|
|
عضو برونزي
|
|
رقم العضوية : 52479
|
|
الإنتساب : Jul 2010
|
|
المشاركات : 1,359
|
|
بمعدل : 0.26 يوميا
|
|
|
|
|
|
المنتدى :
المنتدى الثقافي
قصائد لشهر لمحرم العشره الاولى
بتاريخ : 02-12-2010 الساعة : 03:06 PM
قصائد لشهر محرم
علي الاكبر
القاسم
ام البنين
مسلم بن عقيل
*******************
بحق علي الاكبر
*****************
برز للحومه شال السيف بكل عزمه نـزل لاكبر
احـتـارت كلها عــدوانـه الاكبـر بــرز لــو حــيـدر
*********************
چـنــه صـولــة الكــرار مــــن يـصــول بــالــغـــــاره
بـكـــل عــزمـه نــزل لـلگــوم وشــال بـيــده بـتـــاره
افــدي الــروح لـلاسـلام صاح ويـنـفــض اكـتــــاره
حسيــن بـحــومة الـمـيـدان اشـوفـه وحـيـد ما اگدر
********************
الاكـبــر كـل سجــايــه الـبـي مـاخــذهــن ورث جـده
بـرز للجـيــش بـالايـمـان ما بـيـن العـــدو وحـــــده
الاكـبــر مــا بـخــل بـالــدم قــدم اغــلـه مـا عــنــده
رد والـعــطــش اثــر بــي يــريــد الـمـاي يـتـصــبــر
*********************
يـريـد الماي الاكبـر كون ويــرجع حــومة المـيـدان
لجن شاف العطش محتام يركض والعـطش عـطشان
صبـر روحــه لـمـن شاف هـــذا المـنـظــر بـأيـمــان
الاكبـر زرع من حسين وشوف شلــون مــن اثــمــر
******************
رد لـحــومـة الــمــيــدان يــرجــف والـعـــزم بـاسـه
يــريــد يـقـاتـل بـهـمــه الاكـبــر ما يـطــخ الــراسه
هــذا الــربــك أيـخــلــده تصيــر الحــومه مقــيـاسه
وعـزمـه بـحــومـة الميـدان ما يــزغــر ابــد يكـبـر
*******************
يـكـبــر عــزمــه لـمـن شـاف هـالـعـدوان متجـمـعـه
صاح بـصوت هــذا آنــه وامـلاك السمـه اتـسـمــعـه
الاكـبـر ضحـه لجـل الـديـن وسيوف العـده اتگـطـعـه
الـهـي وانــه قـــربـانــك اضحـي الـــروح واتــــوذر
*******************
وصال الاكـبــر بـهــمـه وصــــار ابـيـن عــدوانــــه
وما بـيـن السيـوف ايصـول وعـزمه يفـيـض بـركانه
طـاح بـحـومـة المـيـدان الاكـبــر وارتــفــع شـانـــه
وظل شامخ بـوجـه الـمـوت واصبح للــوفـــه مصدر
************************
القاسم
****************
العـرس مـاتـم ------- صبـح مـأتـم
وتحـنـه القاسم بـدمـه
***************
شباب القاسم وحاسب يعــرس مـثــل هــالشبـان
ابد ما حاسب الـزفــه تصيــر بحــومــة الميــدان
عاف الحنه والشمعات تضوي وتارسه الصيوان
واتــوجــه العـمــه وراح وبصــدره تشب نيـران
بزغر عمره ---------- حمل صبره
راح وگاصد بهـمـه
***************
گصد يم عمه للميدان وراد أيصـدله ويسمــعــه
وگام ايسولف القاسم وينظــــــر مهجة البضعه
صعب ياعمي أتحمل أشاهــد أخـوتي صـرعـــه
شلي بالعمر بعدك العـمــر بعــدك شنو نـفـعــــه
نفذ صبري -------------- شلي بعمري
بعــدك دنيتي ظلمـه
********************
وصيه بطلعتي عـنـدي ابــويـــه وبيها وصاني
اذا عمك تشوفه بيوم وحده بحـيــره ويعــــاني
لا تبخل عـلـيـه يبني وغــيــرك ما ألـي ثــانــي
وانته بحـيـره ياعمي وحـدك وآنه شـمــتـانــي
اريد احمي -------------- ظهر عمي
وشوف اشجاوبه عمه
*****************
صاح حسين للقاسم يازهــرة شـبـاب الـــروح
ما تم عرسك وبعده وسيـوف المنيه أتلـــــوح
اخاف امــك تبدلهـن هـلاهلها وعـلـيـك أتنـوح
اذا شافـتـك عالغبره صريع وعالترب مذبــوح
تصب دمعه -------------- وتظل تنعه
وعليك تنوح يـايمه
*******************
صاح القاسم بعــزمــه وراح اتوجه بـأيـمـــان
صوب المعـركه ايقـاتـل القاسم زينة الشــبـان
صاح ابن الحسن أنه بصوته ويرهب العدوان
اريد اتحنه من دمي واسوي الـزفـه بــالميدان
بعزم وصرار ------------ يبو الاحرار
يرخص عمره ويقدمه
*******************
قاتل والجموع اتموج يمه وعـزمه مـا يفـتــر
لمن صال ذكـرهـم بصــولات البطل حــيـــــدر
لاچن طاح بالميدان وبسـيـوف العــده اتـــوذر
ذبحوا زهرة القاسم خافــوا زهــرتــه تـكـبــر
كبر بينه ------------- ولجل دينه
نذر عمره ورخص دمه
*****************
نزله للقاسم
***************
عرسك صـار بوسط الحومه
****************
ما عــرس جــاســـم وتهــنــه
جــاد بنـفـســه وراح اتعــنــه
من دمه وبــالطــف اتحــنــــه
وجسام المعــروفـه اعـلــومه
***************
ضحه بعمره وضحه وبروحه
ونيشان بكل صـدره جـروحه
ويدري الموت ايمر ويلوحه
ويدري بهـل طلعه ومقسومه
****************
جـاد بــروحه وضحه لعــمـه
ما يـبــخـل ومــقـــدم دمـــــه
بــالـطـف أمه اتـهـلـهــل أمه
ما تنحــب أمه ومــالــومــــه
***************
مـن شافــت جـسـام ونـــوره
ما ناحــت أمــه ومســـروره
قـدم بـالطــف اروع صــوره
هالصوره وظلـت مــرسـومه
**************
ما تم عـرسه الجاسم ما تـم
ضحه بـروحه لعـمـه وقـــدم
وبصوت الحـق نــاده واقسم
كلـمن مات ايموت بـيــومــه
**************
ولجاسم لــوردت أتعـــرفـــه
روح انـظــر بـالطـف العـفـه
عــريس ومحــد مـا زفــــــه
راد الـزفــه بــوسط الحـومه
**************
ام البنين
**************
تريـد ترتــاح ويخـف كل الونين
صيح واندب بالشدد ام البنين
*************
بالشدد اندب اذا صابك وجــل
وانذر الها وهي مفتاح الامــل
كل عمل ميفيد بس حبها العمل
هاي ام الاربعه وحبها ثميـــن
****************
هاي ام الاربعه وكلهم شبـــاب
القدموا لحسين بالطف الرگاب
لون رايد باب تفتح الف بـــاب
من تحس بعسر لوشخصك رهين
**************
من تحس بعسر اطلب منها شوف
لو عليك الدنيا ضاگت والظروف
اطلب وحلفها باضحه الچـفـــوف
هاي ربك النه خلاها معــيــــن
************
هاي ربك النه جــاعــلــهــا دعه
وهالدعه ما بي ضرر بي منفعه
كل بشر شيفــيــد لــو لبه وسعى
وما يحبها يعيش عمره ابلايه دين
***************
الما يحبها يعيش كل عمره ندم
واليحبها يفوز بالجــنـــه وسلم
ولو تــريــد بهاي اقسملك قسم
احــلــــف واقسم برب العالمين
****************
احلف واقسم فضل الها فــضــل
وبلايه حبها كل عمل ما ينقــبــل
اصل عدها شلون تحمل من اصل
ويكفي شرفها امير المؤمنــيــن
*************
مسلم بن عقيل
**************
بثقه اختاره كفو من مسلم ونعمين
لهل الكوفـه مبعوث وسفيـر حسيـن
*****************
اخـتـار اللي يــمثـلـه بغــيــره وبـهــمــه
ومــن قــرر قــراره اخــتــار ابـن عـمـه
مـبـعـــوث السفــاره ومسلــم القــمــــه
وياهــو المثل مسلم ماكو مثله أثـنــيــن
*****************
بشجــاعـة مسلم الامــثــال أضــربــهــا
وصفحـات الكـتب اتعــنــه گـلــبــهــــــا
تلگه القـمه عـنــده وهــو صــاحــبــهـا
وتحـتـار بـوصف مسلم تـوصفه أمنيـن
****************
راح و رايـــة الــكـــرار بــچــفــوفــــه
حـاملها بشـرف والــرايـه معـــروفــــه
اخـذهـا مـن الحسـيــن وراح للكــوفـــه
يــدري بــرگبـته هالــرايه ظلت ديـــن
****************
وصل للكـوفه مسلـم والحـشـود ويـــاه
تــريــد اتـبــايـع ولحـسيـن تــتــرجاه
يـوافـق على البـيـعــه وكلهـا تـتـمـنـاه
الواقعـهـم يـبـدل شـيـنــه كـله بــزيـــن
****************
لاچـن الحــدث عـكـس الجــره والصـار
نقضوا بــيعــتــه ومسلم بــقــه محـتــار
وحـيـد أمسـه وحـيـد أبـيـن هـالاشــرار
محــتـار الـوجه ينـطي الـوجه لا ويــن
****************
صفه وحــده غـريـب ودمعــتـه بعـيـنـه
محــد مــا يعــرفه وخـاطــر أيعــيــنـــه
ويـنه الـلي يــدلـيـه عـالــدرب ويــنـــه
وگلبه من العـطش مسلم غــده نصـيـن
****************
بعـد طـول العـنــاء وشهگـت اللـوعــه
وآهــات الحـمـلهـا بگلبه مسـمــوعـــه
ربـك رادله يــســتـقــر يــم طـــوعـــــه
وضمت مسلـم وحجـبـتــه عـــن العـيـن
*****************
اتـأكــدوا مسلم وعـرفـوا بـهــاي الـدار
بـايـت والــدلـيـل اتـعـــــنــوا الاشـــرار
قــاتـلـهــم بـــسـيــف و رايـــة الكـــرار
لاچــن مسلم استشهــد بسـيـف البـيـن
******************
لاتنسوني بالدعاء
رياض الرسل
| |
|
|
|
|
|
العرض المتطور
