[عادل الناجي]

عشت اسنين احبك

عشت اسنين احبك وانت ماموجود
غفى حبك بكلبي وفاض حبك
تعال وشوف كلبي البيك مجنون
ساعة يكول احبك ساعة اكرهك
تعال وشوفني اشلون ارجف عليك
عشكك صيف متنة نريد حرك
يفر بينا هواك اندوخ كل يوم
وعفية انت الهوى مايوم فرك
ماعرفك جنت واتمنى احاجيك
هويتك هسة انة وماريد اعرفك
طعم حبك عجيب منين مصنوع
حلو كلش والاحلى النوب مرك
اشتريك انة الية وابد مابيع
بيك انة ربحت ماريد اخسرك
ياليل ومحطة ودرب ليل الشوك
ما كمل بعد ماريد اعبرك
تزاعلني وتروح وانة اراضيك
واعرف بيك تدلل واعذرك
اريد وماتريد اشلون تالي وياك
ماااكدر اردك ماشي امرك
يا اطيب جرح بالكلب خليك
ويااحلى صبرمجبور اصبرك
موتني على كلبك قابل الموت
شحلات الموت وانة بين كلبك
ماعوفك بعد والكالك وهمان
لو سم تنكلب همين اشربك
اذا حبك بحر اقبل اجازف بيه
صرت سفان انة بهذا بحرك
وافرض لو خسرت بحبك بيوم
مااجوز انة ابد يومية اجربك

تحياتي للجميع

عادل الناجي

[ايمان حسيني]

اذا حبك بحر اقبل اجازف بيه
صرت سفان انة بهذا بحرك
وافرض لو خسرت بحبك بيوم
مااجوز انة ابد يومية اجربك
عاشت ايدك اخويه العزيز على هالكلام الحلو واتمنه بعد تتواصل
بالاشعار وشخصيا حبيت الاخير مال القصيده روعه

[طيار عراقي]

عاشة الايادي يا فنان
ونتمنه ان تواصل ابداعاتك
واتمنى تقنع ايمان حسيني تنزلنه بعض خواطره

[نور المستوحشين]

كلمات بسيطة ومعبرة أخي الكريم

تناغمت لتكون ابياتا رائعة هنا

بانتظار المزيد

تحياااتي نور...

[ايمان حسيني]

السلام عليكم اخي طيار عراقي اللي اكتبه كلام منثور عادي لايرقى الى مستوى
مايكتبه اخواني وشكرا الك

[عادل الناجي]

اقتباس : المشاركة الأصلية كتبت بواسطة ايمان حسيني [ مشاهدة المشاركة ]

اذا حبك بحر اقبل اجازف بيه صرت سفان انة بهذا بحرك وافرض لو خسرت بحبك بيوم مااجوز انة ابد يومية اجربك عاشت ايدك اخويه العزيز على هالكلام الحلو واتمنه بعد تتواصل بالاشعار وشخصيا حبيت الاخير مال القصيده روعه

شكرا اختي انشاء الله تكون عجبتك
شكرا علمرور

[عادل الناجي]

اقتباس : المشاركة الأصلية كتبت بواسطة نور المستوحشين [ مشاهدة المشاركة ]

كلمات بسيطة ومعبرة أخي الكريم تناغمت لتكون ابياتا رائعة هنا بانتظار المزيد تحياااتي نور...

شكرا لك اختي علمرور الجميل

[عادل الناجي]

اقتباس : المشاركة الأصلية كتبت بواسطة طيار عراقي [ مشاهدة المشاركة ]

عاشة الايادي يا فنان ونتمنه ان تواصل ابداعاتك واتمنى تقنع ايمان حسيني تنزلنه بعض خواطره

شكرا لك اخي ويا رب تكون ايمان تقتنع وجاوبك
شكرا لمرورك الجميل