[ثورة الحسين]

تعال
ــــــــــــــ
تعال إوشاركني الحزن لحسينك تعال ** تعال إوشارك بكل الاحوال
ماتدري بيه ** طايح بالثنيه
تعال إوشاركني الحزن لحسينك تعال
ــــــــــــــــــــــــــــــــــــــــــــــــــ ـــــــــ
نداء الثوره من إلسان حسين انطلق
اسمعت صوته ومن صوته كلبي انفلق
الصبر محمود بس مااكدر ورب الفلق
مااكدر يباري ** والدمع جاري
وأخدودي تشهدلي بالحال
ـــــــــــــــــــــــــــــــــــــــــ
اطب واطلع إمن الدار بحبه هايم
اريد انظر لوجه وثغره الباسم
ذايب بحب حسين وماتدري هالوادم
بس ظلت العين ** تهمل عللخدين
ومن كثر البجي صار الكَلب اوصال
ــــــــــــــــــــــــــــــــــــــــــــ
لون انته مثل حالي بحبه اتصير
ترضه ماتشرب ماي ولحسين المصير
ولك كَلبي يحوم يم حسين ويعزي الامير
وبيض الليالي ** سود بخيالي
ولحسين اسرح ابشوك وخيال
ـــــــــــــــــــــــــــــــــــــــــــــــ
انته نايم وغافل والحزن ليلي
بعدني ابحيلي وفراك حسين هدلي حيلي
بالدنيه ماعندي طمع عن حسين احجيلي
ماظل حجي عندي ** بس حسين سالفتي
ولحسين دمع العين سال
ــــــــــــــــــــــــــــــــــــــــ
حرام اعله اليعذب كَلب حسين محبوبه
كَلب حزنان وايدور غفران لذنوبه
اليحب غير حسين مسكوم وايامه محسوبه
احسبه ابخيالك ** يكتبلك رساله
المايحب حسين مايصفاله بال
ــــــــــــــــــــــــــــــــــــــــــــــ
وأختمه ابسلام اعليك يحسسين مني
واريد اسمك وسام ويزيل همي
ولاجلك يبو السجاد طول الدهر وني
وأدك اوتار الكَلب ** وابجي لحسيني
وبفراكه مارايد دنيه ولامال
ــــــــــــــــــــــــــــــــــــــــــــ
بقلمي خادم اهل البيت (ع)
(عبدالله الشاعر)

[رياض الرسل]

السلام عليكم
عبد الله الشاعر

اشكر على هذه الكلمات
دمت بكل خير

رياض الرسل

[المتقي]

بارك الله بك اخي

في ميزان حسناتك ان شاء الله

[ربيبة الزهـراء]

اللهم صل على محمد وال محمد .


احسنتم كثيراَ .. ولكم جزيل الشكر
على الكلمات الولائية
التي تحمل أسم الحسين عليه افضل الصلاة و السلام ..

مأجورين .. و بارك الله بيكم


موفقين لكل خير

[سديم الفجر]

السلام عليكم ورحمة الله وبركاته
اللهم صل على محمد وآل محمد
بارك الله بكم لهذه القصيدة الرائعه
موفقين احسنتم

[ثورة الحسين]

شكراً على الرد الرائع تحياتي
اخوك الصغير
(عبدالله الشاعر)