[عاشقة أهل البيت]

..(( الجزءالتاسع))..








الجزء التاسع


بعد يومين...
كانت ريحانه تتكلم بالتلفون مع ندى
ندى تحاول وريحانه لاحياة لمن تنادي ....
عند الباب كان جاسم اخوهم اللي يدرس خلص دراسته وباقي يستلم الشهاده وحب ينزل السعوديه بدون مايقول لهم ...
فتح الباب الرئيسي
كانوا ايمان وبتول يلعبوا برا بدراجاتهم
بتول: جاااسم ؟؟
جاسم: ايه تعالي ياحبيبه جاسم
حضن خواته من زمان ماشافهم
جاسم: من بالصاله
ايمان: بس ريحانه
جاسم: طيب لاتقولوا لها
دخل بشويش
كانت تكلم التفلون ..
غمض عينها
ريحانه: محمد ماني فاضيه لك شيل ايدك
جاسم وهويرفع ايده: ماني محمد
ريحانه: جااسم ؟؟
ضمت اخوها وراحت تركض لامها وابوها تقول لهم
حيدر دخل البيت وشاف اخوه ..: جاسم
راح جاسم لاخوه سلم عليه وقعد معاه


البيت قام وماقعد برجعت جاسم ....





ببيت أبو كمال ...


أبو كمال: بنرجع اسبوع الجاي وبتكون اخر سنه
شهقت ام كمال: ليـــــــش؟؟
أبو كمال: انا العمل خلاص اقدر انقله هنا بس سحر تكمل دراستها الثانويه
أم كمال: لا خله هناك احنا نبي هناك وسحر عندها جامعه نسجلها فيها هناك
تدخلت سحر: أي يبه هنا احسن انا مابي الجامعه هناك
كمال : بنضل بابا هنا على طول
ابو كمال: ايه
كميل: صحيح بروح ابشر محمد << ولد عمته
اولاد ابو كمال اندمجوا مع بيت اخوالهم وعمتهم بدل الوحده هناك اما ام كمال مو عاجبها الوضع





يوم الجمعه .. اخر يوم وتبدأ المدارس..


كانت عائله أبو حيدر وابو عبد الله وابو خالد وابو كمال متجمعين ببيت ابو حيدر عشان رجعة جاسم
وحيدر عزم محمد صاحبه لكنه اعتذر هو وزوجته<< ذكرى زواجه
ريحانه بيكمل اسبوعين لها ماكلمت فيصل
صحيح بدت تندم لكن ماتعرف كيف تكلمه ..
حست الايام انها قست عليه كان يحاول يرضيها لكنها ماتعطيه وجه وكل مازادت الايام زاد شعورها بالذنب..
أما فيصل كان معطي حاله فرصه لنهايه اول اسبوع بالدراسه وتالي يتصل لها .. تعب من الانتظار وظنه انها تبي تتركه بلا سبب!!!
وهو داخل بيت عمه كانوا كمال وكميل ومحمد وايمان وبتول يلعبوا برا
كان بيمر عليهم لكن احد طلع من الباب الرئيسي .. كانت ريحانه
ماانتبهت له من الظلام .. سكت ظل محله .. وحشته من زماان ماشافها ..
ريحانه: يالله العشاء حطوه
محمد: طيب خل نخلص باقي شوي
ريحانه: يالله قوموا بعدين كملوا بالرمل الرجل ينتظروكم
محمد: بس مو الكل جا
ريحانه: من بعده مايجي ؟؟
محمد: خالي ابو خالد وريلك
ريحانه خافت صاير له شي: خالي معزوم .. فيصل ليش ماجا
محمد: مدري عنه ريلك ولا ريلي اتصلي له
ريحانه طلعت جوالها بتضغط الرقم لكنها تراجعت هي تبي تكلمه ماتعرف وشو تقول
فيصل كان يراقب الوضع خاب امله لما دخلت جوالها ودخلت ..
تذكر الايام اللي جمعته معها كيف اول يوم كان فرحان لما اتصل له حيدر
تذكر لما طلع معها ومارضت تروح البحر
تذكر محاولاته انه يطلع معها وهي تطلع اعذارها
بس كله كوم واللي سمعه منها بالمطبخ كوم ثاني
انتبه لنفسه ودخل هو من جهه الرجال ...
حيدر: وين نايم توك جاي
فيصل: لا والله كان عندي مشوار وتاخرت على مارجعت البيت
حيدر: أي علينا والتلفون مشغول ليش
فيصل متحسر من داخله: كنت اكلم صاحبي
حيدر: اقول بلا خرط علينا << مايدري عن شي ماينلام
اما جهه النساء ...
دانه: وبتروحوا متى ؟؟
سحر: بكره الصبح
دانه: يعني بيروح عليكي اول يوم
سحر: ههههه عادي اخر سنه وافتك من هالمدرسه
ريحانه: جايك خير الجامعه
سحر: صحيح ريحانه ابوي يقول بينقل هنا شغله بدرس هنا يعني
دانه: تعالي جاماعتنا هاا
ريحانه: يوو زين احسن لك من هناك
سحر: والله هناك زهق مافيه الا امي عاجبها الوضع مع صاحبتها





الساعه العاشره ليلاً


ببيت أبو سعد ..


أم طارق: وش يبي هالرجال
أبو سعد: جاي يخطب ولده لبنتي ندى
أم طارق بفرح: والله جا بوقته
أبوسعد: كيف؟؟
أم طارق"< الرأس المدبر: وافق وخذ من فلوس المهر
أبوسعد: بس
أم طارق: وشوبس حق تخلص من ديونك بدون ماتدري عطها شوي من المهر وخذ الباقي
أبوسعد عجبته الفكره دامه بيخلص من مشكله وبنفس الوقت بفتك من مسؤولية بنته
راح لبيت اولاده ودخل
سعد: قواك الله يبه
أبو سعد: الله يقويك وين ندى ولؤي
سعد: بالمطبخ
دخل المطبخ ...
ندى: اهلا يبه قواك الله
اما لؤي ماارتاح لجيه ابوه هو مايجيهم الا نادرا فاكيد جاي حق شي
أبو سعد : الله يقويك
ندى: يالله العشا جاهز
قعد ابوسعد مع اولاده تعشى وبعد ماخلص
أبوسعد: اليوم جاني واحد يبي ياخذك لولده على سنه الله ورسوله وانا موافق
ندى انعقد لسانها يجيها فجأه كذا وموافق بعد !!!
لؤي: نعرفهم احنا ؟؟
أبوسعد: انا مااعرفه اعرف ابوه خوش ريال
تدخل سعد: يبه سالت عن الولد انت مو ترمي اختنا على واحد ماتعرفه
أبو سعد عصب من استجواب اولاده : لا ماسالت عنه انا عارف ابوه وهذا كافي والولد مو هنا يدرس برا ومن يرجع بنهايه الشهر بيتزوج ندى وانا موافق عليه ولازم ندى توافق
ندى طايحه بالطوشه .. ماتقدر تتكلم
لؤي: مايصير يبه لازم نسأل عنه مو كذا موافقين وانتهينا
أبوسعد: ندى بكره انا بخبر الريال اننا موافقين واذا عندك كلام ثاني لاانا ابوك ولااعرفك
الكل سكت متعجب من اصرار الاب على هذا الزواج ... وبهاذي السرعه .. وكأنه يبي يفتك من ندى
ندى سكتت
أبو سعد: وش قلتي
ندى: اللي تامر به يبه
طلع ابوسعد
سعد: وشو انتي اللي تامر به مانعرف الرجال حنا تقولي موافقه
ندى ودموعها على خدها: وشو تبيني اقول يعني شفت انت ابوي كيف
لؤي: لاحول ولاقوة الا بالله زين لاتعصبوا سعد اتصل لابوي خذ اسمه وحنا نسال عنه
سعد اتصل لأبوه واخذ الاسم
اما لؤي قعد مع اخته يحاول يهديها ويخليها تتامل خير بهالعريس المجهول ... ؟؟؟




أما ببيت أبو حيدر ... بعد ماطلع الكل ...


جاسم : وماقررتوا متى العرس ؟؟
ريحانه باارتباك : لا بعدنا
حيدر: شخبارك الحين مع فيصل
قطع كلامهم دخول ابوهم
أبو حيدر: وينه محمد
حيدر: جالس عالتلفزيون
أبو حيدر: وهذا مايترك الشاشات خله يجي يقعد معنا
حيدر: امرك يبه
أبو حيدر: يبه جاسم متى تاخذ شهادتك
جاسم: بعد اسبوع السبت
أبو حيدر: شد حيلك اخذها ودور لك شغل تاخذ رزقك منه
جاسم: خل نرتاح شوي وعند الله سعه الحين احنا بشعبان وانا مابي اشتغل برمضان ببدأ من شوال
أبو حيدر:وتقعد بالبيت شهر وشوي عاطل
جاسم: خل نرتاح شوي يبه من هموم الشغل لاحقين عليه
جلسوا العائله شوي ...
ريحانه قامت لغرفتها
جاسم: على وين
ريحانه: بجهز اغراضي حق الجامعه بكره وبنام
جاسم يستهبل: أي صدقت
ريحانه مشت عنه .. ليش الكل يفكرها عادي مع فيصل وهي من داخل لا
ركضت لغرفتها تصيح ... دموع ندم لكن ماتدري فات الفوت أو لا ...!!
أخذت دفتر مذكراتها وبدات تكتب خربشاتها فيه ...
(( العنوان .. لااريد ان افقد اثنين ...
..فقدت الاول واصبحت اعيش على ذكراه .. مماجعلني ان ابتعد عن الاخر
خالد .. لاتجلعني افقد الاخر بسببك ..
في بدايه الايام كنت غبيه ومعترضه على القدر لكن هاانا نادمه الان لكن هل سينفعني الندم ؟؟؟
أريد فيصل احس بأنني بحاجة إليه ...
لكن ماذا اقول له ؟؟ ماذا ابرر مافعلت وما سمع مني ... ؟؟ .... ))
نامت على الدفتر..
حيدر حس ان فيهم شي موطبيعي وجه فيصل والحين ردة فعل ريحانه على جاسم
مر من غرفتها دق الباب ماردت فتحه ..
شافها نايمه على الدفتر كان القلم مفتوح يعني كانت بعدها تكتب ...
أخذ حيدر الدفتر وقرأه ...
حيدر قرأ الورقه المفتوحه ورجعه مكانه حق لايعرف انها قرأته
راح لغرفته .. مسك الجوال وضغط على رقم فيصل


.....


...


..


.


أنتهـــ،،،ـــ الجزء ـــى
:p





:rolleyes::rolleyes: