[** مسلمة سنية **]

السلام عليكم و رحمة الله و بركاته ....

اخي الكريم الزبير بتمنى تكون بأحسن حال .... و بدي اعتذر منك على كثرة شروطي ... لكن خليهم مقابل اليمين اللي ما رضيت نبدأ الحوار إلا بعد ما أحلفو .... و بتمنى انك ما تشيل بقلبك علي ..... و نبدأ حوارنا ببركة الله .... الهدف من ناحيتك هو اثبات اني كنت شيعية .... و الهدف من ناحيتي هو اظهار الأسباب التي جعلتني افقد ثقتي بالمذهب السني و اعتنق المذهب الشيعي ( انا لا اسعى لاثبات اني كنت سنية لأنو اثبات الموضوع ما بيهمني كتير ) ..... و الله من وراء قصدي و قصدك شهيد ......

أخي الكريم أسئلتك عامة و لكي اجيبك عليها فأنا بحاجة لأقف على عدة امور و عدة اسباب و مراحل سأحاول توضيحها بما يقدرني عليه الله تعالى .... و لك اخي الكريم ان تناقشني في أي سبب من الأسباب التي سأطرحها .....

و قد قسمت أخي الكريم المراحل التي مررت بها الى خمس مراحل و ذلك كي يكون الأمر أسهل للفهم , و هي : مرحلة البداية .... مرحلة الفضول .... مرحلة الشك ..... مرحلة البحث .... مرحلة الاقرار و الاعتراف ....

في هذا الرد سأحاول ان اتطرق للمراحل الأولى بشكل سريع .... و لنبدأ ببركة الله .....

المرحلة الأولى ...... البداية :

اخي الكريم بدأ الموضوع معي في أحداث غزة الأخيرة ..... تأثرت كثيرا لما جرى .... و تأثرت بالخيانة اللي كانت واضحة عينك عينك .... و تنرفزت لما شفت انو اللي بيخونوا فينا بيهاجموا أي حد بيحاول يقدم مساعدة و ان كانت معنوية فقد كنا بحاجة لها .... المهم أخي الكريم كتبت مواضيع كان هدفي فيها بالأول التنفيس عن غضبي .... و التأكيد على ان المسلمين و العرب و أي شخص عندو كرامة المفروض انهم يكونوا ايد وحدة بمواحهة الاستبداد الأمريكي و الصهيوني اللي مستبدين و مستعبدين الكل .... و قد تعمدت ان اشترك في عدة منتديات باسم ( مسلمة سنية ) و انا احث على الوحدة مع الإخوة الشيعة ( يعني هدفي كان اظهار اننا لا نتأثر بما يقولون و أننا نحن السنة لا نرى الشيعة كما يرونهم ... ) .... المهم كنت مفكرة و متأكدة انو اللي بيحاربو الوحدة هم السلاطين و الحكام و اعداؤنا .... و كنت متوقعة اني لما اطرح هالمواضيع في المنتديات بين الناس البسيطين رح يوافقني عليها الأغلبية من منطلق اني ما كنت اعرف عن كل هالمشاكل و كنت افكر انها فقط اشاعات يروجها البعض لتمزيق الأمة .... يعني فتت على هالعالم و انا ما بفكر لا من قريب و لا من بعيد بدراسة المذهب الشيعي او التعرف عليه ..... كل هدفي الوحدة و كلٌّ له دينه .........

المرحلة الثانية ...... الفضول :

متل ما حكيت كنت بدي اكتب كم موضوع للوحدة و بعدها رح انسحب ....... و كمان توقعت اني الاقي الردود المشجعة على الوحدة ....... بس تفاجأت اني قد هوجمت و تعرضت للكثير من المساءلات و تم اتهامي في مذهبي في أكثر منتديات السنة ..... واللي حكوا معي بشكل مؤدب كانوا يحاولا يقنعوني انه لا يجوز الوحدة مع الشيعة لأنهم ...... و لأنهم ...... و لأنهم ...... الكل بيبعت فيديوهات و ملفات و روابط تثبت مدى سوء الشيعة .... ويمكن بكل مواضيعي في المنتديات السنية ما وافقني على رأيي غير شخصين او تلات .... شكيّت بحالي ...... يمكن اكون غلطانة !!!!! و صار عندي فضول اعرف عن الناس اللي كنت بدي نكون ايد وحدة معهم ... لهالدرجة كنت مخدوعة فيهم ؟؟؟؟؟؟ قررت انّي اعرف عن الشيعة بالأول في منتديات السنة فقرأت و قرأت و قرأت في المواضيع .... و قرأت أقوالهم في الشيعة و الصفات التي يتهمونهم بها ....
وبعدها الفضول شدني اكتر و قررت ان أقرأ عن الشيعة في مواقع الشيعة و في مواقع اسلامية عامة و ليس منتديات .... فتفندت عندي تهمة شنيعة كانوا يتهمون الشيعة بها وهي تحريف القرآن ..... وهناك امور اخرى قد شدتني للقراءة في منتديات الشيعية ...... ( يعني من الأشخاص اللي الهم فضل علي في اختيار هاد الطريق .... هم الأعضاء في المنتديات السنية اللي ما خلّوا شي الا و اتهموا الشيعة فيه مما أثار عندي الفضول و دفعني للقراءة في منتديات الشيعة .... ) ازا بتحب تناقش بعض الأمور اللي شفت انها امور مبالغ فيها من اتهامات فانا مستعدة اناقشك فيها بس في موضوع تاني ..... ( على فكرة بس نصيحة لأي سني ما بدو التشيع يزداد .... خففوا هجومكم على الشيعة .... )