[حيدرالناصري12]

بسم الله الرحمن الرحيم


والصلاة والسلامِ على خيرِ الأنامِ أبي القاسمِ محمد وعلى أهلِ بيتهِ الطيبينَ الكرام واللعنُ الدائم على أعدائِهم اللِئام على مرِ الليالي والأيام.

(الــمـسـتـهـل)

عمي يمحمد حسين آوعيلته** فزعت أعليه الجموع آوحاطته


عمي يمحمد الوادم خانته ** خانته آوطاعت أيزيد آوزمرته


**********

((الـــــنــص))

عاشر أيام المحرم مادريت **بني هاشم بالسيوف أمخذمه


لوتشوف حسين يندب صحبته**وحدهَ لاناصرْ عندهَ آولاحمه


شردْ أخبرك بآلأطفال آوبآلحرم** تلهب أﮔلوب آلأطفال آمن الضمه


عـمي آلـمخـيم مـنهـم ماسلــم**آتحاشمت ليهْ آلأنذال آونهبته


**********

لوتشوف حسين عمي آبكربله**جروحه ماتنحسب وآلحيل أنهدم


عآلترب أصبح يلوج من العطش**وآلصدر بآلخيل ياعمي أنهشم


وآلمـثـلـث نابـت أبلـب الــﮔـلـب **ﮔـلب آبوي حسين بآلسهم آنجسم


هذه يوم الــوعد أحـمد واعـداه **عآلـرمح راسـه الـوادم رفـعتــه


**********

وآبوفاضل من تعنه المشرعه ** آتولته الأشرار عــباس الـﮔــمر


عدد ماينعد الجيش الواجههَ ** وآلسهام أعليـه صـارت ﭽـآلـمطر


ﮔـطعوا آلـﭼفين وآلراس آنهشم**وآلعلم والجود عمي أعله النهر


تِـعـناهْ حسـيـن مكـسور الـظهر** طيـحـت الـعـباس حـيلي هـدتـه


**********

آنصبتْ أعلينه آلمصايب بآلطفوف**بآلأهـلْ متمحن آوحاير وَحيدْ


وآلأطفال أتلـوج ياعــمي آبألــــم **شبلْ حيدر عمي نايم عآلصعيدْ


هجمه وحدهَ آلخيل هجمت عآلحرم**بآلسلاسل ﮔـيــدونه آوبآلحــديد


من عـﮔب عباس يحدينه الشمـر **ضعن أبوي حسين صار أبقبضته


**********

أخوكم:


حيدر الناصري


14/رمضان/1422/هــ


30/11/2001/مــ


الـــــــجـمعـــه