منتديات أنا شيعـي العالمية - عرض مشاركة واحدة - رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 20-09-2008 الساعة : 03:51 PM

..(( الجزء الرابع والعشرون))..

الجزء الرابع والعشرون ..

اليوم التالي .. صباحاً

جلست ندى .. متكسره لانها نامت عالكنب ..
قامت.. حسام بعده نايم .. شكله تعبان من امس
جوعانه بس ماعندهم شي ينأكل .. راحت تصلي اول
قام حسام من صوت جواله ..
حسام: الو
أبو حسام: السلام
حسام: وعليكم السلام يبه
أبو حسام: كيفكم شخباركم متى وصلتوا
حسام: وصلنا من امس بخير الحمد لله
أبو حسام: مااتصلت عالبيت كنا ننتظر اتصالك
حسام: والله كنت تعبان ونمت علطول
أبو حسام: أي الحمد لله على سلامتك الله يردكم سالمين
حسام: الله يسلمك
أبو حسام: ندى قريب منك
حسام: لحظه اشوفها .. تصلي هي الحين
أبو حسام: اها سلم عليها يالله مع السلامه
حسام: الله يسلمك
بعد دقائق ....
حسام: غفر الله لكم
ندى: لنا ولكم
حسام: يلا نروح ناكل لنا شي ميت من الجوع
ندى: أي يالله انا جاهزه
حسام: نفسك تاكلين ويه
ندى: أي شي جوعااانه
حسام: ههههه مالك الا تشلو كباب
ندى: لا ماابي انت خذه وباكل انا البطاطس اللي معه
حسام: ههههههههه امشي امشي
ندى: مفتاح الشقه معك
حسام: ايه
بالمطعم ..
حسام: اذا اذن نروح مشي للضريح مو لازم سياره
ندى: أي نسوي رياضه كان نضعف شوي
حسام: جسمك زين ليش تضعفي ؟
ندى: هاا
حسام: هههههه شفيك
ندى: لا لا مافيني شي ..بس امبي اضعف شوي
غمز لها: خليك كذا حلوه .. عجبك المطعم
ندى: أي احسن شي اني اقدر افتح وجهي

بعد أيام .....

ريحانه: ههههه لا مومثلك
دانه: افف ريحانه باقي يومين على الجامعه
ريحانه: شرايك تغيبي الاسبوع
دانه: لااا وبعد العرس كيف نسافر
ريحانه: ههههههه انا ادري عنك
دانه: الحين كم بتغيبي
ريحانه: مادري انا قلت له مولازم نسافر قال لازم عالاقل الطائف ولا ابها
دانه: أي قال حيدر مع بعض بنروح الطائف
ريحانه: ماقال لك كم يوم
دانه: لاا سأليه
ريحانه: مااني صبري مابقى الا سبعه ايام وانتي عنده
دانه: هههههههههه خلاص اصبر بس ابي اعرف كم بيفوتني
ريحانه: الله عالاجتهاد
دانه: صحيح ندى مرتاحه مابتجي
ريحانه : ايه شعليها قاعده بايران
دانه: شخبارها هناك
ريحانه: بخير كلمتها اليوم تقول مرتاحه وشوي شوي يذوب الجليد بينها وبينه
دانه: اهااا

حسام : ندى
ندى: جايه .. هاا
حسام: ساعتين بالكثير وجاي
ندى: مع السلامه
حسام: الله يسلمك
راح بيزور واحد يعرفه ساكن بايران
أما ندى راحت تدور اغراض بشنطتها .. طلعت الشموع .. ولاعه .. معطر الجو.. طلعت ثوب هديه من عند ريحانه مخبيته .. طلعت العطر اللي اشترته مع ريحانه ..

جهزت باقي اغراضها ..
كانت تجهز لرجعه حسام .. حابه تفاجئه لانهم من راحوا ايران علاقتهم تحسنت .. عالاقل يتكلم معها .. !! يمزح معها يضحك معها .. !

أما عند أبو سعد...

أبو سعد: افلستونا بعرس بنتك والحين تبون بعد
ام طارق: عرس ولد اختي ولازم نلبس جديد
أبوسعد: ماعندي ماتفهمي انتي ابوق من الشارع يعني
ام طارق: افففف ومتى بتستلم الراتب
أبو سعد: مافيه راتب قبل العرس
ام طارق: وانا شو اسوي يعني
أبو سعد: اشتغلي حراميه شو اسوي لك يعني
ام طارق: اف

بعد ساعات ...
حسام مر المطعم قبل لايروح الفندق .. وصل الفندق ركب الدرج للدور الثالث ..
حسام: السلام
العجوز: وعليكم السلام ...يوو الا من شوي طالع غيرت ثيابك
حسام: نعم ؟؟!!
العجوز: انا شفتك نازل قبل ربع ساعه بثياب غير من هاذي الشقه
حسام: متأكد ؟
العجوز: أي هاهي مقالل الشقه اللي ولدي فيها.. موانت كنت طالع من شوي
حسام: أي صح .. عن اذنك ..
فتح الباب ..
كانت ندى ماسكه الشموع موديتها المطبخ تشغلها
صرخ بوجهها: كنتي جايبه من هنا؟؟
ندى: هاا
ماخلصت كلمتها راح لها ضربها على وجهها
ندى: اتركني وشو مسويه انا الحين
حسام: قولي لي كنتي جايبه من
ندى: وقسما بالله مااحد جا .. كنت .. كنت
حسام: تكلمي
ندى: آآآآه اترك ايدي عورتني
حسام ومازال بعصبيته يصرخ: واعويها لك ياقليله الادب انا اطلع تجيبين احد تسهري معه هنا .. هذي جزات اللي يسفرك معه تخونيه
ندى: كنت والله اجهز الصاله لك .. وانا مستحيل اجيب احد هنا .. مستحيــــــــل
حسام: وتكذبين لاتحلفي بالله .. الرجال قال لي برى
ترك ايدها ورماها على الارض وصفق الباب وطلع برى ...
ندى وهي تبكي : آآه والله ماسويت شي ماسويت شي كذابين
صاح جوالها .. يصيح يصيح وهي تصيح معه .. مارفعته

الطرف الثاني ..

ريحانه: مدري شفيها ماترفع
دانه: يمكن نايمين
ريحانه: لا الحين يمكن عندهم عشر الليل
دانه: يمكن طالعه
ريحانه: اممم يمكن

حسام راح بعد مافرغ غضبه في ندى ...
قعد نصف ساعه ورجع ..
فتح الباب كانت نايمه محل ماتركها وجهها مبين انها كانت تصيح
حسام: قلعتها
وراح الغرفه ينام ..
ماجاه النوم .. مستغرب من اللي صار .. ندى صح انه مايعرفها وايد بس يحس انه من المستحيل انها تسوي الللي صاار .. بس كلام الرجال اللي سمعه .!!
كسرت خاطره نايمه عالارض
راح لها ..
لابسه ثوب وردي فاتح للركب ومرميه عالارض .. والطاوله فيها شموع مجهزه وبالوسط علبه هديه مغلفه وفوقها ظرف ..
فتح الظرف .. (( إليك عزيزي حاسم .. أتمنى أن يعجبك ... زوجتك المحبه .. ))
رماه عالارض
يصدق ندى والمكتوب .. أو يصدق العجوز !!
صاح جوال ندى
حسام: ااف
رجع للغرفه ...

اليوم الثاني .....

جلست من على الارض ... قامت رتبت كل الاغراض وبهدوووء
خلصت جلست على الكنب والافكار تتضارب في عقلها .. لكنها قررت ..
قررت انها تعبت من حياتها معه .. وافضل حل كل واحد ببيته !!
اخذت الريموت تفرفر القنوات ماحصلت شي رمت الريموت وانسدحت على الكنب تفكر ..
قراري صح او لا .. ابوي وشو بيقول .. بس انا ماانا قادره اعيش مع جدار في حياتي .. وبالنهايه يضربني على شي ماسويته ..
قطع تفكيرها حسام جلس من النوم وطلع الصاله ..
راح المطبخ غسل وجهه وتوضأ راح يصلي ..
ولا كأنه احد موجود ..
صلي وخلص .. طلع من الشقه ..
العجوز: السلام عليكم ولدي شوف هالباب مايفتح
حسام: وعليكم السلام .. هذا المفتاح حق شقه رقم454 مو هاذي
العجوز: لاا كيف مو انا امس شايفك هنا وهذي شقتي
حسام: كم رقم الشقه
العجوز: اوو صحيح تو ولدي امس ماخذني من هالطابق مو هذا
الشاب: السلام عليكم
حسام: وعليكم السلام
الشاب: يبه قلت لك هذا الطابق الثالث احنا بالرابع
العجوز: أي موهذا الرابع
الشاب: لايبه هذا الثالث بالانجليزي مكتوب
العجوز: اهاا
حسام: لو سمحت اخي ممكن اسأل انتو من الاساس بالطابق الفوقي
الشاب: أي
حسام: يعني امس كان ابوك غلطان يوم يكلمني
الشاب: على ايش
العجوز: أي ولدي انا قلت لك لاني كنت طالع من الشقه فوق ولما رجعت جيت هذا الطابق ففكرت نفس الرجال فوق تشبهه بس العتب عالنظر وهالارقام اللي يشبهو بعض واحد عربي وواحد مادري شوو
عصب حسام: الحين تقولوا لي كذا
الشاب بعد مافهم اللي صار: انا اسف اذا سببنا لك مشكله .. اعتذر عن ابوي تعرف كبير بالسن صار يخربط بالارقام
حسام: مو مشكله حصل خيرعن اذنكم
طلع برا .... صار يمشي دون مايحس بحاله ..
الحين عقب هذا كله يقول لي العتب عالنظر .. بعد ماضربت ندى بعد مااتهمتها .. انا مسافر اعدل علاقتي معها الحين انقلبت علي .. وزاد الطين بله .. بترضى تكلمني الحين .. اكيد لا مابترضى تسمعني .. زين اذا ماقالت رجعني بيت اهلي... مو بس الثلاث الشهور الباقيه لي .. لا للنهايه ... لاكيف للنهايه .. انا امبيها ... صحيح مااعاملها عدل.. بس معاملتها لي جذبتني لها .. اااه متى بس تنتهي هالمشكله .. لازم اكلمها لما ارجع ..

رفع راسه من الارض ... وصل للحرم .. دخل وصلى الركعتين .....
طلع قام يمشي ...

بعد ساعات ..

شوق: قواك الله حبيبي
محمد: الله يقويك
شوق: احط لك الغداء
محمد: لا ماامبي اكل بس سوي لي شاي
شوق: ان شاء الله
محمد: الوو ... وعليكم السلام.. بكم ... لااا وشو ناوي انت ... لا مايصير .. ولو مو كفايه اللي سويته امس .. هذا الملف سكره وحطه على مكتبي سمعت .. الله يسلمك .. افف
شوق: صاير مشكله بالعمل
محمد وهو ياخذ الكوب: أي مايفهم هذا اقول له شي يسوي شي ثاني وتطيح فوق راسي
شوق: على البيع؟
محمد: ايه والقهر مو اول مره يسويها امس توه قال ويه اقل من المبلغ المستحق بشوي عادي ويوقع العقد .. والمدير يحطها فوق راسي انا وخصم مني ومنه
شوق: وليش ماتفنشوه
محمد: داخل بالواسطه هذا مو سهل نفنشيه
شوق: الله يعينك عليه
محمد: افف بيطلع روحي
شوق: ترا موعد المستشفى اليوم
محمد: الساعه كم
شوق: تسع الليل
محمد: ان شاء الله
شوق: ماودك تنام
محمد: لاا مو ناقصني مصايبه هذا
شوق: متى ينتهي دوامه
محمد: بعد ساعتين
شوق: اهاا
محمد: شوق
شوق: عيونها
محمد: المدير أجل الراتب بسبه معاملات هالعبقري اللي عندي اسبوعين
شوق: ويعني
محمد: مو انتي قلتي تبين تشتري اغراض المولود وهديه حيدر وفيصل هالاسبوع

انتهى :cool: