[ضايج من الغربة]

قصيدة ولحن

مر بيه العـشـگ دگ بيده بيباني
وخلاني اسولف بيك خلاني
ولجرف حبك خذني بشوگ جنحاني
وهويتك والـﮔـلب مجبور خذاني عليك وداني
وعلى صدري احط راسك واسمعك نبض شرياني
رسمتك قصيدة وتطرب الحاني
ورسمتك لحن ويردده الساني
ورسمتك ورد ويحضنه بستاني
ورسمتك دفو لو رجفت ابداني
ورسمتك فرح اينسيني احزاني
ورسمتك وفي ما يوم تنساني

هويتك واليحب بخلاص مو سهله يحب ثاني
وﮔـلك اذا جار الوكت وياك
رد ليه ابهذيـﭿ الطيبة تلـﮔـاني

تحياتي لكم
ضايج من الغربة