[عاشقة أهل البيت]

..(( الجزء الواحد والعشرون ))..



الجزء الواحد والعشرون ..

بعد اسبوع ..

حسام: ندى
ندى: نعم
حسام: انا بروح لأمريكا أكمل دراستي بعد يومين
ندى: والمطلوب مني ؟
حسام: بتروحي معي ولاتبين تكملي دراستك هنا ؟؟
ندى: لابكمل دراستي
حسام: بكيفك
ندى: باقي لك واجد هناك
حسام: هذا الترم بس
ندى: الله يوفقك
استغرب ..على اللي يسويه فيها ..الله يوفقك !!؟
ندى: اقعد هنا ولا اروح لاخواني؟؟
حسام: كيفك
ندى: بروح لأخواني ماعندهم احد معهم



عبد الله : والله لو تحصلي واسطه انقل هنا
فيصل: ههههههههه عادي ظل هناك عندك مرتك .. الا تعال مو هي تدرس هنا
عبد الله: نهايه السنه بتجي تمتحن
فيصل: وليش ماتخليها لين ماتخلص
عبد الله: هي قالت تبي تجي
فيصل: هههههه وهذا اللي تبيه انت
عبد الله: اكييد
فيصل: بس موماتجون بعرسنا
عبد الله: لابكون اجازه العيد ياعبقري زمانك
فيصل: خخ أي صحيح نسيت
عبد الله: أي مافيه عقل الحين
فيصل: ماشاء الله
عبد الله: انااا؟؟
فيصل: لا الجدار اللي جنبك
أبو عبد الله: السلام
عبد الله: وعليكم السلام
فيصل: قواك الله يبه
أبو عبد الله: جهزتوا اغراضكم
عبد الله: أي جاهزين بس مو الحين بنمشي بعد الصلاه
أبو عبد الله: الله يوفقكم ... فيصل موتطلع حق توديهم المطار
فيصل: قاعد هنا مابطلع
أبو عبد الله: دانه موهنا
فيصل: الا بغرفتها
عبد الله: أي بدا حركاته حيدروو
فيصل: ههههههههه




شوق: اف بتبدأ الجامعه
ريم: لاتروحي
شوق: لا والله
ريم: هههههه ليش ماتصيري منازل
شوق: لامااحب
ريم: واذا صرتي بالتاسع
شوق: الله يعين
ريم: ماعرفتي بنت ولا ولد
شوق: أي توني قبل يومين
ريم: وشوو
شوق: ههههههه حلفني محمد مااقول لحد
ريم: افااا وهو الدب يدري
محمد: أي ادري
ريم: بسم الله مانجيب طاريك الا جيت
قعد جنب شوق: أي حسيت ان فيه احد يحش فيني فجيت
شوق: هههههههه لا محد يحش فيك وانا موجوده
ريم: أي بدينا ترى انتو تحت مو بجناحكم
محمد: هههههههه داري
ريم: قول لي بنت ولا ولد
محمد: اول كوب شاي
ريم: دقايق
شوق: ههههههههههه بتقول لها
نزل صوته: لااا
بعد دقايق..
ريم: تفضل ياااحلى اخ
محمد: تسلمي يااحلى عمه
ريم: هاااا عمه في عينك
محمد: هههههههه موعمتي عمة اللي في بطن زوجتي
ريم: زين يالله قول
محمد: وشو
ريم: لاتستهبل علي
محمد: أي نسيت .. اللي ببطن شوق جنين
ريم: احلف
شوق: ههههههههه ومصدقه اخوك يعني بيقول لك
ريم: مابتقول؟؟!!!
محمد: لا طبعا
تسحب الكوب: يالنحيس جيبه اشربه بدلك
محمد: هي هي بينكب ترى على شوق
بعدت عنه
شوق: ههههههه خوش حجه
محمد: تسلم ايدك حلووو الشاي




أول يوم بالجامعه ...

ندى: بروح ترى اليوم بيتنا خلاص
ريحانه: هاااااا ليش ؟؟؟
شوق: ندى وش صاير
ندى: هههههههههه شفيكم طبيتوا علي بفهمكم حبه حبه
ريحانه: خلصي تكلمي
ندى: حسام باخر ترم بيروح يخلصه وبيجي
شوق: ومتى يخلص
ندى: مادري عنه بس قال لي انه بيروح
شوق: وانتي بتضلين هنا
ندى: ارحم لي من هناك
شوق: بس مفروض تبقي مع زوجك
ندى: الله عاد .. خل يعرف يتكلم اول حق اقعد معه
ريحانه: علاقتكم للحين موكويسه
ندى: مادري وشو مسويه له انا ماكله حلاله وانا مدري زيي زي الجدار بالبيت .. وانا ساكته اسوي اللي يبيه
شوق: الله يصبرك ويعقله
ندى: وينها دانه
شوق: راحت تشتري لي ولها فطور وماجات للحين
ريحانه: واحنا مالنا رب
شوق: هههههه شدراني عنكم تبون او لا
ندى: انا جوعااانه مومتعشيه امس ولامتغديه
ريحانه: ليش ؟
ندى: بس كذا عناد له



المغرب .....
ندى: تبي اجهز لك الأغراض
حسام: أي جهزيهم
ندى: ان شاء الله
اخذت الشنطه ونظفتها ورتبت اغراضه كلها .. وحطت الظرف اللي يكون فيه ريحه عطر للملابس .. وسكرتها
حسام: خلصتي
ندى: ايه
حسام: بمشي الساعه ثمان اوديك بيت اهلك
ندى: لا ماجهزت اغراضي اخوي بيمرني
حسام: انا بنزل الشنطه تحت من الحين .. وانزلي ساعديهم بالعشا
ندى: ان شاء الله


بعد ساعه ..
تحت ...

رغد: تروح وترجع بالسلامه
حسام: الله يسلمكم
أبو حسام: وين زوجتك سلمت عليها ؟
حسام: لا بعدني بدخل الشنطه السياره وراجع<> كأنها على بالك اصلاً
رغد: هاهي جات
أبو حسام: بنتي يالله زوجك بيمشي سلمي عليه
ندى: الحين طالعه له
انتظرت على الباب لين ما جاء...
مدت يدها تسلم عليه ..
ابتسمت له: تروح وترجع بالسلامه
مد يده ..: الله يسلمك
حب يدها وطلع .. استغربت .. بترجع شافت ابوه واقف بعيد
فهمت موقفه .. عشان ابوه موجود بس !!

رغد: ندى مو ماتجي
ندى: لا بجيكم لازم
رغد: ماعنده حسام اجازات هالترم
أم حسام: الا بيجي بعيد الاضحى قال
عجبها تدخل أم حسام حق لاتطيح بورطه .. لانها ماتدري عنه اصلا .. ومن متى هو سولف معها .. غير يتأمر !!؟؟
ندى: انا بجهز اغراضي
رغد: تبين اجي اساعدك
ندى: لا مايحتاج اذا تبين تركبين حياك الله
رغد: بركب معك

بعد ساعات
ببيت أبو سعد ...
بعد ماناموا اخوانها
راحت لغرفتهم واخذت جوال لؤي
تقرأ الاسماء
ندى: هاهو
اخذت الرقم اللي تبيه وطلعت بدون مايحسون بها ...



بعد فتره ..
ظل الحال ...
عصافير الحب ..
محمد وشوق ..
ريحانه وفيصل ..
وانظمو اليهم دانه وحيدر
وماننسى المسافرين عبد الله ومريم
شوق وصلت بنهايه الخامس .. عرس ريحانه ودانه بعد ثلاثة اسابيع والتجهيزات على قدم وساق ..
ندى على حالها ببيت ابوها رسلت لحسام مرتين لكن لارد .. فسكتت عنه وهذا افضل حل ..
يمكن حياة ندى اللي عاشتها هو اللي مخليها تصبر وتصبر ...

دانه: خلصت ؟؟
حيدر: أي الحمد لله
ابتسمت له: والعصير ؟
حيدر: لازم
دانه: ايه
حيدر: امم حلوو تسلم ايدك
دانه: الله يسلمك ..
حيدر: افاا لو حنا مومخلصين التجهيزات
دانه: ليش؟؟
حيدر: الحين بيقولوا لي من الحين لاتشوفها لاتكلمها لازم تشتاق لها وهم مايدروا اني بين يوم ويوم اشتاق لك
دانه: ههههههههههه كلها ثلاث اسابيع وشوي وتمل مني
حيدر: محد يمل منك قلبي
دانه: وانا ماامل منك بعد
حيدر: دانه تذكري يوم المزرعه
دانه: أيه
حيدر: كنت اصلا مو ناوي اعرس ببوي قال نخطب لك دانه قلت عادي
دانه: وتالي
حيدر: احم احم خليني اخلص
دانه:هههههههه سكتت
حيدر: يوم تصقعي فيني وتكسري لي صدري غيرت رايي رجعت لهم المسبح مفهي
دانه: هههههههه صحيح تعورت
حيدر: ههههههه لا بس قعدتي قلبي من النوم خليتيه يرقص
دانه: ههههههههه الله يغربل ابليسك أي خله مصحصح ماابيه ينام
حيدر: افااا قاعد لك بس انتي مايقعد لغيرك

<< ^ * __ * ^>>






انتهى الجزء ...\\