منتديات أنا شيعـي العالمية - عرض مشاركة واحدة - رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 20-09-2008 الساعة : 04:13 PM

..(( الجزء الخامس والثلاثووووون))..

الجزء الأخ ــير ** الفصل الثاني**

الغلاف

الفصل الثاني ...

وقف محمد .. مشى للباب اللي بيصدمه باللي داخله .. فتح الباب .. طالع عاليمين كانت ريم والدكاتره بعدهم حولها .. طالع اليسار ...

مشى بخطوات متثاقله .. رفع الغطاء الابيض عن وجهها
:.:.: لاتخليني ..اعيش لوحدي بهالدنيا بدونك
لا تخليني .. ضايع بهالدنيا بلياك
لاتخليني .. اولادك محتاجين حنانك
لاتخليني .. امسح دمعتي لو دمعه اولادك :.:.:

حب راسها وغطاها .. مايقدر يشوف شكلها كذا قدامه .. تسند على الجدار
الدكتور: لو سمحت تخرج برى اذا تعرفت على الجثه
لا جواب ...
الدكتور: لو سمحت يااخ
محمد: نعم
الدكتور: البنتين بتاعك
محمد: ايه
الدكتور: طيب اخرج الحين نكمل شغلنا
محمد: طيب
الدكتور: الولد حالته كويسه بس لازم يضل هنا اسبوع وتالي نخرجه
سكت عنه محمد ومشى ..

حيدر بتردد: محمد .. هم ؟
محمد: آآه شوق راحت راحت وفدك وولدها محتاجينها .. وريم بعد بتروح واخوك جاسم مسكين مابعد ...
حيدر: خلاااص محمد اسكت ان شاء الله تقوم بالسلامه

حسين: يلا خلنا ننزل شوي
جاسم: وقته هو القهوه
حسين: وشو فيك متضايق
جاسم: مادري كذا من قعدت وانا زهقان
حسين: امش بس ادخل
فتح حسين باب المحل ..
جاسم: ااووف بعد هذا هنا هذا اللي ناقصني .. تعال مابدخل
حسين: ليش
جاسم: طالع هناك
حسين: خير ياطير مو هذا سامي اللي كان معنا بالدفعه بامريكا
جاسم: بتمشي معي لو لا
حسين: ابتلشنا بك احنا اليوم

عبد الله: تذكرين هذا المطعم ؟
مريم: اممم مادري ماحفظتهم كلهم
عبد الله: هههههه الحين تدخلي وتذكريه
مريم: اهااا هذا اول واحد رحناه صح
عبد الله: ايووه هههههه لما مااكلتي الا السلطه قال ويه شبعت
مريم: يعني لو انت بحالك قاعد مع احد اول مره تاكل معاه لوحدكم بمكان عام مابتستحي
عبد الله: لا باكل لين مااشبع
مريم: ههههههه لان الرجال مايستحوا عادي عندهم
عبد الله : وانا منهم ؟؟
مريم: انت رجال ولا مره اعرف نفسك
عبد الله: هههههههههه مااستحي هاا

ريحانه: الوو
دانه: اهلين ريحانه فيصل جا من العمل ؟؟
ريحانه: ايه من زمان .. ليِش ؟؟
دانه: حيدر ماجا للحين واتصل له مايرفع جواله
ريحانه: دقيقه .. فيصل
فيصل: هاا
ريحانه: تقول اختك ان حيدر للحين ماجا
فيصل: ماادري عنه .. مفروض يطلع معي بنفس الوقت
ريحانه: يمكن فيه شي قوم شوفه لان تقول تتصل له مايرفع
فيصل: امم انا وانا طالع لاهو ولامحمد موجودين .. بتصل لمحمد بشوف
دانه: خبروني زين
ريحانه: أي ماعليه مع السلامه
فيصل: الو .. حيدر؟! .. وشو صاير .. كيف ؟؟؟ ... سواق البيت ؟؟ .. انا لله وانا اليه راجعون محمد معك .. اهاا .. زين اتصل لمرتك خبرها لانها تسأل عنك ..
سكر التلفون ..
ريحانه: وشو فيهم ؟؟
فيصل: مرت محمد ....... عطتك عمرها
ريحانه: شوق ؟؟ شوق ؟؟

في المستشفى ...

حيدر: محمد .. قوم بيتكم
محمد: مامبي اروح
حيدر: بتضل يعني هنا لمتى .. اهلك
محمد: وشو اهلي مااهلي وشو اقول لهم الحين .. ارجع مامعي احد....قول لي كيف
حيدر: محمد اشرب الماي .. انا اروح معك لاهلك

اليوم التالي .:

في بيت أبو محمد ...

كان البيت حزين وكئيب و صوت أم محمد تصيح وتدعي على روحها ... الكل كان متجمع ببيتهم من معارفهم ..
فدك راحت غرفه اللي فيها النساء .. تدور بعينها ودموعها متجمعه ..
سحر: فدك تعالي حبيبتي وشو تبين
فدك: امبي الماما وعميمه ريم
سحر: تعالي غناتي قعدي معي
فدك: البابا يقول انهم سافرو صحيح
سحر: ايه
فدك: بيمهلوا
سحر: أي غناتي يمهلوا بس بعدين ان شاء الله تشوفيهم ..
فدك: والدادا وين راح معهم ؟
سحر: لا حبيبتي الدادا في المستشفى بعدين يجيبوه البيت حق تلعبي معه .. تعشيتي غناتي ؟؟
فدك: لا
سحر: ليش
فدك: مو حلو اللحم مااحبه
سحر: تبين تاكلين ببيتنا مع رحمه
ضحكت: ايه ايه وديني معك
سحر: الحين دقيقه بس
راحت لعمتها ..
أم محمد: آآه راحوا عني بناتي .. ضليت بدون بنات
أم حيدر: مايصير كذا ياام محمد ان شاء الله تقوم بالسلامه ريم
سحر: عمه عمه
أم حيدر: ها
سحر: باخذ فدك معي البيت أأكلها هناك ماعليه
أم حيدر: أي خذيها
ريحانه: بترجعي ؟؟
ندى: دانه ماجات
ريحانه: قاعده مع اليهال

اخر الليل ...

محمد : فدك مو معكم
أم محمد: اخذوها بيت أبو حيدر معهم
محمد: طيب بروح اجيبها

رن الجرس ..
فتح الباب حيدر..
حيدر: اهلا محمد
محمد: اهلا .. جاي اخذ فدك
حيدر: فدك نامت خلها تنام عندنا
محمد: حيدر كفايه علي لاتحرمني من بنتي
حيدر :ان شاء الله الحين بجيبها
بعد دقائق ..
محمد: بسم الله .. من زمان نامت
حيدر: مادري والله توني داخل انا من شوي
محمد: مع السلامه ..
حيدر: الله يسلمك ..

بعد أسبوع ..

ريم دخلت بغيبوبه ومافاقت للحين ..
محمد .. جسد بلا روح .. كلماته معدوده .. الابتسامه ماتت من وجهه .. بعد ماكان معروف الموظف المبتسم بالشركه ..

نهايه الدوام ..
اخذ محمد اغراضه بيطلع من العمل ..
محمد: تفضل
جاسم: السلام
محمد: وعليكم السلام تفضل جاسم
جاسم: كانك طالع
محمد: بروح اخذ ....... أحمد
سكت جاسم ...
محمد: تروح معي
جاسم: أيه بروح
مشوا للشارع ... وكل واحد تفكيره بمحل ..
جاسم: تعال معي بسيارتي
محمد: مايحتاج
جاسم: كيف تالي تحمل ولدك وانت تسوق؟؟
سكت ومشى مع جاسم ..
بالسياره ...
جاسم: محمد
محمد: هاا
جاسم: ودي ازور ريم .. عادي ؟؟
مارد عليه محمد ..
جاسم: اذا ماترضى عادي براحتك
محمد: بتنتظرها ؟
جاسم: اكيد
محمد: بس يمكن تطول
جاسم: واذا .. انتظرها
محمد: الله يخليها لك .. عادي انت زوجها الحين
جاسم : شكراً
رجع الهدوء .. لين ماوصلوا المستشفى ...

بعد ثلاث أشهر .:.:.
الظهر ...

حسام: اوبه تعال بابا تعال
ندى: هههههه تصلح دعايه بامبرز .. مالبسته ثيابه
حسام: خليه يتنفس ..
ندى: ههههههههه اقول لبسه بس خل ننزل
حسام: خليه يمشي شوي
تغيرت نبره ندى: شوق كانت تقول متى اشوف وليد يراكض مع اليهال .. لانه اصغر واحد
حسام: الله يرحمها
ندى: يالله ننزل
حسام: طيب ..

ببيت أبو محمد ...

مريم: محمد حرام عليك صرت لحم على عظم مااكلت شي
محمد: الحمد لله خلاص
أبو محمد: أكل يبه مااكلت شي
قاطعهم صوت أحمد يصيح
مريم: اقعد انا اروح له
راحت لأحمد تهديه
محمد: دقيقه اسوي له الرضاعه
جهز له الرضاعه ..
راح لمريم بيعطيها الرضاعه
محمد: شفيك مريم
مريم: مافيني شي بس راسي داير اليوم
محمد: عطيني اياه
مريم: لا خلاص عادي
محمد: مريم جيبيه
اخذه منها وراح لأمه وابوه ..
بعد دقائق ....
فدك: امبي حموودي
محمد: اصص بينام لاترفعي صوتك
فدك: بس الحين ماننام
محمد: هو يبي ينام سكتي خلاص
أبو محمد: محمد يبه بتضل كذا عايش بحالك
محمد: يبه انا قلت لامي لا وخلاص
أبو محمد: بس مايصير انت عمرك ماجا حتى 35 تقدر تتزوج
محمد: بس انا ماامبي
أم محمد: محمد اذا أنت ماتبي زوجه أحمد وفدك يبون ام وحنانها
سكت شوي ....
محمد: انتي موجوده يمه
أم محمد: الحين صغار اقدر عليهم تالي يكبروا وانا اكبر مااقدر اربيهم وادرسهم .. فدك السنه تروح الروضه من بيدرسها ؟؟ من بيهتم لها يعلمها .. مايصير يمه كذا
محمد: مريم تعلمهم
أم محمد: مريم عندها زوجها وبيتها مابتجي لك كل يوم
مريم: شو صاير
أم محمد: اخوك
محمد: بودي أحمد مرقده ..
جلس بالغرفه مع ولده ..
جمله امه تتردد داخله ((اذا أنت ماتبي زوجه أحمد وفدك يبون ام وحنانها))
جات له فدك تركض
فدك: بابا بابا امبي اروح بيت خاله سحر
محمد: من خاله سحر؟؟
فدك: العب معاها وايمان وبتول ورحمه وراكان
محمد: بيت ابو حيدر؟؟
فدك: ايه
محمد: تامري حبيبتي
فدك: الحين بروح
محمد: الحين اوديك .. تعالي امشط شعرك
فدك: آي تعورني .. خاله سحر تسوي شعري حليو
محمد: فدك
فدك: هاا
محمد: انتي تحبي خاله سحر؟
فدك: ايه احبها وااايد .. خلها تجي بيتنا من زمان كانت كله تجي
محمد: يالله اوديك

بغرفه سحر ..
كمال: لا موقصدي بس احس كذا نضايقهم ..
سحر: شرايك تبي تعيش لحالك يعني
كمال: يرضى خالي لو نقول له
سحر: مستحيل يرضى
كمال: ليش احنا مويهال نقدر ندبر حالنا
سحر: كمال شيل السالفه من بالك
انفتح الباب وفدك جات تركض
سحر: اهلين فدك كيف حالك
فدك: زينه
سحر: واخبار حمودي
فدك: نام
كمال: من هاذي ؟؟
فدك: انا فدك والبابا اسمه محمد
كمال: ههههههههه
سحر: بنت جيرانا
كمال: اللي امها توفت
سحر: ايه... الله يرحمها

بعد أيام .....

كلم محمد امه عن سحر .. لانه يشوف فدك متعلقه فيها فكلم امه عليها وابوه كلم عمها ابو خالد .. اما سحر رفضت .. بس بعدهم مايقولوا لهم

ريحانه: بس ودي اعرف ليش ؟؟
سحر: لاني مااستاهله
ريحانه: ليش ؟؟؟
سحر: كذا مااستاهل احد اناا
ريحانه: لاتجننيني تكلمي عدل
سحر: ريحانه تتذكري لما كلمتك عن وحده انها تكلم واحد وبتطلع معه لما كنا بالشاليه اخر مره رحنا مع شوق
ريحانه باستغراب: ايه
سحر ودموعها في عينها: كنت انا انا
ريحانه: انتي قلتيها كنتي .. والحين ؟؟
سحر: والله تبت بعتد ماشافني اخوك
ريحانه: من شافك ؟؟
سحر: جاسم
ريحانه: حق كذا رفضتيه ؟؟
سحر: هو قال لي ارفضه وانا كنت اصلا من نفسي مابقبل
ريحانه: اهااا ... طيب جاسم لانه يدري عنك شدخل محمد
سحر: ماادري
ريحانه: حرام عليك .. انا متأكده انه مختارك لان فدك تحبك وهو يبي زوجه تحب اولاده
سحر: يجيبها كل يوم عندي عادي .. انا مااتقارن بشوق .. حق اخذ زوجها
ريحانه: لا والله !! الله يرحمها شوق هي اللي قنعتي اقبل بفيصل .. كنت رافضه الكل ..

****
**