|
|
مــوقوف
|
|
رقم العضوية : 50364
|
|
الإنتساب : May 2010
|
|
المشاركات : 205
|
|
بمعدل : 0.04 يوميا
|
|
|
|
|
|
المنتدى :
المنتدى الثقافي
يا رضيعي النحرته سهام الرزيه,من قصائد محرم الجديده
بتاريخ : 27-08-2011 الساعة : 08:11 PM
يارضيعي النحرته سهام الرزيه...يمّه ليلي بوحشتك وجر عليه
مهدك غده بنار الفكَد يرميني...ترجعني حسبه وحسبه التوديني
يمه ليلي بوحشتك وجر عليه
ــــــــــ
اناديك بهضم يبني ودمع مدموم...واحس جنحك يرفرف عالمهد ويحوم
جمر نارك يون بيهه الكَلب ملجوم...يمن عمري لمصابك للابد مالوم
يمّه زاد بغيبتك نوحي وونيني..من بعد عينك ابد ما تغفه عيني
نجوم الليالي العاليه تواسيني...ترجعني حسبه وحسبه التوديني
يمه ليلي بوحشتك وجر عليه
المهد ياذي من اهزّه وانته ماموجود...اناطر بلجن ولنّك عدل وتعود
تضن روحي بغيابك يمه لحضه تهود؟...حشه وهيهات انه كبالي المنايا تحود
لملم ضعونه الفرح يبني ورماني..والهضم يبن الطهر بعدك لفاني
صوتك يهزّني وضحكتك تاذيني...ترجعني حسبه وحسبه التوديني
يمه ليلي بوحشتك وجرعليه
شاكولن يا رضيعي ويا اعز سلوه...خذك منّي الزمان الما رحم كَوه
شتضن بعدك دليلي شيشتم ويهوه...اذا روحي بعطورك يالجبد تروه
ميته والله ولاتضن ترهم حياتي..هوه موتك ياعلي وحيدر مماتي
نفس السهم من النحر ينهيني...ترجعني حسبه وحسبه التوديني
النساوين بضناهه تفرفح وتلتم...وانه ابني على الوطيه مخضّب مدمم
عسى بعيني العمه وبيت البكَه مهدّم...ولاشوف النحر ينزف دمه مهشم
يمه احس سهمك زرع ناره بمصابي..شاعتب والمن بعد يوصل عتابي
نار المنايا بشوفتك تجويني..ترجعني حسبه وحسبه التوديني
يمه ليلي بوحشتك وجر عليه
بعد ماضن مصابي على الفكَدته يهون...اذا راعي المهد تحت الارض مدفون
مماتي بروحتك بارض الغرب مرهون...ودليلي بتربتك ينعى ويون مركون
روحي بعدك شاعتذر منهه وشاكلهه..ما يلم كبر الارض ونهه وحملهه
بالدمعه والون والاسى توصيني..ترجعني حسبه وحسبه التوديني
يمه ليلي بوحشتك وجر عليه
بعد ماريد اشوفن لاضوه وشمعه...ولا روحي الهوى وكل ما بده تسمعه
شربت اَنه اليزيد الوجعه والدمعه...وهديت ابني الرزايا المضلمه ترضعه
رضعته النيبه لعلي سام المنيه...وطاحت اركان العرش فوكَ الوطيه
اَنه الوفيت بدم رضيعي لديني...ترجعني حسبه وحسبه التوديني
يمه ليلي بوحشتك وجر عليه
رحيم الحسيني الحسناوي
| |
|
|
|
|
|
العرض المتطور
