منتديات أنا شيعـي العالمية - عرض مشاركة واحدة - رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 20-09-2008 الساعة : 04:03 PM

..(( الجزء الواحد والثلاثووووون))..

الجزء الواحد والثلاثون

اليوم اللي بعده ....:. الخميس .:...

جاسم كان بالمجلس يطالع بالتلفزيون .. بدأت اعاده المباراه .. رفع التلفون بيتصل لواحد من اصحابه يقول له..
بس كان فيه احد يكلم في التلفون ..
سحر: أي حبيبي اكيد الخميس هاذي
سامي: بأي مجمع نلتقي
سحر: امممم مجمع ......
سامي: خلاص بقعد هناك من الصبح
سحر: ههههههه لا مابروح الا تسع تسع ونصف
سامي: ليش موقبل
سحر: حق اقول للاهل هنا بروح بيت خالتي وبخلي السواق يوديني .. قبل اولاد خالتي موجودين
سامي: اهاا
سحر: بس هاا نص ساعه وبرجع
سامي: أي ماعليه اهم شي اشوفك حتى لو خمس دقايق
سحر: خالتي جات مع السلامه
سكرت التلفون ..
دخلت ايمان المجلس ..
جاسم: ايمان خذي مفاتيحي والجوال حطيهم بالصاله عند التلفون
ايمان: ليش
صرخ عليها: حطيه وانتي ساكته
ايمان: زين لاتصرخ علي
اخذتهم وحطتهم بالمكان اللي يبيه ..
طلع من المجلس ..
جاسم: يالله يالله
بتول: اعبر جاسم
راح جهه التلفون وعطى سحر ظهره حق ماينتبه لها
شغل التلفون واخذ اخر رقم تم الاتصال عليه واخر رقم اتصل على البيت .. واخذ المفاتيح والجوال وطلع ..
الاول كان رقم جوال اما الثاني بيت فاستبعداه ..
اتصل بجواله ..
جاسم: الو اهليين هادي .. انت بالشغل ؟؟ .. ماودي اشغلك بس عندي رقم امبي اعرف صاحبه اذا تقدر .. 05...... يعطيك العافيه .. انتظرك مع السلامه

جاسم انصدم من اللي تسويه سحر .. لكنه تصرف على طول ...
بعد نصف ساعه رد عليه هادي واعطاه كل المعلومات عن الرقم ...

نرجع لدانه ...

دانه من النوع اللي ماتقدر تواجه أي مشكله .. ماتقدر توقف بوجه احد وتشتكي ..
سكتت ولاتكلمك لا مع حيدر ولاسحر !!
قعدت ولاكأن شي صاير ...:.
حيدر: تغديتي قبل ؟؟
دانه: لا صايمه
حيدر: ماقلتي بتصومي امس
دانه: اذا ماترضى عادي افطر
حيدر: لا موقصدي .. كان لاطبختي تعبتي حالك
دانه: عادي .. حيدر امبي اروح بيت اهلي اليوم
حيدر: ليش موعبد الله بيجي بكره مو اليوم
دانه: الا بس اكيد امي بتطبخ وبروح اساعدها .. تالي رجعني اذا تجمعوا هنا
حيدر: أي عادي براحتك .. شوي واوديك

راحت بيت اهلها .. ساعدت امها وخلصت وقعدت هناك..
بالليل ..
أم عبد الله: مابتروحي يمه بيت عيالك
دانه: الا اتصل حيدر بيجي الحين مابتروحي انتي
أم عبد الله: لا خلاص الساعه عشر الحين
دانه: على كيفك
أم عبد الله: وش فيك يمه كانك تعبانه
دانه: تعبانه شوي بس مافيني شي
أم عبد الله: متاكده
دانه: أي يمه .. يالله حيدر وصل مع السلامه
ام عبد الله: الله يسلمك ..

بالسياره .. وصلوا البيت ..
حيدر: فطرتي غناتي
دانه: أي شربت ماي
حيدر: بس
دانه: ايه
حيدر: وشو فيك دانه اليوم انتي موطبيعيه
دانه: مافيني شي ..
مسكها من ايدها : لاتنزلي اول تفهميني شصاير
دانه: قلت لك موصاير شي
حيدر: زين خل نمشي ماودي ننزل
دانه: ماني
قطعهم طق عالنافذه ..
كان فيصل
فيصل: اهلا ولد العم .. ساعه على ماتنزلوا
حيدر: هههههههه وانت شدخلك
فيصل: قوم بس
دانه انتهزت الفرصه سحبت ايدها من حيدر ونزلت ..
راحت الصاله ..
دانه: السلام
ريحانه: وعليكم السلام ..
أما سحر كانت تلعب جوالها بعالم ثاني
طالعت بها دانه ولا انتبهت لها ..
اتصل حيدر .. دانه خلته عالصامت ورجعته بجيبها..
أم حيدر: اهلا بنتي احط لك عشاء
دانه: لا قواك الله ماابي
هز الجوال بجيبها طلعته كانت رساله ..
(( دانه غناتي اركبي فوق الحين .. ضرووري ))

مجلس الرجال ..:.

فيصل: وين قايم حجي
حيدر: بركب للشقه
ومشى عنهم ..
فيصل: شفيه اخوك ؟
جاسم: علمي علمك
حيدر مشى بيروح الشقه ..
أما دانه راحت المطبخ .. راسها يعورها موماكله شي من اليوم اللي قبله..
فتحت الثلاجه بتشرب ماي
زاد دوران راسها وطاح الكاس .. وطاحت وراه ..
حيدر وهو ماشي سمع صوت الكاس وراح لها .. مسكها قبل ماتوصل الارض
ايمان وبتول انتبهوا وجاو ..
حيدر: دانه دانه .. بتول عطيني كاس ماي بارد .. ايمان جيبي حلاوه أي شي حالي
ايمان: من وين الحلاوه
حيدر: خلصيني من أي محل
اخذ الكاس حط شوي بايده ومسح وجهها ..
واخذ الحلاوه من ايمان وحطاه بفمها << خخ باللغه العربيه
فتحت عينها شوي وغمضتها .. وبتول وايمان قاعدين يتفرجوا
حيدر: طلعوا برى
ايمان: وشو فيها دانه
صرخ: ايمان اطلعي برى .. تعبانه شوي .. يالله انقلعوا
حيدر: دانه دانه تسمعيني
دانه: ايه
فتحت عينها ..: اسفه كنت والله بركب بس جيت اشرب ماي
سكت شربها باقي الماء من الكاس ..
حيدر: يالله نركب
حاولت توقف
دخلت ريحانه
ريحانه: دانه وشو فيك
حيدر: تعبت شوي بس
ريحانه: ايمان تقول طاحت
حيدر: ايه دار راسها شوي وطاحت
ريحانه: دانه شخبارك الحين
دانه: انا زينه
ريحانه: وين بتوديها
حيدر: فوق
ريحانه: خل تقعد شوي ترتاح
حيدر: لا بتركب فوق
ريحانه: بس
حيدر: خلاص ريحانه
ريحانه: براحتك

في نفس الوقت ...

حسام: اهلا سعد كيف الحال شخبارك
سعد: بخير الحمد لله
حسام: تفضل
سعد: زاد فضلك ..
حسام: نــــــدى جا اخوك تعالي
جات سلمت على اخوها: اهلين سعد تفضل
حسام: هاا على الاتفاق مااكلت شي
سعد: ههههههه لامفضي بطني لعشا ندى
ندى: أي خوش رجال
حسام: هههههههه اليوم ماخلتني اتغدى حتى
ندى: أي ابو الصواريخ انت صايم
حسام: أي ماغديتيني قلت اصوم اخذ ثواب
سعد: ههههههههه أي اتحدى ندى يمر يوم وماتطبخ
حسام: أي طباخها احسن من المطاعم
سعد: خلاص افتح مطعم ببيتكم تربح لك كم قرش
حسام: لاا طبخ زوجتي مااوزعه عالناس انا
ندى: هههههههههههه خذ السفره بس

في مجلس الرجال ...

محمد: لا انا باللي اعلى منهم
فيصل: اهاا ودوامكم الصبح لو العصر
كمال: من ثمان الصبح
فيصل: خخخ مساكين .. حق تحسوا فينا الكل نايم الا احنا نطلع صباحي كل يوم
محمد: هههههه على الاقل انت تشتغل ماتدرس انجليزي
فيصل: مافرقت
كميل: أي مافرقت يفرق .. زهق اصلا هالانجليزي
فيصل: هههههههه قريب يخلص المعهد
محمد: اخر اسبوع في شعبان
فيصل: اهااا خلاص كلها كم اسبوع
جاسم: فيصل تبي شاي
فيصل: لا
جسام: اااح يغربل حمدوو كبيته علي
محمد: انت جيت وراي شدراني

أبو محمد: وينها شوق مرت اخوك
ريم: راحت تسبح بنتها .. هاهي جات
شوق: وشو فيني
أبو محمد: لا بس اسأل عنك يبه .. تعالي تعالي فدوك لبابا
حبت فدك شوي ووقفت .. طلع ابو محمد مفاتيحه .. وحبت له بسرعه
ريم: هههههه مصلحجيه
أبو محمد: اووبه تعالي حبيبتي .. محمد متي يرجع
شوق: الاربعاء قال مو هاذي اللي بعدها
أبو محمد: اهاا الله يرجعه بالسلامه
أم محمد: ريم بكره بروح لبيت جيرانا ام احمد بنتها والد تروحوا معي
ريم: ملانه اروح
أبو محمد: مايصير روحي مع امك دقيقتين وترجعوا
شوق: انا عادي ماعندي شي اروح معكم
ريم: العصر ولا الليل
أم محمد: مادري نشوف

ببيت ابو حيدر ..
جاسم ركب فوق يغير ثيابه اللي صادها شاي ..
سمع سحر ..
سحر: ههههههه لان الرصيد مخلص والبيت ملينا الحين مااقدر اتصل بالتلفون ..... اخ متى بس ..... ايه ثلاثه .. تعال اخذني .... هههههه باحلامك .. كأنه احد جاي مع السلامه
جاسم: يالله يالله
سحر: تفضل
مشى للغرفه ... بدل ثيابه ورجع ...

بالشقه ...
حيدر جلس ريحانه عالسرير .. حط لها باقي الغدا المكرونيا ..
حيدر: يالله اكلي غناتي
دانه: مابي
حيدر: طيب قولي لي شوصاير فيك
سكتت ..
حيدر: انا غلطان عليك بشي .. مسوي لك شي انا ؟؟
سكتت .. بس دموعها تجاوب ...
حيدر: قولي لي
فتحت الدرج واعطته الورقه مكرفسه ومشقوقه نصفين
دانه: هاذي ..حقك ؟؟
أخذها قراها .. اول مره يشوفها ...
حيدر: من وين جايبتها
دانه: من الملف اللي نسيته
حيدر: ببيت اهلي
دانه: ايه
حيدر: دانه .. ارفعي راسك
رفعته ...
حيدر: قريتي الاسم المكتوب تحت
دانه: هاذي سحر
ابتسم: دانه اقريه عدل
دانه قرأته كان ..(( shoog))
من فرحتها قامت تصيح
دانه: انا .. مانتبهت الا لاول حرفين
حيدر فهم قصدها قرب منها وضمها .. وتكلم معها بهدووء
حيدر: حبيبتي خلاص لاتبكين .. انا مستحيل اخونك واكلم غيرك .. لاسحر ولاغيرها ممكن تغيرني عنك ..
رن جواله .. كان محمد .. طلع جواله من جيبه
حيدر: الوو
محمد: اهلين حيدروو شخبارك شو مسوي
حيدر: بخير الحمد لله
محمد: مانمت صح
حيدر: لاقاعد
محمد: تعال حجي الملف اللي عطيتك اياه مشفت فيه ورقه او شي موتبع العمل
دانه كانت بحضن حيدر وسمعت الكلام ضحكت عليه ..
حيدر: ههههههههههه يالدب حتى بالعمل حرام عليكم .. أي شفتها الورقه
محمد: أي دورتها توقعت احصلها بالشنطه ..وشو فيها
حيدر: من حبيبه القلب تقصد
محمد: بلاطناز تشيل الورقه ولاتشمها حتى ... خلها عندك لين ماارجع
حيدر: ههههههههههه ااخ بطني انقلع بس .. الورقه اصلا راحت الزباله
محمد: احلف
حيدر: ههههههه والله راحت عليك
محمد: كيف ؟؟
حيدر: انقلع عن وجهي بس .. تخلي زوجتي تطيح دموعها عشان ورقتك
محمد: اووف اووف ههههههه شافتها
حيدر: ايه
محمد: وشو صار بعدين
حيدر: احلف عاد
محمد: يالله عاد حمستني
حيدر: هههههه روح بس نام والورقه راحت عليك تشققت .. ودانه تراها تسمعك
محمد: هههههه دانه اسف والله اذا سببت الورقه مشكله بينكم مو مني من صاحبتك اللي حطتها بالملف .. كل مره تحط بالشنطه ... يالله تصبحوا على خير
حيدر: وانت من اهله ..
حيدر: خلاص انتهينا .. يلا عاد ابتسمي واكلي
دانه: الحين باكل
حيدر: غناتي لو صار شي مثل كذا مفروض تواجهي اللي قدامك موتسكتي كذا وانتي اللي تتعبي واللي حولك مايدري وشوفيك
دانه: ان شاء الله .. انا اللي خلاني مااتكلم اني انصدمت باللي صار
اخذ الملعقه: يالله افتحي بؤك
دانه:ههههه جيبها مااعرف احد يأكلني
حيدر يدلع صوته: ماني ترا ازعل ولا اكل
دانه: هههههه لاكل شي ولازعلك

اليوم اللي بعده .:. الصبح .:.

حسام قعد على صوت التلفون

حسام: ان شاء الله خير .. الو ... اهلييين الحمد لله وانت شخبارك ... ههههههه ايه .. لحظه
حسام : ندى ندى لؤي عالتلفون
قامت: صحيح؟
حسام: اخذي التلفون
ندى: الو
لؤي: هههههه صباح الخير ندووي
ندى: صباح النور .. اهلين لؤي كيف شخبارك
لؤي: الحمد لله بخير
ندى: يالقاطع كذا ثلاث اسابيع لاحس ولاخبر
لؤي: والله مامداني .. شخبارك انتي وشو مسويه
ندى: الحمد لله بخير
لؤي: هاا مابعد اصير خال
ندى: انقلع بس
لؤي: هههههههه قلت شي غلط
ندى: لا
لؤي: عيد ليش حمقتي
ندى: لانك ملقوف
لؤي: هههههههههه انا الملقوف هاا سلمي على سعد اتصلت له مارفع شكله بعده في سابع نومه
ندى: أي مابيقعد من الحين
لؤي: يالله اخليك تكملي نومك
ندى: خلاص صحصحت
لؤي: ههههههه يالله مع السلامه
ندى: الله يسلمك

.:.:.:.:.

فيصل رجع من المسجد .:.
كان ريحانه نايمه عالكنب في الصاله .. ..
فيصل: ريحانتي يالله قومي
ريحانه: الحين بقوم
فيصل: ماقمتي
ريحانه: دقيقه بس
فيصل: هههههه قومي عارف دقيقتك ساعات .. ولدك يتحرك شوفيه
ريحانه: مو اول مره يتحرك
فيصل: ههههههه يالله عاد قومي امل بحالي
ريحانه: انزين
فيصل: يالله قومي بقول لك شي
قامت: وشو صاير
فيصل: مو صاير شي
ريحانه: وشو الي بتقوله ؟
فيصل: أي بقول لك شي صاير بس محد يدري به الا انا وحبيت اقولك لاتنصدمي بعدين

انتظرووا البقيه غدا

بانتظاركم