[ربيعيه]

بسم الله الرحمن الرحيم

الطبخات من اختراعي ما اعتمد لا على وصفات ولا مقادير معينه الي موجود قدامي اخليه في الطبخ

غدانا سلقت اللحم وحمصت البصل وقليت مكعبات البطاطا والبادنجان وقطعت فليفله

بعد تحمير البصل خليت عليه اللحم والفليفله والبطا طا والبادنجان والزبيب وحب الرمان

والبهارات وجزر مبشور




الحين سلقت مقدار من العدس الي لونه بني ما ادري كل بلد له تسميه

وبعدين اخدت الماي الي حق العدس وخايته على الرز وطبخته علشان يعطي لون وخليت

عليه مقدار الملح وعلى جنب كنت محمره شعيريه مع قليل زبده لين يصير لونه دهبي

ولما قرب ينضج الرز خليت عليه الشعيريه والعدس وبعدين خليته لين ينشف





والسلطه حسب الموجود في المنزل





وهذا غدانا تفضلوا





وهذا غداء ولدي ما يحب يجرب اي شيء خليت له رز احمر مع لحم وصورته بعد





الان دور العشاء

شوارما لحم قبل اقطع اللحم صغار واخليه في قدر واضع عليه البهارات بجميع انواعهاوملح

وملح الليمون وزيت زيتون وزبادي واغطيه لمدة ساعتين

اقطع بصل شرائح وفليفله حسب الالوان الي تكون موجوده وتحمريهم

بعد ساعتين نضع اللحم في مقلى ونغطيه لين ينشف من المويه ويتحمر انظيف له البصل

والفليفله ياخد نصف ساعه





والسلطه





الخبز





تفضلو معانا





ما اعرف اشرح بس اذا حبيتو توضيح اني مستعده