جـدك الهـادي.. ينعه وينـادي
جمرة بفؤادي.. يبني يالحجة
رســول الله تـعـنه الليـلة ســامـرة
حضر حيدرعـلي وبهـامته الطبرة
مكسورة ضلع من راحـت الزهـرة
حـسن مسمـوم جبدة ومنهدم كبرة
راس ويا صدر مهشوم ابو العترة
وعباس اليواسي المهـدي ابصبرة
وزينـب بـالمصـايب عـظمت اجرة
جيت ارد انشـدك جـاوينة عهـدك
ثـاري انه عـندك يـبني يـالحـجة
على فكـد الحسن ابنه النبي اتأثر
لمصابك يجي جـدك والك يحـضر
يواسيك ابأبوك العسكري الازهر
واميـر عـله البشر انته الي تتأمر
وينطيك الصبر من صبره تتصبر
يخـبرك بالامر انته شوكت تضهر
وتنصب للعـدل يبن الحـسـن منبر
منـبـر عـدالـة يـبـن الــرسالة
زيح الضلالة يـبني يـالحـجة
يمهـدي اللـيلة يـمك فـاطـمة يمك
تنـاديـك ابـدمـع وتـردد ابـأسـمـك
محـمـد اه يا يـمه يـمه يابعـد امك
يمن هـمك لجـم ضلعـي يمن همك
يالـعـطـرك نبـوة يفــوح واشتـمك
بعـيـوني نضر بيها انطبع رسمك
يـاثـاري وثــار الله يـشـد عــزمك
يا حامي جـارك ارفـع شـعـارك
يالـثـاري ثـارك يـبني يـالحـجة
علي عندك يجيك الحاضر الشده
اخذ منه الشجاعة والفخر عنده
علي ما مر شخص ينخاه ويرده
ولا فـد يـوم بابة من الهوه سده
الهـوى يشبع اذا يم حيدر اتعـده
علي ما يعرفه بس الخلق وحده
عـلي لـولا مخـافة خالقه انعبـده
بيك انه عهدي يـبني يـالحـجة
الحـسن يمك عـليك بحسرة يتالم
دمع يجري من عينه دمع من دم
جـدك ويه ابـوك اتـقـاسمو بالهم
جبد مسموم جسد متألم من السم
قـبر مهـدوم أواحـد مثـله متهـدم
كريم اصله وهـم مـن الكرم اكرم
علي معلمة ابوك ومن علي تعلم
يــوليدي مهدي بيك انه عهدي
مسمومة جبدي يـبني يـالحـجة
ابو العترة تشوفه جثة وبلا راس
وصدرة بالحوافر اه يولي انداس
جفوف امكطعة يمك اجة العباس
راية سيف جربة والدرع وطاس
غيرة جود خـوة مرجلة احساس
عمتك يا جرح بيها جـرح ينقاس
خدر سابي تتفـرج عـليها الناس
عـجـل اناديك ياعـمة اتـانيك
ثار انه بيديك يـبني يـالحـجة
جمرة بفؤادي.. يبني يالحجة
العرض العادي
