[علي التميمي الناصري]

حسبالك نخاف ومانروح نزور ************* توكف بالدرب وجلابك تهدهن
جماعية المقابر نصها للزوار ************* موانت التردهن ذاك ماردهن
علي صاير مجاهد لحيتك شبرين ************* وثياب الغجر للركبة لابسهن
سفارة بكل بلد مبنية لاسرائيل ************** اذا انت مجاهد روح فجرهن
تقطع راس شيعي وتدعي الاسلام ************ وبراسك جنان اتريد تدخلهن
عبادة حجارة الشيعة ليش تكول ************ لان عقلك حجارة وذني يعقلهن
دكلي انت اشمالك من الترب مغثوث ******** جاي اسجد عليهن ماسجت الهن
مثل ماحضرتك تسجد اعلى السجاد ************* شومحد يكلك ليش تعبدهن
قصدنا المحتوى موبالضريح نبوس *********** ولاتعني المعادن النا بوستهن
بس ندري بعلي واكف ورى الشباك ********** واندني الشفايف حتى يختمهن
ينعرفن لان مادام مختومات **************** الله يحرم على النار شويتهن
واكلك على الولاية وعصمت اهل البيت *********** انت بياشريعة تريد تنكرهن
ماتصعد صلاته الي ينكر الكرار ************* لان طرق السما بس علي يندلهن
علي الرد الشمس اكبر جسم بالكون ********** بس جفوف سائل يعجز يردهن
علي البس الخادم ثوب اجد من ثوب*********** وثيابه السمل للموت لابسهن
علي ولولا علي كلهن يحلهن كان ************ وعلى الي مايحلهن حيدر يحلهن
والبطران اجاني يكلي ليش اتزور************* ومن يكول الكبور اتفيد زايرهن
ولك شوف الكبب مابيهن لزك تراب *********** جبرائيل ينزل بيده يمسحهن
لومسلم صدك اتناقش انا وياك ************** بس اصلا حرام افكارك اسمعهن
عصا موسى اية وتخدم الاغنام *************لان ربنا الغنم على العصا فضلهن
وافضل من محمد عندك العصاة *************** تفاهاتك هذول شلون اناقشهن
معروفة المذاهب سننو وشيعة اخوان ************** انت منين لامنهم ولامنهن
تضل الخمس الاصول الرابع الكرار ********** وتبقى السبع الكباير وانت ثامنهن

[كريم السعبري]

اخي علي التميمي شكرا لهذا النقل
انها للشاعر نائل المظفر
السعبري

[ام هاني]

[غصات الحنين]

كلمات رائعة
عاشت ايدك اخي
احترامي و تقديري

[علي التميمي الناصري]

تحية تقدير واحترام بعد السلام
شكرا على المرور الكريم للاخوة
وهذه القصيدة هي للشاعر العراقي الكبير مظفر النواب وليس للشاعر نائل المظفر مع كل التقدير له
مظفر النواب الذي ظلم كثيرا ظلم في زمن الطاغية وظلم اخيرا من قبل اتحاد الكتاب والادباء العرب

[القلب الاسير]

احسنت وبارك الله فيك
تقبل تحياتي وتقديري
الاقل
احمد رفيش

[كريم السعبري]

اخي التميمي
انا لااتجادل معاك ولا اميل الى نائل المظفر وعندي موقف مع نائل لانه تهجم على سماحة السيد السيستاني
ولاكن القصيده له وليس لمظفر النواب
وموجوده بصوره وصوت نائل

[عدنان منعم]

اخي علي التميمي اسمح لي انه اعبر لكم عن احترامي واتمنى من الله التوفيق والاستمرار