[احمد العراقي]

هي هاي ام البنين ** لوحة ايثار وحنين

بحروف التخليد انرسمت
وبعين الايام انضمت

هي هاي ام البنين ** لوحة ايثار وحنين

.................................................. ...

مدمع ينزف وي المنحر ** يصبر بيش ويگطع نزفه
مهموم وجمراته اتهيجه ** بركان وما تهده وتطفه
من دلال اتغمگ جرحه ** وظل يدي وما شاف المشفه
هاي ام الاقمار الراحو ** وي حسين وشعوا طفه

همه اكبر همهم حاملته
و فگده اعظم منهم شايلته

هي هاي ام البنين ** لوحة ايثار وحنين

.................................................. ...

وفـّايه وخطت للعالم ** منهج مترسخ ايمانه
عاطفته يسيرهه بامره ** وحب الدين اصبح عنوانه
ما عزت وانطت ما تملك ** بس يعلى وتثبت اركانه
مخلوط الايثار ابدمها ** ما اعظم هاي الانسانه

لحسين اعله الحگ شايفته
حجة من الخالق عارفته

هي هاي ام البنين ** لوحة ايثار وحنين

.................................................. ...

من گرب موعد فرگاهم ** رادت من عباس اوعود
گالتله اطلب حگ ترباتك ** يبني وهسه الحگ مريود
تحمي حسين وتكفل ضعنه ** وابدمك بالشده اتجود
مد اجفوفك يبني وعاهد ** والزوم اتوّفي المعهود

موقف والعالم يشهدله
ما مر ابعمره اليشبهله

هي هاي ام البنين ** لوحة ايثار وحنين

.................................................. ...

ودعها وعرفت ما يرجع ** لاجن ظل ساكن عيناها
طيفه املازمها ابكل لحظة ** غايب بس ذكراه وياها
بدموع اتصبّح محرابه ** واتخلص اليوم ابمبجاها
يا ريحانة سبط الهادي ** سيصبر روحي ابّلواها

دلالي امتانيك تگله
ملهوف ابيا ساعة اتردله

هي هاي ام البنين ** لوحة ايثار وحنين

.................................................. ...

من نفتح تاريخ الدنيه ** وانشوف اشضمت صفحاته
جم صورة وذكرى امسجلهن ** حافظهن فكره ابطياته
راح انشاهد يرجف قلمه ** وفوگ السانه اتعز جلماته
من يوصل يم اسم الحرة ** ويذكر موقفها او وثباته

موقف وجه ايمانه اتوضح
بيّن للتاريخ او صرح

هي هاي ام البنين ** لوحة ايثار وحنين

.................................................. ...

بالامة اشما مر طاريها ** نستلهم من عنده العبره
عنوان ومخطوطه احروفه ** وي زينب باسفار الثوره
جانت تجسيد لكل معنى ** كلمة طاعة رب القدره
صبرت عالالام وعاشت ** صرح الما مره انهز صبره

اكرمها الباري وشرفها
اجلال لرفعة موقفها

هي هاي ام البنين ** لوحة ايثار وحنين

.................................................. ...

نسألكم الدعاء

احمد العتابي
العراقي