[عاشقة أهل البيت]

..(( الجزء الثامن))..


:rolleyes::rolleyes:

الاربعاء ........

ببيت ابو محمد ...
على الغداء ..
أم محمد: محمد ولدي العصر اذا فضيت شوف الفرن يطفي ويولع
محمد: انا قايم بشوفه
أم محمد: لا خلص غداك اول توك قاعده
محمد: خلصت الحمد لله
راح يشوف الفرن بالمطبخ
شوق: تحتاج مساعده
محمد: هههههه لو تصليحه يكون احسن عطيني هذا السكروب
شوق: أي واحد
محمد: اللي عاليمين
دخلت عليهم ريم
ريم تصارخ : مريم عالتلفون اللي يبيها يجي
تركوا اللي عنهدم وراحوا يكلموها
شوق : اهلين ريموو شخبارك
مريم: تمام اخبارك انتي
شوق: الحمد لله متى راجعين
مريم: بكره الصبح
شوق: ترجعوا بالسلامه ان شاء الله شخبار عبد الله
مريم: الحمد لله بخير بس كان الفتره اللي راحت تعبان شوي
شوق: خير
مريم: مصخن شوي
شوق تتطنز: أي مرضتي الريال من اولها
مريم: هههههه معه الانفلونزا
شوق: مايشوف شر هاهو محمد بيكلمك ...



الساعه خمس العصر ...
كانت ريحانه تتجهز بيجيها فيصل ..
رن جوالها ونزلت له ..
طلع معها .. راحوا حلويات الموسى .. كانت ريحانه مو عااطيته وجه اذا سألها جاوبت ماسال تسكت
كانت فيصل مستاء من الوضع لكن يقول فيباله فتره وتروح ... << لكن هالفتره كم بتستمر ؟؟!!
بالسياره ...
كانت ريحانه ساكته
فيصل: ريحانه
ريحانه :هاا
فيصل: وش رايك نروح ندور بالحر شويه
ريحانه: ماعليه تخليها بعدين ماابي اروح
فيصل باستغراب: ليش؟؟
ريحانه: مابي
فيصل بتنهيده: طيب تبين ترجعي البيت
ريحانه: ايه
فيصل: طيب

كان هذا حالهم ...
ريحانه مو متقبله الوضع .. وافقت وتالي تبي تتراجع عن قرارها ؟؟
تبي ترجع لأحلامها الوهميه مع خالد ؟؟!!

كان فيصل يتصل لها ويجيها بين فتره وفتره ... بس يشوف اخبارها .. أما كلام بينهم مافيه .. فيصل يحاول ياخذ ويعطي معها ... لكن حلمها عايش معها ...!!
اذا طلع معاها محل تتذكر هنا جابني خالد وهنا ماجابني .. فيصل طفشت عيشته لكنه يحاول .. ساعات تكون عادي وساعات تقلب ...الحب يستحق انه يحاول ...





أما ببيت أبو سعد ... بيته الثاني اللي عايشبه مع زوجته أم طارق

أم طارق: ووشو الحل برايك
أبو سعد بعصبيه: مدري مدري الرجل يبي فلوسه وانا ماعندي شي وانتي تجي تتشرطي بعد
أم طارق: شوف اولادك خذ من عندهم
أبو سعد: لا والله يقولوا الابو ماخذ من اولاده
أم طارق: انا ماعلي تعطيني عشر الااف حق تجهيز عرس بنتي
أبو سعد: اسكتي انتي يامره وطلعي بره

<<

أبو سعد متدين من واحد من خوياه مبلغ 20 ألف وماعنده الا كم قرش والرجال عاطيه فرصه للعيد بس ..
وتجي زوجته فوق راسه تبي فلوس زياده يتدينها حق عرس بنتها ..!!!!!!
وكعادته .. بيتدين زياده ...
بس وشو الطريقه اللي بيرجع بها الفلوس ؟؟؟؟



ببيت ابو عبد الله
كانت دانه مع امها ينظفوا جناح المعاريس
لانهم قريب يوصلوا
فيصل بالسياره : هاا طلعت صادق ماليزيا
عبد الله: هههههه عله تعلها مادورت تمرضني الا هالمره
فيصل: ههههههه ها تبون البيت لو تفرفرون شوي
عبد الله: لا وين نفرفر اخلصبيت البيت امبي انام مااعرف انام بالطائره
فيصل: ههههههه أي ماتعرف تنام لو فيه احد جنبك مايخليك تنام
عبد الله : ههههههههه هو من هاذي الناحيه صحيح
كانت مريم بالسياره ورى ووجهها شاب نار من هدرتهم بغت غير الموضوع
مريم: مبروك فيصل على خطوبك
فيصل: الله يبارك فيك زين تذكرتي مو هالمفهي اللي جنبي
عبد الله : هههههههه انا مفهي هاا انا مبارك لك يوم اتصلت ذيك المره
فيصل: خخخ اصلا كنت بعدنيبس وافقت ماصر العقد
عبد الله: أي المهم
وصلوا البيت
أم عبد الله ماخلت ولدها ولامرته تحبب فيها وتستحمد لهم بالسلامه
دانه: الحمد لله عالسلامه ريموو
مريم: الله يسلمك
أم عبد الله: يالله يمه روحوا ارتاحوا حق العشاء الليله
عبد الله: ان شاء الله يمه بس وين ابوي
أبو عبد الله: ابوك بالغرفه مر عليه
عبد الله: ان شاء الله يمه ..
ركب مع مريم سلم على ابوه وقعد معه شوي ومريم سبقته
كانت الغرفه مرتبه ومبرده
قامت تطالع بانحاء الغرفه شافت صورة لولد صغير لابس دراعه
جاها عبد الله من وراها تقرب منها بس انتبهت له
عبد الله : ههههههههههههه افا
مريم بخجل: الله يغربل ابليسك
عبد الله: كيف عرفتي اني وراك
مريم: شميت ريحه عطرك
عبد الله جلس على السرير: هههههه حاسة الشم قويه عندك
مريم تغمز له: بس مو أي عطر اعرفه
عبد الله سحبها وطيحها على السرير
بغت تغير السالفه : عبود صورة من هاذي
عبد الله: هاذي صورة ابوي وهوصغير
مريم: صحيح
عبد الله: هههههههههههههههه وتصدق بعد هذا انا بالعيد كنت اول مره البس دراعه


<< ^ * __ * ^ >>


بالليل ......

كان الكل ببيت ابو عبد الله العشاء عندهم بمناسبه رجوع عبد الله وزوجته
وصلت ريحانه مع امها ....
ريحانه : الحمد على سلامتك مريم
مريم: الله يسلمك ومبرووك على الخطوبه
ريحانه: الله يبارك فيك
راحت ريحانه تسلم على الباقين ..
أم عبد الله: ريحانه قواك الله جيبي لي ماي ن المطبخ
ريحانه: ان شاء الله عمه
راحت المطبخ وهي رايحه رن جوالها ندى المتصله ..
ندى: ياهلا
ريحانه: اهلين غناتي
ندى: وين طايره اتصل البيت محد يرد
ريحانه: ببيت عمي انا لان عبد الله ومريم رجعوا من السفر
ندى: اهاا الحمد لله عالسلامه
ريحانه: الله يسلمك
ندى: ريحانه كلمتي فيصل
ريحانه: لاا
ندى: ليش وشو احنا اتفقنا
ريحانه: ماني متصله اصلا انا المتسرعه يوم وافقت عليه
ندى: انا لله رجعنا مو قلنا الماضي ينسى
ريحانه: لا مابينسى خالد ذكرى عيد ميلادة بكره وتبيني انسى
ندى: وحتى لو عيد ميلاد انسان ميت .. زوجك له حق عليك مو كل يوم الثاني مطنشته اذا اتصل ساعات ترفعي ساعات تتهربي
ريحانه : اففف وشواسوي بحالي انا يعني ماابيه
ندى: طيب اكلمك بعدين اخوي يناديني مع السلامه
ريحانه: الله يسلمك
راحت للثلاجه وهي متنرفزه اخذت عبوتين ماء وطلعت من المطبخ
عند الباب كان بوجهها فيصل ..
سكتت .. مبين من وجهه سمع كل شي .. وهوسكت عنها وطلع برى ............




بعد ماراح الكل كان عبد الله مع فيصل ..
عبد الله : لها الدرجه ؟؟
فيصل: اففف والله تعبت معها
عبد الله: طيب انت كلمها واجهها
فيصل: وشو اقول لها يعني كلمتها اكثر من مره من ليلة العقد وانا اتكلم معها ماهوفايد ساعات تصير عاديوساعات تقلب
عبد الله: طيب هي عرفت انك سمعت الكلام
فيصل: شكلها أي لان ماتكلمت مشت
عبد الله: طيب اتركها فتره اسبوعين عالاقل خلها تفكر براحتها ولما هي تقرر لشي بتتصل لعيك
فيصل بعصبيه :لا والله وانا اقعد انتظر حضرتها متى تتصل واشوف قرارها اقول لك قالت انا ماابيه تسرعت اني وافقت عليه
عبد الله: زين لاتعصب علي مو مني انا .. لو انت تحبها صج ..بتتركها لو كان هذا قرارها لكن صدقني اتركها اسبوعين احسن من تتركها العمر كله هي بتفكر ... لاتتصل لها انت
فيصل: ياصبر ايوب وزين لاطولت
عبد الله : مابتطول بتشوف انت هدي اعصابك وان شاء الله مايصير الا كل خير
فيصل: الله يعين ناخذ مشورتك ونشوف ...







خلصنا ...
خخخ مافيه مقاطع احطها لان تنعرف من يتكلم فيها :p

** ريحانه وفيصل هل من جديد ؟؟ :rolleyes:
** ديون ابو سعد ... من الضحيه فيها ؟؟


:cool: