة السر
وشكرنا الرب عسرنا كلمة السر
سر الليل عدنا وكلمة السر
علي عالي عله كل عالي علينه
علي وبيك عله هالعالم علينه
علي وحبك فرض واجب علينه
فرض واجب سنن حبك والاعراف
بعشك غيرك فلا افهم ولا اعرف
سبا والطور والكوثر ولاعراف
الكهف والغاشيه وعم وتبارك
يشهدن والقيم عندك تبارك
جل الي رفع شانك تبارك
الذي بيده الملك صاغت بدرها
الشمس وجه النبي ووجهك بدرها
يضيضم احد يافراس بدرها
الجمل والخندق وخيبر وصفين
دحرتها صفوف لا مو صف وصفين
ادنهش هالعالم لعزمك وصفين
صفن والدنيا صفنت من صفنته
الجمع بيمن دحرته من صفنته
شكثر ياعلي ببحكمك منصف انته
عله اهل الظلم فجوه وانته هوه
نسيم الحق نسيمك وانته هوه
المصحف هوه انته وانته هوه
ذكر وبغير اسمك ماراح اتله
الغصص انهكت كلبك مارحتله
الحكم هوه اجالك مارحتله
ياكبر من خلافه والرياسه
الظلم مل من صمودك والرياسه
المطامع نئت عنك والرياسه
بسبب انك علي وطاهر اصل ليك
صلاة العشك انته ودوم اصليك
بمديحي هذا وين اكدر اصل ليك
يمن ذاتك الباري مادح الهه
وغيرك باب خيبر مادحلها
طلب عدي ضمرته مابديته
عله غيرك ماي وجهي مابديته
اريد اختم مديحي مابديته
علي ياعلي ياهو اعله منك
بس الباري يالعشنه اعلى منك
اني ادري يحيدر واعلم انك
امام وطاعتك واجب عليه
| |
|
|
|
|
|
العرض المتطور
