[البدري14]

اقتباس : المشاركة الأصلية كتبت بواسطة مرتضى العاملي [ مشاهدة المشاركة ]

نسال الله ان يخرج اخر جندي امريكي من العراق لنعلن الفرحة الكبرى ولكن ما سوف يحدث في العراق يكون اخطر على الشعب ونسال الله ان يجنب المؤمنين كل مكروه ولكم والى الشعب العراقي الف تحية وسلام واهدي لكم هذه القصيدة في المناسبة عن العراق كتبها شاعر عراقي (تُقرأ هذه القصيدة بلهجة أرياف وسط وجنوب العراق) أجلبنّك يليلي بطور تجليبه وينام، وماحَلمْ، ويْكَول مَدريْ بَهْ. * أجلبنّك يليلي والكَلب بيْ شوﭽْ ﭽـنْ حايج ألمْ بعْضاي كلهَه يحوﭽـْ، والبطران بس بيّه صفالهْ يلوﭽـْ ما يدري البخَتْ بالوكتْ تجليبه. * أجلبنّك يليلي والعمر مبيوﮔ بارَتْ سِلعِتيْ وما واصل آنه السوﮔ ، واتراهَنْ على الياحيف بسْ مسْبوﮔ واعَدْني برِبِحْ بسْ صابته الريْبهْ * أجلبنّك يليلي والوطن منهوبْ أدﮔ ْ علﮔلب مرّه ومرّه ادﮔ عَلْبوبْ، والواوي أشوفه من الطَرِشْ محبوبْ وﮔرّب كَلبي ينكر كل تجاريبه. * أجلبنّك يليلي والنوايبْ سورْ إلمْعاكسْ غِريمي وكافْلَه الزرزورْ، كثْرانه التحوف وأطْرَشْ الناطورْ واثوَلْ صار راس الهَرَم ترْتيبه. * أجلبنّك يليلي وما دَريتْ ادْوايْ بالمشْرادْ لو بمْسايَري الدنْيايْ، لو بالتيه ويّه متيّهات الرايْ لو ليل الغرُبْ...بَرْدَهْ...وزَحِفْ شيبَه! * أجلبنّك يليلي مْناشِد آنه الروحْ عنْ كسْر الخَواطرْ والوِفه المذبوحْ، أداعيهَه بحِلمْ جان بسِماهَه يفوحْ...؟؟ مَدْريْ بَهْ...! تصيح بصوت : مَدريْ بَه..!!!! ***** لكم خالص دعائي

العاملي
احسنت حبيبي وآسف على التاخير
وهذا شعورك يدل على طيب اصلك
الف شكر