منتديات أنا شيعـي العالمية - عرض مشاركة واحدة

الباحث عادل الايهم · بتاريخ : 30-01-2009 الساعة : 02:57 AM

السلام عليكم ورحمة الله وبركاته

اخى الغالي الامير .......كيف الحال
اسال الله ان تكون بافضل حال .......مررت بكلماتك
فذكرتنى قبل عشرة اعوام كنت اكتب هكذا نوع من الشعر الذى يصف الغربة والسفر وحبيت من خلالها ( واسمحلي اكيد اخى العزيز ) انو اقدم الك هاى الكلمات اللى كتبتها خلال خمس دقائق مو اكثر .......جواب لقصيدتك
ارجو منك تقبلها ......ودمت بخير
سالت اعله السفر بس لا تظن جايين
ومنهو الكال بيدك انت تدفنى
القلب غاب وما ظنك تحس بيه
تذكر لو اذكرك من جنت تظلمنى
اي بغداد منهن وانت تعرف زين
وبكل بيت بيها جنت تذكرنى
بس راح الوكت وياريته ماعاد
ومن اسمع اسم بغداد تحركنى
صحيح الطوائف ما جانت النا
بس لا تنسه الذبح من سني
سفرتك يا صديقي غاية النسيان
ولسان الوطن مجروح واسمعني
السفر غربة .ومحنة .وشوق
ومو عمان هي الضيعتك منى
الاصل بغداد وانت تعرف زين
وبس الكاع هى البعدتك عني
ما ارجع بعد وكتلك قبلهه بيوم
والكلمة انحجت وبعد لا تجبرني
كلت اغركت اغرك وظل غركان
ومو دمك تره هذا اليحسسني
روح ومالي رجعة اوياك للدوم
ودمعتك خليها للايام ولا تقشمرني
ويوم من ارجع ارجع للعراق
لان العراق اصلي وجزء مني
وبغداد الحبيبة هي الروح كلها
وبغداد الاصل بالقلب اتحبني
وبغداد الاصل بالقلب اتحبني
...........تحياتى اليك اخى الغالي وتلك هدية من اخيك الباحث ايهم الجعفري
ولانك ارجعته الى عشرة اعوام اى من كان عمره 17 عام
........اسال الله التوفيق لك بحق محمد وال محمد