[بنت الغالين]

السلام عليكم ورحمه الله

بدايه الغاليه حبيت اعلق على كلامج هذا

اقتباس :

أن السنة لاترفض مايقوله الشيعة ولكن بالهدوء واللين وليس بالقوة فإن كنت أنت ستدافع وهو سيحارب أو العكس هنا لامجال للتعلم من بعضنا لامجال للتأثر ببعضنا فإن كان الشيعي يرى نفسه على حق ليمد يده نحو أخيه السني ويأثر فيه وإن لم يجعله شيعيا فتغيير بعض الأفكار المتداولة من أناس جاهلون للعلم شيء يسير ولكن يحقق هدف سامي

السنه لو ماترفض كلام الشيعه جان من زمان نص السنه متشيعين الحين
ابسط مثال الحين بهذا المنتدى .. شوفي اغلب الي يحاورون من اهل السنه هنا والوهابيه .. مابتلقين الا العناد مع ان يجيبون اليهم ادله من القرآن والسنه وتلقينهم بكل بساطه يرفضونها ولا كانه من كلام الله ورسوله

الا الي كان يبي صج يتوصل للحق شوفيهم الحين متشيعين لان ماجو يناقشون لمجرد النقاش او العناد بس جو يبحثون عن الحق .!


اما كلامج

اقتباس :

أرجوكم لا تغضبوا مني فوالله أني أحبكم في الله وإن أخطأت فليس منا من لا يخطوا أحب التشيع وبكم سأنهض مهما أتهمتموني وشككتم أقولها بعلو صوتي أحبكم واحبكم في الله

اختي محد غاضب منج لان كل واحد عليه من نفسه {بالمختصر شيعيه ولا سنيه لنفسج انتي}

وبصراحه مايحق لج تزعلين ولا تلومين اذا لقيتي البعض ماصدقج لانج من دخلتي المنتدى وانتي غامضه.!

يعني معقولة تدخلين المنتدى وبلا حوار وبلا ماتذكرين سبب تقولين تشيعت وانتي ماتعرفين ابسط الامور عن المذهب وماتبين حتى احد يسال عن السبب .. ومع ذلك احترمنا رغبتج وماسالناج

لكن تجين الحين وتقولين رجعت سنيه .. ولما فتح احد الاخوة موضوع حتى تعرضين شبهاتج جيتي وانسحبتي بكل هدوء وقلتي ماعندي شبهات .!

اذا ماكان عندج شبهه ممكن اعرف ليش رجعتي لمذهب السنه .؟!



ولاتظنين بكلامي هذا اني اقول عنج جذابه وانج غير صادقه
لكن فيه اشياء غامضه حبيت توضحينها لي حتى تتضح عندي الفكرة