[وجدي الجاف]

ألف .. الف .. الف .. الف
مبروووووووووووووووك
بمناسبة ميلاد أبي عبد الله الحسين (ع)
أعاده الله عليكم وعلينا بظهور إمامنا المنتظر (عج )
وبالأمن والأمان وقضاء الحوائج ان شاء الله




بالفرحة نادينه - وانهنـّي والـيــنه
تتواكد الأنوار - بميلاد أبو الأحرار



هالليلة فرحــة كـــل وفـــي ونــرفع تهانينـه
للهادي والزهـــرة الــزجـيـــة وعلي والينـه
والمجتبى وكـــل مـسـلــــم الليلة يصد لينـه
بــــمــيــلاد أبــو السجـاد ضوّت كل ليالينـه
مبروكة فرحتنه - محفوظة جَمعتنه
يخمد لهيب النار - بميلاد أبو الأحرار



بالبهجــة والأفـــراح هـــاي الليلة موصوفة
ولحسيـــن هاي الناس جتـّي بغيره محفوفة
وخليهــــــه تنشف يا خلك كل دمعة مذروفة
وشعبان لجل حسين يضوي بفرحة ونشوفة
ما ينطفي نوره - والناس مسروره
تتنشّف الأعبار - بميلاد أبو الأحرار



وهــاي السـمـه مبـتـهـجة والأملاك فرحانه
تـنـثــر ورد واطـيــاب الـمـولـــــد الريحانه
ومــبـتـشــــر جـبـرائيل والله ونشر جنحانه
واتـــزيّـــن العـــرش الإلهـــي بنور مولانه
والجنّة مفتوحه - للحَبّه مسموحه
هاي اشكثر أسرار - بميلاد أبو الأحرار



واتــزيّــنـــت هـاي الأرض بالورد والألوان
لبــن الـوديــعــة الطاهرة وانزاحت الاحزان
وهــــاي الانـهار اتجمّعت وانصبّت بوجدان
يـللّه مـثــلــهــه نـتـّــحـــد وانخيّب العدوان
وانقوّي جلمتنه - ضدّ اللي عادتنه
وانخيّب الأشرار - بميلاد أبو الأحرار



وكــــل حـاقــد وغدّار خلـّي ايكوم يسمعنه
مـنـعـــوف ابــو السجاد هـــوّه دوم قائدنه
وبنهجــه نـمـشــي ويـنهزم كلمن يحاربنه
وســط الكــلــب مـثــواه حـبه هوّه غايتنه
وشما جره علينه - منعوف حامينه
مهزومه هالفجّار - بميلاد أبو الأحرار



وانـهـنـّي مهديـــنا الوفي بميلاد أبو اليمه
وانكلـّه يــمـتــه تـظـهـر وتـنـزاح هالغمّه
يـا ربـنـــا فــرّج عـنـّه كــل أحزانه وهمّه
وبـشّـرنه يللـّه بطلعته وابشوكنه انضمّه
خلـّينه أنصاره - حقـّّق هالبشاره
واخذ نكوم الثار - بميلاد أبو الأحرار