[نور المرجعيه]

السلام عليكم
قال امير المؤمنين وسيد الموحدين عليه السلام
((( ماخانك الامين ولكن ائتمنت الخائن )))
والمرجع الديني الاعلى اية الله العظمى السيد السيستاني


يؤكد عدم رضاه الكامل (لاحضوا اخوتي )الكامل من التجارب الانتخابيه السابقه
********************************************
والمثل العربي يقول
الخياره ال تضوكهه مره لاترجع عليهه
********************************************
واتصور اذا واحد يريد يعرف مجلس المحافظه لو المحافظ يشتغل جيد لو رديئ لا يتباوع للارصفه
خلي يدخل في المناطق الشعبيه (ها مو بايام الانتخابات ) ويشوف كم طفل عراقي شايل كونيه على متنه ويدور فافون وقواطي بيبسي فارغه
خلي يشوف الاحصائيات عدد المطلقات والارامل الي ماعدهن واسطات وما مسجلات بالرعايه
خلي يشوف الكبسله والحبوب الي كامت تنباع علني
خلي يشوف التعذيب بالسجون العراقيه (لاتكلي مستحقين )ماكوا فقره بالدستور تنص على التعذيب
خلي يشوف الرشوه والفساد الاداري واصل للهامه ومن داخل المحافظه نفسها
خلي يسئل عمال التنظيف المتعاقدين كلهم خريجين وما متعينين
خلي يسئل المسؤولين اغلبهم اميين وما يقرون ويكتبون لو خريج متوسطه
خلي يسئل ويزور العوائل الفقيره شاكلوا قبل يومين ويا جار استعطف عليهم
والسوالف هواي هواي وشبعنه من الوعود وماريدهم لحم على باريه