[** مسلمة سنية **]

اقتباس : المشاركة الأصلية كتبت بواسطة ابوهاشم [ مشاهدة المشاركة ]

انا اناقش مع اخوه واحب ان اصل انا وهم لكل شي طيب

ذكرت في احد ردودك انك كنت عضوا في أحد المنتديات السلفية و تمّ تكفيرك و طردك !!! و انا ايضا لي تجارب معهم عندما كنت على مذهبهم ... ربما لم يصل الموضوع لطردي أو تكفيري ... لكن هناك مشادات كثيرة بيني و بينهم بالرغم اني ما كنت بناقش بأمور مذهبية .. انما كنت بحكي بوحدة المسلمين أمام اعداء الاسلام ++++ عدم تنازل اي من الطرفين عن شيء في معتقده ... يعني لكل طرف اعتقاده ... في الوقت الراهن لنننبذ النزاعات المذهبية ( ننبذها و لا ننساها ) و ليكن جهدنا منصبا على اعداء الاسلام من الامريكان و اليهود ... هاد كان كل اللي فتت على المنتديات المذهبية علشانو زمان ... و هاد كان كل اللي كنت أحكيه ... لقيت ترحيب بهيك مواضيع بمنتديات الشيعة ... و لقيت هجوم كبير علي بمنتديات السلفيين ... فبإمكانك ان تعرف اي سواد و حقد ساكن في قلوبهم عافانا الله ...

....................

المهم يا اخ ابو هاشم ... يمكن يكون هدفك اليوم بيشبه هدفي بالأمس ... لكن الفرق اني ما طلبت من حد يتنازل عن شي بمعتقده ... يمكن كنت استفسر ... بس ما بقدر احكيلهم اتركوا شيء فلاني الا بعد النقاش حوله ...

حاليا يا اخ ابو هاشم هدف موضوعك مو كتير واضح ... يمكن وصلتنا صورة معينة و بنستنى منك توضيح اكبر لها حتى نحاورك على اساسها ... بقترح ( فضلا و ليس امرا ) ان تركّز في نقاشك مع احد الإخوة كالأخ صوت الهداية ربما خلال الحوار الثنائي بان لنا هدفك الأساس من هذا الحوار ...

اعذرني ازا كنت جافة حبتين في ردودي السابقة ... لكن في ناس كتير بحاورهم ممن حولي و اللي اقتنعوا بأمور كتير و غيّروا رأيهم بأمور كتير ... لكن عندهم ممكن ينبذوا يزيد ... ممكن ينبذوا معاوية ... ممكن ينبذوا عمرو بن العاص ... و عند ذكر الأحداث التي قام بها ابو بكر و عمر ينكرونها ... لكن بمجرّد معرفتهم بأنها تعود لأبي بكر و عمر بيبدا مسلسل التردد و التخبّط و الشك و الخوف !!!!! و لمّا اعرف انو والدي ... يمكن اكتر انسان بيبغض الشيعة ممن حولي و أكتر انسان بيهاجمهم و هو أكتر انسان خايفة يصلو خبر تشيّعي ... مع اني كنت جريئة مع الكثير و حاورتهم لكن لعندو كنت بعرف موقفو ... لمّا اعرف انو هاد الانسان المقرّب جدا اليّ و الى قلبي كان بشهر رمضان يشيل عن شيوخ الوهابية ( طبعا هو شايفهم شيوخ السنة ) و يحط على قنوات الشيعة في حالة يائسة من الخذلان اللي عايشينو شيوخ الوهابية ... و بعد هيك يحكي لو ما بيغلط الشيعة على ابو بكر و عمر كنت تشيّعت زمان !!!!!!!!!! بالله ما هو قهر !!!! طيّب ليش ما تبحث في الاسباب ؟؟!!! <<< سوري بعمل حالي بحكي مع الوالد لأني مو قادرة احكي معو عالواقع ... بعد ما سمعت هالشي بيوم أو تنين قرأت موضوعك ... لهيك أثار حفيظتي ... بعتذر كمان مرة ان كنت جافة في الرد ...

ارجو ان تفكّر في الحوار الثنائي الذي يدعوك اليه الأخ صوت الهداية ليتضح هدفك أكثر ...

و السلام