[عاشقة أهل البيت]

..(( الجزء الثالث والعشرون))..


الجزء الثالث والعشرون ...

انزهقت من وجوده ماقال لها متى بيجي هو .. لكنه نايم .. مشت بهدوء لان الليت مطفي بالصاله اخذت اغراضها من المطبخ ورجعت الغرفه ..
وطراااخ
ندى: ااي
طاحت لانها صدمت بالشنطه اللي حقته .. الشنطه طاحت وطلع لها صوت
قام حسام من محله: شصاير
ندى: الحمد لله عالسلامه .. اسفه ماانتبهت للشنطه وطاحت
حسام: الله يسلمك .. كان شغلتي النور
ندى: مابغيت ازعجك
مشت عنه ...
حسام: ندى
ندى: نعم
حسام: ماعليه تجهزي لي ثياب بسبح
ندى: ان شاء الله
حسام: قواك الله <><><> غريبه خخ شكله اتعض



أم حيدر: أي عزمناهم
أبو حيدر: وبيت اخوه اللي جنبه
أم حيدر: أي
حيدر: حشى بتعزموا الشرقيه كلها
أبو حيدر: هذلين جيراننا والجار قبل الدار
حيدر: ههههههه موقصدي مانعزمهم بس انا خايف تخلص الوجبات ونتوا تعزموا بالناس كلهم
أم حيدر: لا الوجبات محجوزين كفايه وانتو الرجال مادري عنكم
جاسم: السلاام
أبو حيدر: وعليكم السلام هاحصلتهم
جاسم: ابو جواد مسافر اما ابو عقيل حصلته وكلمته
ريحانه: يمه مابيجو بيت خالي ابو كمال
أبو حيدر: مايقدر ابو كمال ياخذ اجازه الا اذا اشتغل بالعيد
أم حيدر: وبيشتغل؟
أبو حيدر: ماادري والله
أم حيدر: وابو خالد رايحين الحج السنه
جاسم: أي لكن ا بيرجعوا قبل العرس
حيدر: اشوي ماصار العرس في العيد كان محد يجيكم الكل مسافر
جاسم: أي صحيح
بتول: عادي اقول لصديقتي تجي
حيدر: أي حبيبتي قولي للي تبينه
ايمان: متى نقول لصديقاتنا
حيدر: قولي لهم بيعرس اخوي واختي ليلة الجمعه تاريخ 19
ايمان: صاله الملكه
حيدر: ايوه


بعد ساعتين..

أبو حسام: وعلى وين ماشيين
حسام: ايران اسبوعين
أبو حسام: بتتنقلوا هناك ؟
حسام: لابس مشهد واخر خمس ايام الشمال
رغد: الله الله يهنيكم الجو هناك كشخه
حسام: أي برد الحين بالشمال ومشهد متوسط الجو بس يميل للبروده
أم حسام: لاتنسي ندى تاخذوا ثياب شتويه
ندى: ان شاء الله
رغد: وماتنسي هديتي ندووو
ندى: هههههه امري
رغد: جيبي لي ثلج
ندى: هههههههههه احلمي به
رغد: خخ ادري بالاحلام بس
أبو حسام: متى ماشيين
حسام: بكره الظهر الطيارة ثلاث
رغد: اووف مامداك ترتاح من جيتك
حسام: لاعاادي
رن جوال ندى ..
ندى: عن اذنكم ..
طلعت من الصاله ..
ندى: ياهلاا شووق
شوق: اهلين شخبارك شو مسويه
ندى: بخير الحمد لله .. الف مره قلنالك لاتستخدمي الجوال
شوق: ههههه نسيت .. تعالي صحيح اللي سمعته
ندى: عن ويه
شوق: انك بتسافري مع ريلك
ندى: أي بكره ماشيين ايران
شوق: ايران .. قلدناك الدعوه والزياره
ندى: وانتي من اهل الدعاء
شوق: ومتى بتجي
ندى: اول اسبوع بعد الاجازه مابكون هنا بجي الاربعاء الصبح
شوق: يوو زين ماراح عليك العرس فرق يوم
ندى: أي اشوى خذيت لي ثوب
شوق: أي صحيح ههه خوش مره انا للحين ماشريت ملانه اطب السوق
ندى: ههههه ملانه لو خيابه
شوق: اللي هو .. وين انتي الحين
ندى: ببيت عيالي تحت
شوق: يوو شغلتك يعني
ندى: لا عادي بس قاعدين
شوق: اهاا اخليك عيد .. مع السلامه ..



الليل ..

عبد الله : اااح برد طفي المكيف
مريم: من عيوني
عبد الله: لو تشغلي اللمبات الصفراء بعد احسن
مريم: ههههههه شفيك لهالدرجه برد مابعد جانا الشتاء
عبد الله: أي بارد المكيف
مريم: تبي شي ساخن
عبد الله: أي
مريم: شاي ولا دارسين
عبد الله: افاا لا هذا ولا هذا
مريم: ليش ؟؟؟
عبد الله: تعالي هنا
جلست عالكنب ..
عبد الله: حضنك هو الدافي
مريم: ههههههه كان قلت من البدايه
عبد الله: فكرتك تفهمي عالطاير
مريم: لا انا افهم عالماشي
عبد الله: ههههههه
مريم:الساعه طافت 12 مابتقوم تنام وراك عمل
عبد الله: لا الفلم اتوقع الحين قرب ينتهي
مريم: يعيدوه بكره
عبد الله: لا امبي اطالعه الحين
مريم: هههههه اتحداك تكمله
عبد الله: ريموو بقى خرابيط من البقاله
مريم: أي اجيب لك
قام عنها ..
عبد الله: أي كان اصحصح
مريم: ههههههه اقول لك نام موراضي
عبد الله: بسرعه تعالي هاهو بدأ

بعد ساعه ..
مريم: عبد الله عبد الله
عبد الله: هااا
مريم: قوم نروح الغرفه
عبد الله: انتهى ؟؟
مريم: هههههههه صباح الخير
عبد الله: افاا كان قعدتيني
مريم: ههههههه وين وصلت بالفلم
عبد الله: اامم مادري يوم يقول بيروح له يفهم السالفه منه
مريم: ههههههه ماشاء الله عليك يالله قوم السرير
عبد الله: ااخ ملان شرايك تحمليني
مريم: أي حق نتكسرثنينا قوم بس قوم
عبد الله: هههههههههههههه انا اللي باخذك بس اذا تكسرتي مالي دخل
مريم: عبدوو اتركني بطيح
عبد الله:شقلتي
مريم: هههههه لاخلاص توبه ماقلت شي



اليوم التالي ......

(( انا في الطريق الى المطار رايحه ايران..
أسألكم براءه الذمه ..
ساعود بعد اسبوعين))
رسلتها لـ ريحانه .. شوق .. دانه .. وبعض زميلاتها
حسام: رحتي قبل لايران ؟
ندى: مره وحده قبل ثلاث سنوات
حسام: اهاا
.. رجع الصمت سيد المواقف ..
ندى : الو
دانه: يااااهلا ندى
ندى: اهلين غناتي
دانه: قلدناك الدعوه والزياره
ندى: وانتي من اهل الدعاء
دانه: يالدبه ماقلتي لنا
ندى: توني داريه امس
دانه: رايحه مع اخوانك
ندى: لا
دانه: مع من ؟؟
ندى: مع حسام رايحه
دانه: اووب شي متى جا
ندى: امس
دانه: السيد حسام جنبك ؟؟
ندى: هههههههههه صدقتي
دانه: وانا اقول شفيه صوتك
ندى:شفيه
دانه: لا بس ينعرف موماخذه راحتك
ندى: اهاا
دانه: ههههههه خلاص بسكر مع السلامه
ندى: الله يسلمك ..



بعد ساعات .....
بالطائرة ...
ندى غفت عينها شوي اما حسام ظل يطالع من النافذه ولما بعدوا مايشوف شي اخذ مجله يتسلى بها
.. نرجوا منكم ربط الاحزمه وصلنا الى مشهد سوف نهبط الان ..
حسام: ندى ندى
ماجلست
حط ايده على وجهها ينبهها
حسام: ندى قومي وصلنا
ندى: هاا
حسام: يالله الحين بنهبط حزامك اربطيه
ندى: مربوط
حسام: اذا عندك اغراض هنا جهزيها
ندى: طيب
في الفندق ...

حسام: جوعانه ؟
ندى: لا
حسام: انا بنام
راح للكنبه .. حتى هنا على كنبه ؟!!
ندى: روح ارتاح داخل احسن لك من هنا
حسام: انتي روحي داخل
ندى: بس
حسام: بس ايش
ندى: الكنب هنا بيعور ظهرك روح نام داخل مابنام انا الحين
ابتسم <> لاول مره <> : ان شاء الله .. تصبحي على خير ..
ندى: وانت من اهله ..
دخل الغرفه وراح للسرير ..




ريم: شووقوو جيبي الريموت بدا المسلسل
شوق: أي قناة
ريم: رقم 23 او 24
شوق: خخخ قديم توك تطالعيه
ريم: ادري طالعته بس اليوم الاخيره
شوق: هههههه والاخيره لازم تعيديها
ريم:ههههههه ايه
شوق: ريموو ولد اخوك يتحرك
ريم: وين
شوق: جيبي ايدك
حطت ايدها ..
ريم: مواااه قلبي متى بس تطلع
شوق: يالدبه لاتحببين بدبتي
ريم: ههههههه من حلاتها احب اللي داخلها
شوق: لما يطلع
ريم: يلا عاد قولي لي بنت ولا ولد
شوق: ماادري
ريم: كله من السوسه ادري
أبو محمد: السلام عليكم
شوق: وعليكم السلام عمي
ريم: قواك الله يبه
أبو محمد: الله يقويكم محمد ماجا
شوق: قال بيتأخر اليوم
أبو محمد: ليش
شوق: مادري عنهم سالفه بالعمل شكله واجتماعات
أبو محمد: اهاا ريم حطي لي شي اكله على ماابدل ملابسي
ريم: ان شاء الله
شوق: ريمو جيبي معك كاس ماي
ريم: حقك ولا للي ببطنك
شوق: هههههههه شالفرق
ريم: اذا حقك ماني جايبه
شوق: لا لا حق بنتي مسكينه
ريم: هاااا بنت يعني
شوق: هااا لا لا مره اقول لك بنت مره ولد حق تخربطي
ريم: امممم اشك
شوق: ههههههههه شكي.. روحي بس جيبي لي ماي ..




انتهى ...


انتظروا الجديد ,... :rolleyes: