[عاشقة أهل البيت]

..(( الجزء الخامس والعشرون))..

الجزء الخامس والعشرون ..


شوق: ويعني
محمد: مو انتي قلتي تبين تشتري اغراض المولود وهديه حيدر وفيصل هالاسبوع
شوق: ايه
محمد: مابقدر الحين كنت معتمد عالراتب لان فلوسي اللي بالبنك اعطيتها حيدر محتاجها بتجهيزات العرس .. انا اسف
شوق: لاعادي قلبي كل شي يتأجل .. بس عدل وجهك تراه موحلو كذا
محمد: ههههههه كذا حلوو
شوق: لااا
محمد: عيد ؟؟
شوق: كذا يجنن
محمد: ههههههه خلاص من يعطيني الراتب نروح ناخذ الاغراض
شوق: أي ماعليه عادي لو بعد شهر
محمد: الله لايحرمني منك



حسام: السلام
ندى: وعليكم السلام
جلس عالكنب ..
حسام : ندى
قامت من الكنب ..
حسام: اسمعيني ..
لاجواب ....
حسام: اليوم اخر يوم بكره بنروح الشمال
واخيراً ....
ندى: معليش اروح الحرم
حسام: الحين باقي عالمغرب نص ساعه؟؟
ندى: ايه عارفه
حسام: أي عادي روحي بس لاتتاخري
ندى : الله لايردني .. مشت الغرفه توضت لبست عباتها .. بتطلع
حسام: انتظري اوصلك
وصلها ورجع الفندق .. لم اغراضه ...
اذن المغرب راح يصلي صلى وقعد بالحرم مده .. اتصل لها .. ماترفع ....
رسل لها (( ندى وقت اللي تبين تطلعين قولي لي )) ماردت
ماتبي تكلمه .. من حقها ..





حيدر: هههههههه وشو حارنك
جاسم: لا والله مستانس تفضي لي الغرفه
حيدر: هههههههه اقلع وجهك بس
جاسم: كم كلفاك الزواج تقريبا
حيدر: اممم بس اكثر من100 الف
جاسم: هاااا
حيدر: ههههههههه مفكرها لعبه هذا واحنا عايلتين
جاسم: اووف
حيدر: ههههههههه خلاص لاتعرس اجل
جاسم: أي والله اريح عيد الراتب يطير كيف دبرت الفلوس
حيدر: يبي لك تجمع من اول يوم تشتغل فيه وياريت يكفي ابوي دفع بعض الاشياء بعد
جاسم: خخخ شكلي بعنس اجل
حيدر: ههههههههههههههه
جاسم: الحين تعال عبد الله لما يرجع وين يقعد
حيدر: هو مشغلينه دائم هناك واذا رجعوه يقدر يبني فوق فيه مساحه
جاسم: وفيصل اخذ عالجاهز الشقه
حيدر: هههههه اصلا مودافع فيها اساسا عبد الله عمي من البدايه بناها وترك فوق وخلاه سطح حق لو بغوا يبنوا وحده ثانيه
جاسم: اهااا



في نفس الوقت ..
كانت سحر تشتغل على اللابتوب حقها .. كانت ملانه وتوها راجعه احتفال عيد ميلاد وحده من بنات صاحبات امها ..
جااتها رساله
(( مرحباا سحر الليالي ممكن تضيفيني عندك عالمسن ضرووري
هذا ايميلي ... ...... .... ))
ضافته ..
*^ أحلى واحد ^* مرحباااا
# سحر الليالي # اهلا اخي .. بغيت شي
*^ أحلى واحد ^* افاا طرده يعني
# سحر الليالي # لاا بس انت قلت ضروري
*^ أحلى واحد^* أي .. بس شفيك كانك مورايقه اليوم
# سحر الليالي# أي شوي
*^ أحلى واحد^* متضايقه ؟
# سحر الليالي# أي شوي
*^ أحلى واحد ^* احد مضايقك
# سحر الليالي# متضايقه شوي لاني مابروح عرس قريبتي
*^ أحلى واحد*^ ممكن اعرف ليش
# سحر الليالي# ابوي مارضوا يعطوه اجازه لان احنا موساكنين معهم
*^ أحلى واحد*^ أي صحيح قهر اذا شخص قريب منك ماتحضري فرحه
# سحر الليالي # أي صحيح .. لحظه شوي
*^ أحلى واحد*^ خذي راحتك منتظرك
# سحر الليالي# ابوي جا بروح لها .. اسفه بسكر
*^ أحلى واحد ^* لا عادي .. حتى انا طالع الحين بزو امي بالمستشفى .. مع السلامه .. وسكر


سحر: قواك الله يبه
أبو كمال: الله يقويك تعالي تعشي
سحر: طيب بجيب عصير بس
كمال: انا برتقال
كميل: وانا بعد
سحر: عندكم رجول
كمال: يالله عاد انتي رايحه
سحر: زين
أم كمال: جيبي لابوك بعد
أبو كمال: انا لبن اذا فيه
سحر: أي فيه اذا ماخلصوه

ندى قعدت الى الساعه تسع بالحرم ... ارتاحت نفسياً وهدأت ..
تعبت جوعانه رنت رنه وحده وسكرت حق يفهم انها طالعه ..
انتظرت دقايق ورن عليها ..
طلعت .. شافته ...
حسام: تروحي المطعم
ندى: لا
حسام: انتي جوعانه
سكتت ...
حسام: براحتك
وصلها الفندق .. وراح طلب لها من المطعم ورجع الفندق
طق باب الغرفه ..
حسام: ندى ندى
فتحت الباب: نعم
حسام: انتظرك العشا بالصاله
ندى: قلت ماامبي
حسام: انزين بس تعالي قعدي بالصاله
ندى: ماامبي
حسام ومازال يحاول يكون هادئ: ندى .. انا امبي اوضحك لك السالفه اللي صارت خليني اكلمك
ندى: شكرا ماامبي افهمها .. سكرت الباب
حسام: اااخ... طيب ندى افتحي الباب شوي
ندى: ليش بتكمل علي يعني
حسام: ندى افتحي الباب
ندى: نعم
اعطاها اكيس وقبل ماترده سكر الباب ..
حسام: بكره بنمشي من الصبح ولازم تاكلي انتي مااكلتي من امس
ندى: عسى يجيني الموت
حسام: لاتدعي على روحك
ندى: وانت شدخلك
مشى عن الباب وراح الصاله
جلس عالكنب .. راسه بين ايدينه .. يحاول يحل المشكله بس مايعرف كيف .. هي موراضيه تسمعه .. وهو موراضي باللي يصير ...
أكل شوي .. طالع بالتلفزيون لحد مانام ..





رجعت سحر شبكت


*^ أحلى واحد*^ ياهلاا نورتي
# سحر الليالي# اهلين
*^ أحلى واحد*^ وين تاخرتي
# سحر الليالي# تعشيت
*^ أحلى واحد *^ عليك بالعافيه
# سحر الليالي# الله يعافيك .. صحيح انت قلت بتروح لامك خير ان شاء الله
*^ أحلى واحد*^ أي امي تعبانه شوي ومرقده بالمستشففى ان شاء الله بكره او اللي بعده تطلع << كذااب .. وسيلة جذب الحوار لاغير
# سحر الليالي# اهاا الله يعطيها الصحه والعافيه
*^أحلى واحد*^ الله يعافيك .. والله البيت ممل دونها
# سحر الليالي# أي صح لو كانت الام فاهمتك
*^ أحلى واحد*^ كيف يعني ؟؟ امك موفاهمتك ؟؟
# سحر الليالي# لا
*^ أحلى واحد*^ كيف يعني
# سحر الليالي# كذا احسها ماتفهمني همها نفسها وشياكتها بس
*^ أحلى واحد*^ اهااا صحيح مشكله اذا ماتحصلي احد يفهمك .. انتي تدرسي صح
# سحر الليالي# ايه اخر سنه بالثانويه
*^ أحلى واحد*^ الله يوفقك
# سحر الليالي# وشو الموضوع اللي بغيتني فيه كأنه طلعنا عن الموضوع
*^ أحلى واحد*^ بصراحه انا حسيت انك متضايقه وحبيت اكلمك كأخ اسليك شوي << هع صدقنا
# سحر الليالي# اهااا
*^ أحلى واحد*^ طيب ماعندك احد من صاحباتك يفهمك
# سحر الليالي# الا عندي زميلاتي اتسلى معهم لكن اتمنى ارجع منطقتنا بين اهلي
*^ أحلى واحد*^ ومتى بترجعوا
# سحر الليالي# نهايه هذي السنه خلاص نرجع
...:. وتستمر الحكايه شوي شوي ..:..





اليوم التالي ...


حسام وندى انتقلوا الى الشمال وصلوا الظهر تقريبا...
سكنوا ببيت اجره لهم صاحبه واتفق على انه هو يوصلهم وين مايحبو بحكم معرفته بمنطقته ... البيت يطل على الطبيعه الخلابه هناك .. جبال وعشب وانهار .... والجو كان بارد بإيران فكيف بالشمال ..
حسام : ندى بتنامي ولانطلع
ندى: بقعد هنا
حسام: خل نطلع برا
ندى: ماامبي
حسام: طيب ممكن تسمعيني شوي
ندى: لا
حسام: بس
قطع كلامه طق الباب كان صاحب البيت يشوف اذا بيطلعون او اذا محتاجين شي
ندى راحت لوحده من الغرف وقعدت تطالع من النافذه ...
أما حسام خبره انهم احتمال مايطلعوا اليوم .. بس راح معه ياخذ لهم اكل ..
ندى قالت ماتبي تاكل الحين تبي ترتاح .. خلاها براحتها ...





بعد ساعات ...


أم محمد: وكل شي تمام
محمد: أي الحمد لله
أم محمد: ماعرفتوا بنت ولاولد
محمد: الا
ريم: أي يمه خليه يقول من زمان ترى يعرف
شوق: ههههههه لامايصير خليها مفاجأه
ريم: افف
أم محمد: ههههههه خليهم براحتهم
محمد: كلهاثلاث شهور او اقل وتعرفين ليش العجله
ريم: أي بس ثلاث شهور كان انت صبرت بعد
محمد: لاا انا غير
أبو محمد: هم امه وابوه انتي وشو
ريم: انا العمه
محمد: ههههههه خوش عمه والله ... اووف شكله مسوي لي مصيبه جديده
أبو محمد: خير ان شاء الله
محمد: هذا متصل لي من العمل مايتصل الا للمصايب .. عن اذنكم ...



الليل ....


حسام قاعد بالصاله ... وندى بالغرفه .. الجو بااارد اخذت الكنبل تدفت به ونامت ....
مل حسام وطلع برى اخذت جاكيت وطلع يمشي ...
بدأ المطر يطيح ... قام حسام من المحل اللي قعد فيه.. اخذ كيس الاكل اللي اشتراه بيرجع البيت ..
الشاب: السلام عليكم
حسام: وعليكم السلام
الشاب: تفضل معي ادخل البيت قريب
حسام: شكرا اخي انا راجع البيت
الشاب: قريب ؟؟
حسام: أي ماتبعادت واجد
الشاب: اهاا .. ممكن امشي معك
حسام: تفضل حياك الله
الشاب: زاد فضلك .. من زمان جاي هنا
حسام: لا اليوم بس
الشاب: بحالك؟
حسام: زوجتي معي
الشاب: اهاا .. انا جاي لحالي بقعد يومين هنا وثلاث ايام بمشهد على ماتنتهي اجازه عملي
حسام: الله يرجعك بالسلامه
الشاب: مشهد بارده كذا ؟؟
حسام: لا انا امس كنت فيها برد بس مومثل كذا
الشاب: اهاا.. شفيك اخي كأنك متضايق .. اللي يجي هنا يشوف المناظر بس تريح النفس
حسام: شوي ... أي صدقت مناظر حلووه.. عن اذنك وصلت للبيت ..
الشاب: اذنك معك .. تشرفت بشوفتك
حسام: تفضل
الشاب: زاد فضلك قريب اوصل خلاص ...
دخل البيت ...
حسام: اح دافي هنا شوي
مافيه احد ؟؟
فتح الغرفه كانت جالسه وسرحانه
حسام: ندى موجوعانه
ندى: لا
حسام:بس انا جوعان
ندى: احد مانعك
حسام: امبي احد ياكل معي
قمات بتطلع: دور غيري
حسام: ندى ولمتى يعني
ندى: للنهايه ...
سكت .. للنهايه !! مستحيل !!


!!!!!!!!!!!


!!!!!!!


!!!!!


!!!


!







انتهى !! :p


عسى عجبكم :cool: