منتديات أنا شيعـي العالمية - عرض مشاركة واحدة - رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 20-09-2008 الساعة : 03:59 PM

..(( الجزء التاسع والعشرون))..

الجزء التاسع والعشرون ..

.:.:.:.:.

بعد ساعتين ..

سجر: ماني رايحه عنهم خلوني معهم
أم حيدر: غناتي سحر روحي ارتاحي لك بالبيت
بين شهقاتها: مابي اروح
أبو خالد: مايصير بنتي لازم ترتاحي .. تبين اوديك بيتنا او تروحي بيت عمتك
استسلمت: بيت عمتي
أبو خالد: يلا تعالي معي
مسكها واخذها مع كميل ...
ام حيدراتصلت لدانه وخبرتها ان سحر بيجيبوها عندهم واتصلت لريحانه تروح البيت ...

لما وصلت ... ارتمت بحضن دانه لانه كانت اول وحده تستقبلها ...
دانه: عظم الله اجرك غناتي .. خلاص وقفي عن الصياح
سحر: اهلي راحو عني اعيش مع من انا
دانه: احنا موجودين كلنا معك غناتي
ماسكتت سحر ضلت تصيح ودانه تحاول تهديها
أما كميل راح لمحمد ولد عمته وقعد معه بالغرفه ...
سحر نامت بحضن دانه
ريحانه: السلام عليكم
دانه: وعليكم السلام
ريحانه: نامت
دانه: توها من شوي
ريحانه: جيبها احملها عالكنب
دانه: لا ريحانوه مايصلح لك انتي حامل
ريحانه: عادي توني بالبدايه
دانه: انقلعي بس .. شيلي بس المخدات وانا اوديها
ريحانه: تعالي حطيها هنا .. خليني ارفعها من رجلها ماتقدري عليها بحالك
.:..:.
حيدر: يالله يالله
دانه: حيدر هنا سحر بغيت شي
حيدر: لا بس كميل وينه
دانه: فوق مع محمد اخوك .. طيب كمال بعده تعبان
حيدر: جلس الحين أبوي بيطلعه معه
دانه: اهاا الله يعطيه الصحه والعافيه
حيدر: فيه شي اكله
دانه: أي حبيبي فيه احط لك
حيدر :أي حطي لي شي وفيصل تراه معي بالمجلس
دانه: انزين

اخر يوم في العزاء ...

أبو خالد: قواك الله والحين جا دورنا
أبو حيدر: بس يابو خالد خلها ترتاح عندنا فنره ويصير خير بعدين
أبو خالد: بس مايصير
أبو حيدر: خلهم عندنا وتالي يصير خير
أبو خالد: ان شاء الله

.:.:.:.:.:.

الساعه وحده الليل ..

عند شوق ...

شوق: شفتون سحر؟
ريم: أي موجوده قعدت معنا
شوق: الله يصبرها ان شاء الله .. واخوها اللي تعبان قالوا
ريم: بخير يقولون
أم محمد: والله حالهم يقطع القلب يفقدوا امهم وابوهم ..الله يعوضهم عند ام حيدر
شوق: بيعيشوا مع ام حيدر يعني
أم محمد:شكلهم
شوق: وسحر والاولاد دراساتهم ؟؟
أم محمد: مالهم الا ينقلوا هنا مع ان المدارس مابقى عليها شي بس مايتخلوا بحالهم هناك
محمد:السلام عليكم
أم محمد: وعليكم السلام
محمد: وين فدوك حبيبتي
شوق: توها نايمه
محمد: افاا ماتنتظر ابوها
شوق: هيي لاتقعدها ماصدقت نامت
محمد: واذا انا ماشفتها اليوم
ريم: اسهر معها وخل شوق تنام
محمد: عاادي
ريم: أي شعليك انت لا بتوضيها ولابترضعها
محمد:ههههههه شغلكم هذا شيدخلني به
شوق: أي شغلنا نام بس وراك دوام لاتقعدها
محمد: صحيح رحتوا العزا اليوم
أم محمد: أي رحنا تونا من شوي مرجعنا ابوك
محمد: اهاا
ريم: جاو نسوان لك شوق
شوق: ثنتين من الجامعه وخالتي بس
ريم: اهاا

بعد أيام ....
الكل كان حزين على موت أبو كمال وزوجته لكن مايظهروا هالشي قدام اولادهم ...

دانه كانت تجلس اكثر وقتها تحت مع سحر ..

دانه: سحر يالله مااكلتي شي
سحر: ماابي خلاص شبعت
أم حيدر: اكلي يمه مايصير مااكلتي شي
سحر: ان شاء الله
دانه: يالله حق نروح لشوق
أم حيدر: بتروحوا لها الليله
دانه: أي تروحي معنا
أم حيدر: لا مابروح سلمي على ام محمد
دانه: الله يسلمك
رن جوال سحر..
سحر: عن اذنكم
طلعت برا ... كان المتصل سامي
سحر: الو
سامي: اهلين سحر وينك كم يوم اتصل لك
سمعت صوته وقامت تصيح
سامي:سحر سحر وشو فيك احد شافك معي بالمجمع؟
سحر: لا
سامي: عيد شو صاير
سحر من بين شهقاتها: واحنا راجعين انقلبت السياره علينا وامي وابوي توفوا
سامي: اووه مادريت والله عظم الله اجرك
سحر: سامي امي وابوي راحوا مابقيت الا انا بحالي
سامي: مو انتي قبل ماتحبي امك الله فكك منها
صرخت: حرام عليك ولو هاذي امي
سامي:اسف موقصدي
سحر:طيب مع السلامه
سامي:الله يسلمك حبيبتي .. لاتقطعي
سحر: ان شاء الله

][شعله من نور الايمان تأجج بريقها/العدد 2 من مجلة انا شيعي][ ‏(

1 2 3)

<> كان عندي بنر بس مادري وينه

ببيت أبو سعد ...
لؤي قرر يكمل درساته بالخارج ...
سعد ماتغير حاله ..
ندى رجع لها حسام قبل اسبوع بعد ماخلص دراسته ورجعت معه بيتهم

حسام: الله يعينه والله زهق برا اذا محد معه
ندى: انت رحت محد معك
حسام:ههههههه قبل كان عادي بس اخر ثلاث شهور طلعت روحي استنى متى ارجع
ندى: ليش
حسام: تستهبلي علي
غمزت له: هههههه لابس اتأكد .. حبيبي صحيح الليله امبي اطلع
حسام: وين
ندى: بروح لشوق
حسام: وانا اقعد مع من
ندى: الجدار موجود
حسام: ههههههههههه حلفي
ندى: يالله عاد مارحت لها الا مره .. والبنات كلهم بيروحون اليوم
حسام: يصير خير
ندى: وبكره بلبق بيت ابوي واعده لؤي اطبخ له اخر يوم
حسام: اوامر ثانيه
ندى: اممم ماعندي بس
حسام: هههههههه فكرت بعد

الليل .....
ببيت أبو محمد ..

شوق: ريم غناتي ادري انك طيبه
ريم: خخ وشو تبين
شوق: غيري لفدك
دانه: جيبيها انا اغير لها
شوق: تعرفين اخاف تطيحيها
دانه: شايفتني ياهله مااعرف
شوق:هههههه موقصدي بس لان توها صغيره يمكن ماتعرفي لها
دانه: اعرف جيبيها
ريم: اذا صار عندك طوارئ ناديني
دانه:ههههههه زين
شوق: صحيح مريم من زمان مانزلت
دانه: مايقدروا ينزلوا الحين يمكن على رجب ينزلوا
ندى: السلام
شوق: وعليكم السلاام مابغيتي
ندى: على ماتعشينا وخلصنا
ريحانه: مابغيتي يالدبه صباح الخير
ندى: خخخ محد غيرك
ريحانه: بطني اصلا ماكبر للحين
ندى: كلها كم شهر وتصيري فيل مثل اللي كانت هناك
شوق: ههههههههه انا فيل ان شاء الله يجيك يوم
ريحانه: يااااارب ..
ندى: لا خليني تو الناس علي انا اتهنى بشبابي
ريحانه: هههههههههههه عيزنا يعني احنا
غمزت لسحر: أي موسحر
سحر: ههههه ايه

كان ابو خالد ببيت ابو حيدر ...
أم حيدر: بس بيملوا اخوي عندك اما هنا عندهم محمد وسحر بنتي تجيها ودانه مرت حيدر تقعد معها
أبو خالد: بس مايصير عندك اولادك ماشاء الله كبار الله يخليهم .. كيف تعيشين معهم بنت لاهم بيرتاحون ولاهي ترتاح .. وحتى زوجك مومحرم لها
أبو حيدر: انا عادي عندي .. واما اولادي انا اسألهم ومتأكد انهم مابيقولوا لا
أبو خالد: اخليهم عندك اختي بشرطين
أم حيدر: امر
أبو خالد: انا بنفسي بسأل الاولاد والشرط الثاني انا اللي اصرف عليهم
أبو حيدر: والله مايضغطوا علينا خلني اصرف عليهم ..
أبو خالد: ابو حيدر ياكذا يايضلوا عندي
أم حيدر: لا خلاص عادي
أبو حيدر: خلاص براحتك اللي تامر به
أبو خالد: هنا الاولاد
أم حيدر: كمال وكميل فوق مع محمد اما سحر طلعت مع ريحانه
أبو خالد: وين راحت
أم حيدر: بيت ابو محمد جارنا اللي بنته ماخذها عبد الله ولد حماي
أبو خالد: أي أي عرفتهم
أم حيدر: مرت محمد والد ورايحين يقعدوا معها
أبو خالد: اهاا نادي لي الاولاد
أم حيدر: ان شاء الله

بعد ماجاو كمال وكميل ...
أبو خالد: يبه كمال وكميل انا جاي اسألكم اذا حابين تقعدوا هنا ببيت خالتكم او تجوا تعيشوا عندي حياكم الله .. ومايصير الا اللي تبونه
كميل: لا عمي خلنا هنا
كمال: أي صح عمي لان هنا محمد نجلس معاه
أبو خالد: براحتكم والبيت مفتوح لكم متى ماتبون
كميل: قواك الله عمي بس احنا حابين نقعد هنا اذا ماعندهم مانع
أم حيدر: لايمه اكيد ماعندنا مانع

مرت الشهور والايامــ....
@ سحر تناست موت امها ابوها بسبب سامي .. الحبيب المجهول .. كانت مواعدته تطلع معه لما يرجعوا لكنها تاجلت بموت امها وابوها .. صارت تكلمه كل يوم بالجوال واذا ماعندها رصيد تكلم بتلفون البيت ..
جرفها شوي شوي .. من المسن الى الجوال .. وقريباً اللقاء !.! ضيعها معه .. ونساها دراستها .. نساها الحلال والحرام ... .:.:.
أنتهت المدارس .. سحر نجحت بجيد جدا ...
@ أما كمال وكميل تأقلموا ببيت أبو حيدر وجابوا درجات عدله ..
@ عصافير الحب ^^ ريحانه وفيصل^^ ريحانه حملت وهي الحين بالشهر الخامس
^^ دانه وحيدر^^ لا جديد ..
^^ ندى وحسام^^ حسام خلص دراسته ورجع استقر مع ندى .. لؤي أخو ندى سافر للدراسه وللحين مااتصل لهم
^^ شوق ومحمد^^ بنتهم كبرت .. كل ماكبرت اكثر جننت امها وابوها ..
^^ مريم وعبد الله ^^ عبد الله للحين ماحصل نقل لعمله وهي خلصت دراستها.. مريم تعودت تعيش لحالها مع عبد الله
@ أم حيدر كانت ودها تخلي سحر لجاسم لكن سحر بعدها صغيره .. بتنتظرها كم سنه وتقول لولدها وتتمنى انه يوافق

المغرب ...:.

عبد الله ينادي زوجته: مريم
مريم: جايه دقيقه
عبد الله: المعهد ترا بدأ تسجيله
جات وبيدها اكواب الشاي: صحيح خل نروح
عبد الله: مدته سنتين وبيبدأ بعد رمضان
مريم: أي احسن ماامبي ادرس برمضان
عبد الله: خلاص نروح بكره
مريم: ايه
عبد الله: ههههه متحمسه
مريم: أي بدل قعده البيت نتعلم عالكمبيوتر شي
عبد الله: خلاص جهزي نسخه من بطاقه العائله لاتنسي
مريم: ان شاء الله

ندى : تتوقع للحين يعني مااستقر
حسام: أي لاتخافي
ندى: بس الحين اسبوعين ولاشبك عالنت
حسام: أي بعده ..صحيح جواله مو دولي
ندى: اممم مااعتقد
حسام: خلاص انتظري كم يوم وان شاء الله يشبك
ندى: ان شاء الله .. بس مادري خايفه صار له شي
حسام: لاتفاولي عليه ندووي خلاص لاتفكري
ندى: مااقدر
حسام: طيب ماكلم سعد من راح
ندى: لا
حسام: ان شاء الله خير

محمد: امم اسبوعين ثلاث
ريم: أي عادي مو وايد
شوق: عندك مو وايد
ريم: هههههههههه خخ نسيت
محمد: أي انطمي انتي لو اقعد سنه تقولي موايد
ريم: ههههههه لاسنه وايد وين بيودوك
محمد: جده
ريم: اهاا متى بتمشي
محمد: بكره العصر بعد العمل .. يمكن امر هنا اذا قدرت ... يلاشوق نمشي
ريم: وين بتروحو
شوق: نتمشى شوي عالبحر تجي معنا
ريم: لا كأنه لان واحد يقول من قلبه ان شاء الله تقول لا
محمد: هههههههههههه لاتعالي عادي
ريم: خلو فدوك عندي تاخذوا راحتكم الليله اخر ليله
محمد: لا امبيها هي بعد مابشوفها
ريم: كيفكم
شوق: يلا مع السلامه
ريم: الله يسلمك

ريحانه: لا مابنروح من الحين مسكرين خلاص ودني معك بيت اهلي ونخلي السواق هناك يودينا
فيصل: امممم يصير خير
ريحانه: اذا ماتبي نروح مع السواق عادي ننتظر يوم ثاني
فيصل: لا لاعادي روحو معه بس انتبهوا له ترى مره بحاله مسكوه الشرطه يسرع وقاطع اشاره
ريحانه: ان شاء الله
فيصل: ولدي شخباره
ريحانه: بخير
فيصل: ريحانه
ريحانه: هاا
فيصل: اذا جا ولد تبين تسميه خالد؟

أنتهى الجزء ,,,,,