[الاستاذ اسعد]

العراق
بيتي أنته العرق البيه شبيت
شتضن واحد عراقي يعوف بيته
ودمعنا الغالي لجلك رخصيناه
ولــغـــيرك أبــد ما رخصــيتة
سال عليك بوية وطفح خنياب
على أخدودي وفى يوم الجريتة
أبو الغيرة العراق البيه عباس
بالبــلدان طش وشـاع صيته
زلم عدنا اتنخى براعي الجود
من أحســين تأخذ من قضيته
من الطف تغذى وأخذ نبراس
خالرطتة الوطن بارز هويته
مايقبل الذلة شما عرى وجاع
لبس جفنه وصرخ صايح منيته
وحفر كبره أبابه وعلك إعلان
أفهم وبتمعـــن يالي قريتــــه
حرف جزئ الحرف لا لا تبيعون
ترى أبدمي العراق إنا اشتريته
لا للتقسيم واحد جبل والهور
الوجه بغــداد وجفــوفه قريته
جسد واحد تجرحه بقطع الأعضاء
ويموت من النزف لو وذريته
مصالح على المصالح هم الأطراف
ودمع تمساح دمعك شأ بهيته
ملعونة السياسة اتكول كل شي يجوز
لتناقض على التناقض جوزيته
أذن كلشي بحياتك سهل راح يصير
نسيت حسين شمر الصا لحيته
يا حوت الفساد الماشبع يوم
شنحط أبلــوك حتى انسد شهيته
فظحني ألشاف سري الكال ما مون
وصاح بعلي صوته الشاوريته
وعلسني الكال عونك من تنخيت
وطلع واوي العليكم أمنيته
يبو وجهين تطلع شمس فد يوم
وتصيح أبسمه كله الفرهديته
حرامي اتكول هذا وهذا جذاب
ويظــهر كل خداع ألموهيته
بسك لا تكحل كحل ماريد
بكت شوفي بنفاقك صادريته
وبسك لا تخيط جرحي خليه
طلع مسموم خيط الخيطيته
وبسك لا تهوس بيرغك طاح
شبيه ذاك العلم من غيريته
وبسك لا تكلي الباب مفتوح
ونته بقفل غدرك قفليته
وبسك لا تكلي ألحكي طلاب
حتى الكبل جيتك ضيعتيه
وبسك لا تنوح وياي يفلان
منك حزني ونته السببيته
راداني الحزن صاحبني صار أسنين
مو بيدي غصب من صاحبيته
المكسب لون يوم أتضحك أيتام
ونشدك جم يتيم الضحكيته
أنزل عوف عرشك ونشد الناس
هم وفيت مره الواعديته
هدمت الوطن شيدت بيت وبيت
أهدمه العار عالي الشيديته