السلام عليكم ورحمة الله وبركاته
اللهم صلي على محمد وآل محمد وعجل فرج مولاي صاحب العصر والزمان
موضوع جميل جداً..
ومثل هذه المواضيع تقرب الأعضاء من بعضهم البعض وتجعلهم أسرةً واحدةً بكل معنى الكلمة ..
وتساعدنا على معرفة كل عضوٍ أكثر ..أشكركَ أخي علاء ..
السلام عليكم أختي أيمان ... هل تسمحين لي بأن أطرح عليكِ كم سؤال وهم:
عليكم السلام حبيبتي هلا بيج نورتي
ولو اسألي عن كل ميجي ابالج اني بالخدمه
1..ما هو الحلم الذي تسعين لتحقيقه؟؟؟
اتمنه اكون عضو نافع بالمجتمع احب اسوي شي للناس
التعبانه المغيبه اللي عايشه على هامش الحياة
2.. ايها اقرب اليك المجامله ام المواجهه ؟؟؟
اني اكره المجامله لو مااحب احد مااجامله ابتعد عنه وخلص
اما عن المواجهه بصراحه المواجهه مو دائما تكون بصالحي احيانا يكون التزام
الصمت هو الافضل واذا حبيت اواجه احد افضل اختار وقت مناسب الي وادرس كلامي وعواقبه حته اكون متأكده واكدر اخذ حقي
3.. بلد تتمنين زيارته ؟؟؟
اتمنه ازور الرضا عليه السلام واي مكان بي عتبات مقدسه لاهل البيت اتمنه
ازوره اما على صعيد السياحه الترفيهيه وليس الدينيه اتمنه ازور اسبانيا
ولندن وايطاليا والاهرام بمصر
4..ما هو الشيء الذي يحزن أيمان ؟؟؟ ولمن تلجأ ؟؟؟
من اشوف احد من عائلتي يتألم خاصه هالفتره احس
بالحزن بداخلي لان صحة ابويه
متدهور
الجأ لله واهل البيت
5.. هوايآتك ؟؟؟
احب المطالعه تصفح النت
وعندي هوايه اتمنه امارسهه بس مااجازف هي الطبخ هههه
6.. سلبيآتك ؟؟؟
الشك التردد بأتخاذ القرار انتقاديه وزعوله هوايه يعني مختصر كل ايجابيات
وسلبيات برج العذراء تلكيهه بي
7.. ايجابيآتك ؟؟؟
هههههههههههههههه
شلون يعني امدح نفسي اترك هذي الاجابه
اخاف اكون من اصحاب هالقول
من مدح نفسه ذمها
8.. احلى وقت عندك؟؟؟
من العب ويه اولاد اخواني بحديقة بيتنه
كلش كلش احس بالسعاده وكت اشوف الفرحه بعيونهم لان عمتهم دتلعب
وياهم ههههههههههههه بس اني مودائما هيج عسل وياهم هههههههه
احيانا تصير اشتباكات
9..الاكله المفضله عندك؟
البيتزا اللي اني اسويهه
10.. حكمتك بالحياة؟
حكمتي بالحياة هي قول الامام علي عليه السلام
الطمأنينة الى كل أحد قبل الاختبار عجز
بس للأسف دائما افشل بتطبيقها
تقبلي مروري ولك الحرية بالأجابة أختي الغالية أيمان ..
بالعكس حبيبتي فرحت لان انت مريتي وخليتي اسئله لان معناه حبيتي تتعرفين علي وهالشي يشرفني ويسعدني بلا مجامله والله
لنا عودة.
هلا بيج بأي وقت والج كامل الحريه بالاسئله
شكرا للغاليه شذور الذهب