منتديات أنا شيعـي العالمية - عرض مشاركة واحدة - رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 19-09-2008 الساعة : 04:32 PM

..(( الجزء السابع))..

الجزء السابع

سكر فيصل الورقه دموعه نزلت
كلام خالد قطع قلبه .. هذا وهو مايعرفه كيف اللي كتبه لريحانه ..
مسح دموعه .....

بالغرفه حيدر سلم الرساله لريحانه .. وقعت العقد أول وفتحتها ..
(( بسم الله الرحمن الرحيم
اللهم صلي على محمد وال محمد ..
السلام عليكم .. غاليتي ريحانه ..
غاليتي شرطي قبل ان تكملي القراءة .. رجاء لاتبكي زوجك بإنتظارك الان ...
غاليتي .. أنتي أعلم بقدر معزتي ومحبتي لكي أكثر من شخص اخر
لكن لامفر من قضاء الله وقدره
أحس ان ايامي اوشكت على الانتهاء
أحسست اليوم عندما رأيت أنها أخر مره ارى فيها وجهك .. عينيك .. بسمتك ..
هذا مادعاني ان اكتب لكي الرساله ..
لاأعلم أسودعك ام لا ... هل سأراك لاحقا أم لا .. الله العالم
غاليتي إن لم يجمعنا القدر مره اخرى .. سامحيني إن اخطأت عليك يوماً
غاليتي .. لاتدعي وفاتي عثرة في طريق حياتك .. عيشي حياتك كما كانت قبل ان نجتمع
أعلم كم هو صعب .. لكن انا اوصيت حيدر أن يسلمها لك قبل أن تعقدي على غيري
وكما قررتي أن توافقي أتمنى أن تقرري الان ان تغيري حياتك وتتقبليها
لن أطيل عليك .. ولا أريد أن افتح ذكريات الايام .. لكنها بذاكرتي إلى أن افقد روحي ...
ريحانه ....
أحبك غاليتي ...
لا أعلم ماذا اكتب لكي .. قلمي كعادته يتعذر عن الكتابه أكثر ...
غاليتي اتمنى أن تبتسمي قبل أن تغلقي الرساله
لاتنسيني من دعائك ..
محبك خالد ... ))
سكرت الرسالة رفعت عينها ...
كان حيدر واقف ومعه فيصل ,,
وجودهم منعها انها تبكي .. حيدر كان مخطط للخطوة هاذي ..
فيصل مد يده يصافحها: السلام عليكم
ريحانه: وعليكم السلام
حيدر ضم اخته : الف مبروووك ريحانه ..
عم السكوت شوي ..
حيدر: أنا بروح اخليكم شوي
فيصل: الله معك خذ راحتك
عم السكوت شوي ....
فيصل مو عارف يتكلم وريحانه منزله راسها تسترجع كلام خالد ودموعها بعينها
فيصل: ريحانه
ريحانه: نعم
فيصل انتبه لدموعها لما رفعت راسها تجاوبه ماعرف يكمل ودموع ريحانه بدت تخونها
مسح فيصل اول دمعه نزلت منها
قال بحنيه : ريحانه ..خالد قال ما يبي دموعك تنزل
ريحانه بعفويه :وش دراك
فيصل: هو كان كاتب لي رساله توي قريتها .. تبين تشوفيها
أومأت براسها .. طلع الرساله من جيبه وعطاها اياه
قرت الرساله حاولت ماتبكي .. هذا خطيبها ومو عدله من اول مره تبكي وعلى ويه على خالد .. عطته الرساله
فيصل يحاول يتكلم معاها بس شكله مزاجها مو رايق
فيصل: غناتي انا تاخرت الحين على الرجال لايسوون لي سالفه بروح لهم
ريحانه ماعرفت وش ترد تقول له الله معاك بيقول تبي تفتك منه ومابتقدر تقول له اقعد اكثر
رفعت راسها وابتسمت
فيصل قام من محله وطلع الطقم والدبله اللي شراها حق الخطوبه
لبسها اياه هو معها بس وكان هذا من طلب ريحانه .. <<تستحي يلبسها قدام خلق الله
لبسته خاتمه والساعه وهي ترتجف وهو يطالعها مبتسم من شكلها.. باسها على جبينها وخدها وسلم عليها وعطاها رقمه وطلع ..

نرجع للصاله ...
دانه تكلم ندى: ماطولوا
ندى: أي اخاف ريحانه سوت مناحه هناك
دانه: ههههههه الله يغربل ابليسك لامااتوقع ... ندى خل نروح نشوفها
ندى: ماني رايحه انا
دانه: انا بروح
وهي رايحه كانت ريحانه مسكره الباب جايه لهم
قفزوا لها دانه وندى: ألف مبروووك
وحده تضمها وحده تحبها
صارت تضحك على شكلهم ونست حزنها شوي
دانه: ياهلا مرت اخوي
ندى: حلو الطقم عليك بالعافيه
جت ام حيدر باركت لبنتها وضمتها وبارك لها الكل
بيت عمها وبيت خوالها ابو خالد وابو كمال
جلست ندى مع ريحانه على كرسيها
ندى: هاشسويتي
ريحانه: ندى خالد عطى اخوي رساله قبل مايتوفى حقي وحق فيصل
ندى: هاا كيف وش معنى فيصل
ريحانه: ههههه ياخبله هو موكاتب لفيصل كاتب للي بتزوجه
ندى: اهااا وشفتي الرسالتين
ريحانه: أي فيصل خلاني اشوف رسالته
ندى: وشو كاتب
ريحانه بتفكير: كان يوصيه فيني
ندى تبي تغير الموضوع: طيب عجبك فيصل حلو؟؟
ريحانه: هههههه ماقول هذا زوجي
ندى: حلفي عاد مابعد صار
قطعتهم شوق: كيف العرووس
ريحانه بابتسامه: بخير
شوق: على اتفاقنا؟؟
ريحانه: هااا يمكن نص ونص
ندى: وشو اتفاقه؟؟
شوق وهي تغمز لريحانه: سر صح ريحانه ؟؟ هههه اخاف سويتي فلم هندي هناك
ريحانه تتطنز: لامكسيكي شوي

ضلت ريحانه مع شوق وندى ودانه وقعدت معهم سحر واندمجت بالسوالف معهم مع ان احتكاكها معهم قليل بحكم عيشها بعيد عنهم
ريحانه ضلت معم تسولف وتهدر
الضيوف بدأو يروحوا شوي شوي
بقو بيت عمها وصاحبتها ندى .. رن جوال ندى
ندى: الو
سعد: السلام
ندى: وعليكم السلام
سعد: لمتى بتقعدي بيت الناس
ندى: انا اتصلت للؤي يجيني بس مارفع
سعد: انا بجيك الحين تجهزي
ندى: طيب بس وينه لؤي
سعد: مدري عنه مو هنا مع السلامه

في إحدى الشوارع ...

الشخص : يالله طلع كل اللي عندك لاهذا في راسك
لؤي: والله ماعندي الا خمس مئه تبيها خذها
الشخص: وين الجوال
لؤي: ماعندي
الشخص : كذااب
لؤي: فتشني اذا مومصدق
فتشه الشخص مالقى الا الفلوس اللي قال عليها لؤي .. ومنحسن حظه تركه بعد كم ضربه بس..!!! << تصير لاتقولوا مايصير

كان هذا الموقف بعد ماطلع لؤي من البقاله جاه واحد وعنده مسدس ...
دنيا مابها امان .. يجيك واحد مسلح وتعطيه كل اللي عندك .. !!!
لؤي لقط رقم السيارة اللي كان يفحط بها اللي جاه وسجله
لؤي بالسياره : الحمد لله جات على كذا
راح لؤي للبيت هو كان ناسي جواله بالبيت وراح حق يتصل لأخته وشاف اخوه طالع من البيت
سعد: وينك تاخرت .. لؤي احد ضاربك
لؤي قال لأخوه السالفه
سعد: لاحول ولاقوة الا بالله.. عسى ماتعورت
لؤي: لا ماتعورت واجد بس كان يبي فلوس بس لقطت رقم السياره
سعد: زين تسوي كان يمسكوه يلعبوا بالناس وارواحهم
لؤي: جات اختي
سعد: انا رايح لها الحين ..

في ماليزيا .... نسينا العرسان ... كانو بيحضرون الخطوبه بس الحجز مافيه الا بعد اربعه ايام ..

كانت الساعه الواحده بعد منتصف الليل ...
عبد الله ومريم كانو نايمين
مريم كانت تحس بحراره قريبه من جسمها فتحت عينها
المكيف شغال !! تحسست جبين عبد الله
كانت مرتفعه درجه حرارته ماعرفت وشوتسوي ؟؟
هي تشوفه معه اعراض الفلونزا بسكان يحاول يقاوم
هي بالفندق وماعندها شي خافض للحراره
اخذت بلوزه من ملابسها وحطتها بماي بارد وحطتها على جبينه
فتح عبد الله عينه لما حس ببراده الماء
مريم: حبيبي نام بس حرارتك مرتفعه شوي
عبد الله: عندي بندول بالشنطه الصغيره
مريم: دقيقه
جابت له البندول والماي .. شربته اياه
عبد الله كان تعبان لكنه حاول يقاوم ولا راح المستشفى مايبي يخرب شهر العسل
مريم: قلت لك خل نروح اليوم المستشفى مارضيت
عبد الله: عادي كلها كم يوم وتخف الاعراض
مريم: لابتروح بكره المستشفى ورجلي على رجلك
عبد الله نزل راسه على الوساده: هههههه طيب ماما أوامر ثانيه
مريم بابتسامه: لا
عبد الله : يالله تعالي نامي
مريم: جايه
استلقت مريم لكن مانامت ضلت كل حين تغير الماي حق عبد الله لين مانزلت حرارته ..

الساعه الثانيه ليلاً ...

كان فيصل بغرفته محتار يتصل عليها او لا
راح لغرفه اخته
دانه: ادخل فيصل مفتوح الباب .. كانت دانه على الكمبيوتر
فيصل: دانه تتوقعي ريحانه جالسه الحين
دانه: أي توها قايمه من المسن مامداها تنام
فيصل: طيب
دانه: على وين
فيصل: غرفتي
دانه: هههههه خلاص مالنا رب الحين
راح غرفته اتصل على رقمها
رفعته بعد الرنه الثالثه
ريحانه: الو
فيصل: ياهلا ريحانه
ريحانه: اهلين
فيصل: شخبارك
ريحانه: بخير
فيصل: لايكون نمتي وقعدتك
ريحانه: لا بعدني ماانام كنت رايحه للغرفه
فيصل: ريحانتي عندك شي بكره
ريحانه : بكره مشغوله شوي << تتهرب
فيصل: امبي اطلع معك متى تكوني فاضيه؟؟
ريحانه: مادري براحتك
فيصل: انا والله بالعمل عندي مشغول ماعندي الا بكره خلاص نخليها للأربعاء
ريحانه: ان شاء الله
فيصل: يالله اخليك تنامي تصحبحي على خير
ريحانه: وانت من اهله

انتهى الجزء
بإنتظاركم :rolleyes: