[أسيرة المنتظر]

هاي لملك قلب العشق ذبني إبحور الشوق
يالمهدي بس حبك ترى طوق دليلي بطوق

ثار العشق ما ينحمل شوفني حبك ويل
يكفي لدمع من اذكرك يهمل توالي الليل
ومن اسمع اسمك ينطرى افقد ياروحي الحيل
يمتى ترد حالي صعب مايقبل التأجيل
لا للسعد يامتى الوعد

لحظه اعلى لحظه من العمر فاتت ياغالي سنين
ايتمتم لساني بالعهد ويرتل بياسين
ريت الفرج يالمهدي تم وانت ظهرت هالحين
نذراً علي لانثر ورد واكتب على حياطين
محبوب رد يمتى الوعد

اغفى اعلى لوعات الهوى واصحى واهيمن بيك
اوقف مثل طفل الفقد امه ادور عليك
وارجع مرد قلب الحزن بس دمعتي تناجيك
مو تدري بيا اعلى الجمر قاعد انا متانيك
قلبي انمرد يمتى الوعد

من سر بهاء الخالق ومن جوهره صفوك
غايب وحاضر كل وقت نفس المعاني انطوك
مالك شبيه بها البشر جل الذي سووك
من طينة الزهرة البتول الطاهره صاغوك
مثلك ابد يمتى الوعد