منتديات أنا شيعـي العالمية - عرض مشاركة واحدة - رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 20-09-2008 الساعة : 04:12 PM

..(( الجزء الخامس والثلاثووووون))..

الجزء الأخ ــير ** الفصل الأول**

الجزء الخامس والثلاثوون (( الجزء الأخير ))

بمناسبه الجزء الاخير ... غلاف الروايه
صممته امس بشكلين بنزل شكل والفصل الجاي الشكل الثاني
الفرق بينهم صوره وحده بس ماادري اي احلى خخخ

وهذا اللابتوب اللي تعب معي خخخ

الفصل الأول

بعد ساعتين ....

أبو محمد: ريم فكري براحتك ولاتردي علينا قبل بكره زين
ريم: ان شاء الله
مشت للمطبخ
شوق: هههههههههه اول مره اشوفك كذا ريموو
محمد: السلام
أبو محمد: وعليكم السلام
جلس عالكنب : ااخ جوعاان حدي وين البنات
أم محمد: بالمطبخ يمه الحين اقول لهم
أبو محمد: محمد
محمد: هاا
أبو محمد: اليوم جاو النسوان تقدموا حق اختك
محمد: حق من؟؟؟
أبو محمد: حق جاسم
محمد: لاتقول اخو حيدر
أبو محمد: أي وشو فيه
محمد: ههههههههه لا مافيه شي بس كشخخه لو ياخذها
أبو محمد: والولد وشو تعرف عنه
محمد: والله خوش رجال مااعرف عنه الا كل خير ... احسه يناسب ريموو

بعد أيام ....

حيدر: أيه خلاص العقد ليلة الجايه والحفله اسبوعين يمكن قالوا
دانه: اهاا
حيدر: وين الاولاد
دانه: نزلوا تحت لعماتهم
حيدر: اهاا
دانه: تتغدى لو تنام
حيدر: لا اكلت لي شوي بالعمل .. بنام
دانه: ههههههه هاهم جاو اصواتهم لهنا
راحت فتحت لهم الباب ...
راكان: انا دبلك انا اتبر
رحمه: لا انا دبل
دانه: لادخلوا خلصوني .. يلا البابا جا
ركضوا لداخل الشقه وقفزوا على ابوهم ..
حيدر: ااخ شوي شوي علي
رحمه: بابا امبي ثوله ذي ايمان
حيدر: اول حبي البابا .. وانت راكان ماتبي شي بعد
دانه: ههههههههه هاللي بتنام
حيدر: وانتي بعد ماتبين ثوله زي رحمه
دانه: هههههههه لا ماامبي انا امبي اروح السوق
حيدر: اوووب بعد سوق
دانه: اخذ ثياب لرحمه وراكان
حيدر: متى
دانه: برحاتك عادي أي يوم
حيدر: يصير خير ..

ليلة العقد ...:.

بعد ماعقد الشيخ ..

جاسم كان جالس بين محمد وحيدر واخر شي جنب حيدر فيصل
جاسم يساسر حيدر: حيدروو
حيدر: ها
جاسم: يخلوني اشوفها الليله
حيدر: هههههههههههههههه أي عادي
جاسم: اسكت نزل صوتك فضحتنا
محمد: ها ها وشو تقولوا
حيدر: اقوول؟؟
جاسم: لا
حيدر: هههههه بس انا امبي اقول .. جاسموو وده يشوف اختك
محمد: هههههههه ماتبيك تشوفها
جاسم: ليش ؟؟؟
محمد: تقول مو مشتهيتنك
فيصل : ههههههههههههههههههه مسكين لاتحطموه الرجال
حيدر: ههههههه البنت مو طايقته غصب يشوفها
محمد: هي انت لاتصدق .. بس قالت ماتبيك تشوفها الحين .. بالحفله كلها اسبوعين
جاسم :اهاا
فيصل: هههههههه مسوي حاله ثقيل قدامك وهو بالبيت صاجنا
جاسم: انا هااا ..
حيدر: مادري من اللي لما قلنا له ريحانه موراضيه مارفع الجوال
محمد: هههههههه قاعد يصيح يمكن
فيصل: انطم بس .. كان ابوي يكلمني لان يقول لي انها وافقت بس هذا صاحبك يكذب علي
حيدر: تصدق ذيك الليله خفت انه انتحر او صار له شي
جاسم: ههههههههههه

عند النساء ...
شوق: أي يبي لي اروح ماعندي لا انا ولا لفدك
ريحانه: خخخ انا عندي مايحتاج
دانه: هههههه أي تشتري وتعبي بالكبت
ريحانه: لا مره شفت واحدح عجبني شريته
دانه: مريم متى بتجي ؟؟
شوق: بتروح عليها الحفله
دانه: خساره
شوق: صحيح سحر ماجات ليش ؟؟
دانه: قلت لها قالت راسها يعورها ماتبي تجي .. تسلم عليكم كلكم
أم حيدر: أي حتى جارتنا ام يوسف سافرت
أم محمد: أي رحت لها صح .. دريتي أن ام نواف سكنوا بيتهم الجديد
أم حيدر: صحيح ؟؟ وين ماسمعت
<> <> والنسوان مايخلصوا من سوالف الزيارات خخ <><>
ريحانه: شوقوو لايكون حامله بتوأم دبتك كبيره
شوق: لا ناقصني انا ثنين بس واحد
ريحانه: تاكدوا يمكن فيه واحد منيه مناك
شوق: هههههههههههه مافيه
دانه: هههههه لو فيه كان يطلعوا لك قرون ..تضلي حامله بهم احسن من تولديهم
ريحانه: ههههههه نصيحه مجرب هاا

بعد أيام ....:.

على التلفون ..

شوق: اهلين حبيبي
محمد: اهلين شووقي
شوق: ها تقدر ولا لا
محمد: امممم يبي لي ساعه عالاقل لانه الاجتماع شكله مطول .. لحظه بس
حيدر: ياخي عندنا اجتماع يالله
محمد: الساعه كم تتوقع يخلص
حيدر: مادري ليش؟؟
محمد: لان الاهل يبون يروحوا السوق
حيدر: خل السواق يوديهم
محمد: أي سواق ؟
حيدر: سواق بيتنا .. عادي ماعنده شي البنات ماحد عنده دراسه
محمد: لا خلاص اوديهم بعدين
حيدر: خخ والله لو هم اكثر من وحده خل يروحوا معه تفتك من دواره السوق
محمد: زين خلاص اتصل له خل يمر عليهم
حيدر: اوكي .. انا بتقدم عنك
محمد: الوو شوق خلاص سواق بيت ابو حيدر بيوديكم
شوق: انزين
محمد: بتاخذي فدك
شوق: امم ماعتقد اذا عمتي ماعندها شي بخيلها عندها اريح لي
محمد: اوكي اذا وصل لكم بتصل لك .. مع السلامه
شوق: الله يسلمك

بعد نصف ساعه ...

جوال محمد يهتز بجيبه مايقدر يرفعه لانه بالاجتماع ... الجوال مو راضي يوقف .....
فيصل: شفيك تحوس
محمد: الجوال يصيح
فيصل: اهاا
محمد: مادري كأنه شي مستعجل موراضي يوقف
فيصل : ان شاء الله خير شوي ويخلص الاجتماع
حيدر: سكتوا لاتتهزأو

رغد: ندى عطيني وليد انومه انا
ندى: دقيقه بس امسكيه اسوي له الرضاعه
رغد: ندى ولعي التلفزيون معك
أبو حسام: السلام عليكم
ندى: وعليكم السلام .. قواك الله عمي
أبو حسام: الله يقويك بنتي ... تعال تعال مسوى من صيحك اكيد رغد
رغد: هههههه أي صح مسواي الا هو مقوم ادلنيا يبي رضاعه حق ينام
أبو حسام: وين رضاعته
ندى: الحين بسوي له

محمد: مابغينا
حيدر: من اللي يتصل عليك
محمد: اممم شوق خمس مرات .. اتصل لها ..
محمد: الو
الشاب: السلام عليكم اخي
استغرب محمد: وعليكم السلام والرحمه
الشاب: لو سمحت اخي وشو تقرب لصاحبه الجوال
محمد: انا .. انا زوجها
الشاب: شفتك رقمك اخر واحد متصلين عليه فاتصلت لك .. ياريت لو تجي مستشفى .........
تسارعت ضربات قلبه : وشو صاير
الشاب: تفضل المستشفى وتعرف كل شي
ماتحمل محمد وصرخ بوجهه: وشو صاير قول لي
سحب حيدر الجوال من محمد .. سكر من الرجال وطلع مع محمد برى اما فيصل ماكان معهم لان راح لمكتبه
حيدر: اركب عاليمين خلني انا اسوق
ركب وهو ساكت سرحان..
حيدر: وشو قالك الرجال
محمد: ماقال شي
حيدر: وين تروح قالك
محمد: مادري .. شوق وريم صاير لهم شي انا متأكد
حيدر: محمد وين نروح الحين
ماجاوبه .. سحب منه جواله واتصل عالرقم وسأله عن المكان
وصلوا هناك وعرفهم الرجال اللي اتصل عليهم من اصواتهم
الشاب: السلام عليكم .. انا اللي اتصلت عليكم
حيدر: وعليكم السلام
الشاب: والله ماكان ودي اخبركم هالخبريه بس
محمد: بس وشو تكلم
الشاب: وانا ماشي بالشارع شفت السياره كانت قاطعه الاشاره وصدمها واحد بسيارته واللي صدمها هرب .. والسياره صارت ضربتها قويه ... انا اتصلت للاسعاف ولكم ...
حيدر: والحين وشو صار على اللي كانوا بالسياره
الشاب: والله ماادري بس الضربه كانت الجهه اللي ورا السواق قويه .. والركاب كانوا ثلاثه رجال وثنتين نساء
حيدر: ايه طيب الحين وين نسال عنهم
الشاب: هناك بالطوارئ
حيدر: قواك الله اخي ماقصرت عن اذنك
مشى حيدر ومشى وراه محمد
حيدر: ممنوع الدخول
محمد: وشو ممنوع مو ممنوع ينقلعوا انا بدخل
حيدر: هييه اصبر انت .. الله يغربله من سواق
محمد: يعله الموت ان شاء الله
انتبه محمد لدكتور طالع من الطوارئ
محمد: وشو صار
الدكتور: انت بتسأل عن مين ؟؟
محمد: اللي بالطوارئ اللي صادمتهم سياره
الدكتور: والله الرجال كسر برجله بس وجروح عديده بجسمه
محمد: ينقلع عساه الموت اقصد النسوان
الدكتور: والله وحده من الستات حالتها خطيره دالوؤت .. والثانيه الست الحامل اعطتك عمرها وطلعنا الولد بعمليه قيصيريه
انصدم محمد وكانه احد مجمد جسمه .. لا يتحرك ولايتكلم ..
حيدر: واللي حالتها خطيره وشو فيها
الدكتور: والله اذا مافاقت الاربع وعشرين ساعه الجايه .. هي حتدخل بغيبوبه يمكن تطول بيها
حيدر: انا لله وانا اليه راجعون
الدكتور مشى ...
حيدر دار لمحمد وراه ...
كان متسند عالجدار ومغمض عينه
حيدر: محمد
محمد: راحت شوق عني راحت
سكت حيدر .. وشويقول له .. ماعنده شي يواسيه به ..
حيدر: اقعد عالكرسي
محمد: امبي اشوف شوق اول بتاكد يمكن ماماتت
كلام محمد قطع قلبه لكنه حاول يتماسك شوي
حيدر: زين اقعد الحين وانا اكلم الدكتور
كلم الدكتور وحاول فيه مارضى .. قال له بيتاكدوا من الاشخاص عندهم وتحايل عليه يالله رضى
حيدر: محمد .. محمد
محمد: هاا
حيدر: ادخل انا قلت للدكتور حق تشوف البنتين تعرف أي وحده زوجتك ورضى بس تشوفهم وتطلع
محمد: انزين
وقف محمد .. مشى للباب اللي بيصدمه باللي داخله .. فتح الباب .. طالع عاليمين كانت ريم والدكاتره بعدهم حولها .. طالع اليسار ...

الفصل الثاني غداً

مامداني اكتبه

تحياتي لكم ....

واللي بتصيح الحساسه تنتبه الكمبيوتر لايتخرب من دموعها هع

واللي فوق راسه بطحه يتحسسها هههههه <>:rolleyes:

انا مااصيح بس الدمعه تضل داخل جاهزه بالمسلسلات والروايات خخخخ :cool: