يا امة مُحمّد احنه اهل إسلام
حقن الدم فرض علمسلم بدينه
نصرخ لا اله الا العلي القهار
رغم هذا النداء اجيوش تغزينه؟
لا لا للظلم نادينه و تسمعون
شيعه و سنه واحد ما تثنينه
و بعد ...
ما شلنه السلاح و هاجت العربان
عُــزَّل لكن احنه اعروش هزينه
اذن لو شلنه سيف الملحمه فد يوم
يجي درع الجزيره ايبوس رجلينه
وبعد ...
احنه اهل السلام و ما بدينه بيوم
حرب سوح الملاحم تِشهد اعلينه
ما نبدي ابقتال و هالامر معلوم
فخر سل كربلاء اتخبــِّرك بينه
فرسان الشجاعه و ما ركعنه ابيوم
لكن بالصبر يامرنه بارينه
و بعد ...
رايات الأخاء او وحدة البحرين
رفـعناهن دهر ما يوم ملــّينه
مدّينه الادين انصالح الاعراب
لكن بالغـدر كَطعوا ايادينه
غصن زيتون احنه و نطلب الاصلاح
اذن ليش العدو حشـّـد شياطينه؟
نصرخ بالسلام و سمعوا الاصوات
بطلقات المدافع ردّو اعلينه
وبعد ...
شفنه ابهلبلاد العدل ما موجود
قدّمنه النفس كَـِـدام امانينه
نسوان و زلم واطفال ويه اشيوخ
بدوّار الشهاده الموت يحدينه
مئاسينه فرح بيهن املنه يزيد
حطب ثورتنه اصبح من مئآسينه
زكي الياسري النجفي
العرض المتطور
