[عاشقة أهل البيت]

..(( الجزء الخامس))..



<< وصلنا لمحمد وشوق بالغرفه صح ..!!

نبدأ
بسم الله الرحمن الرحيم

الجزء الخامس



فتحت عينها لقت حالها بثيابها ماغيرتهم ومحمد نايم جنبها مومتغطي كان الجو بارد من المكيف وهي ماخذه الفراش كله .. غطت محمد طالعت بالساعه 11ظهر ..
قامت شوي شوي رجلها تعورها شوي غيرت ثيابها صلت فاتتها المغرب والعشاء والصبح ؟؟
صلت خلصت قعدت على الارض بتعب
جلس محمد شافها تصلي .. انتظرها تخلص
محمد: تقبل الله
شوق: منا ومنكم
محمد: كيفك اليوم
شوق: الحمد لله احسن
راح لها محمد: شوق انا امس ماحبيت اخبر امي وابوي عنك قلت يمكن انتي ماتبين تقولين لهم
شوق: لا عادي لو بعدين دروا بينقهروا منك انت
محمد: امرك حبيبتي انا بقول لهم .. باسها على جبينها .. : بس احنا نسينا السالفه صح
شوق أومات براسها
طق باب الجناح ..
محمد: ادخلي
ريم : صباح الخير
محمد: صباح النور
ريم: شخبارك شوق
شوق بابتسامه : الحمد لله بخير
ريم: امي تسال عن شوق تقدري تنزلي
شوق: شوي ونازله
ريم: يلا اخليكم
محمد: يالله ننزل
شوق وهي قايمه :يلا
حملها محمد وفتح باب الجناح وهي تضحك
شوق: محمد نزلني وشو يقولوا اذا شافانا احد
محمد: بيقولوا رجال حامل مرته مافيها مشكله
شوق: ان شافني عمي او عمتي لاتلومني
محمد: هههه وشو بتسويين
شوق: هاا مدري انت عارف وغمزت له
محمد: هههههههه ماتقدري
شوق: نشوف
محمد: ههههههه طيب
وصلوا لاخر الدرج ونزلها لان شاف امه طالعه من المطبخ
محمد: هاا
شوق: ههههههه حظك محد هنا
محمد: خلاص يعني عكسي العقاب
أم محمد : ياهلا يمه كيفك اليوم
شوق بخجل خايفه ان عمتها سمعت كلامهم: الحمد لله يمه بخير
غمز لها محمد وهو ماشي يضحك عليها




ندى عالتلفون : الو السلام عليكم
حيدر: وعليكم السلام
ندى: ريحانه موجوده ؟
حيدر: والله بعدها ماجلست .. اقول لها من
ندى: ندى ياريت تخليها تكلمني اذا جلست
حيدر: طيب
ندى: شكرا مع السلامه

ريحانه وهي نازله من الدرج ....
حيدر: تو صاحبتك مسكره تبيك
ريحانه : من؟؟
حيدر: ندى
ريحانه: أي صح لاني امس ماكلمتها بعد ما... سكتت
حيدر: فكرتي
ريحانه: بعدني ماقررت
حيدر بابتسامه امل: فكري براحتك

بعد خمس دقائق ....
ريحانه: يمه عادي اروح لندى اليوم
ام حيدر: وشوعندها
ريحانه: بس كذا جمعه بنات انا ودانه وشوق
ام حيدر: من شوق؟؟
ريحانه : رفيقتنا بالكليه بعد مرت محمد
ام حيدر: أي ذكرتها روحي تسلي معهم
ريحانه : حيدووري بتوديني صح
حيدر: هههههه حق الحاجه هاا
ريحانه: ويمكن نمر عل شوق بعد لانها ماتدل بتصل لها
حيدر: بس ......
ريحانه : وشو
حيدر: لالاولاشي .. بس كل وحده خمس ريال
ريحانه : خخخ تعتبر نفسك سواق يعني بروح اتصل على شوق

في المكالمه...

شوق: اممم بشوف بكلم محمد اول
ريحانه: لا مافيه بشوف ..ريلك هذا مايستغني عنك دقيقه
شوق: ههههههههه لابس لازم اخذ اذنه
ريحانه: طيب ردي علي تالي حق اخذك معي انتي وريم ماتدلو
شوق: اوكي يالله مع السلامه هاهو جا
محمد: ويش فيني
شوق: حمودي عادي اطلع مع ريحانه اخت حيدر
محمد: أي عادي بس متى؟
شوق:اليوم مدري العصر او الليل
محمد: بس شوق انتي مو تعبانه
شوق: لا انا بخير خلني اروح احب جمعتهم
محمد: تااامري كم شوق انا عندي.. بس ماتمهلي طيب
شوق: ان شاء الله...




في بيت ندى الساعه ثمان الليل...
كانوا البنات متجمعين
شوق و دانه وريحانه وندى .. كانت تجمعهم مدرسه ثانويه وحده
أما ريم تعرفت عليهم عن طريق شوق
ريحانه كانت قاعده معهم بس عقلها محل ثاني
ابوها بيسألها لما ترجع وهي للحين ماعندها رد .. ساعات تقولي ايه ساعات تقول لا
بعد ماخلصوا العشاء كانت رايحه المطبخ تحط اخر دفعه من الاطباق
وكانت شوق تغسل ايدها
ريحانه بتردد : شوق
شوق: نعم غناتي
ريحانه: بسألك ماعليه
شوق حست ان الموضوع جدي جلست على الكرسي لان رجلها تعورها شوي
شوق: تفضلي
ريحانه بتردد:شوق
شوق: وش فيك متردده صاير شي ؟
ريحانه: لا بس انا متقدم لي واحد ومحتاره
شوق: ليش محتاره ؟الرجال فيه شي؟؟
ريحانه: لابس انتي عارفه البير وغطاه انا اخاف اوافق في لحظه وتالي اندم لان خالد ببالي مااقدر انساه
شوق: واللي متقدم لك يعرف خالد
ريحانه: ايه
شوق: يعني هوبعد عارف البير وغطاه شوي شوي ينسيك خالد
ريحانه شوي وتصيح: لامحد ينسيني اياه
((((شوق: حبيبتي لازم انتي تعيشي حياتك وتكمليها حتى لو ماتحققت بعض احلامك
ريحانه: الا هذا الحلم صعب لو انتي مكاني تقدري؟؟
شوق : ريحانه حلم الولد صعب او لا؟؟
ريحانه: ايه اكيد))))

<<< خخخ تذكروا المقطع
أنتو مفروض شفتوا كلمة ولد فهمتوها
نرجع ..
شوق: انا امس فقدت ولدي واكو عايشه حياتي صحيح بالبدايه كنت مومتقبله هالشي بس قدر وصار
ريحانه مومصدقه: كييــــف؟؟؟ متى ؟
شوق: امس انزلقت من الدرج
ريحانه: والله مادريت سلامتك
شوق: الله يسلمك محد يدري غير البيت موخبر مفرح هونعلمه الناس بس حبيت ابين لك ان موكل شي نبيه يتحقق بس لازم نعيش
سكتت ريحانه تفكربكلامها ودخلوا عليهم دانه وندى وريم
ندى: وشوتسووا بحالكم
شوق: هههههه قاعدين نخترع صاروخ
دانه: أي علينا وشو هالاسرار
ريحانه كانت بعالم ثاني تفكر بشوق ام وفقدت ولدها بسبب عدم الانتباه وعادي عندها قدر وانتهى وانا لي سنه وشوي مانسيته...




بيت ابو كمال ..

أبو كمال: بكره على الساعه تسع الصبح تكونو جاهزين نرجع الشرقيه
أم كمل: بالطائره ؟؟
أبو كمال: لا بالسياره لاننا مطولين نحتاجها
أم كمال: ونقعد ندور 4ساعات بالسياره لا لا اجلها نوره عازمتنا على عشا بكره
أبو كمال: لامافيه تاجيل بكره نروح انا نقلوا شغلي هناك ويبدأ من بعد بكره
أم كمال: على طول هناك ؟؟
أبو كمال: شهرين واتمنى على طول
أم كمال: لا وشوعلى طول الله لايقولوها مانبي نروح هناك
أبو كمال: وليش ان شاء الله مو اهلك
أم كمال: الا بس يمللوا صاحباتي هنا احسن
أبو كمال: مالت على صاحباتك اللي يجون كانهم بسهره ويارت يتغطوا عدل
أم كمال: له عيد تبيهم يتغطوا مايشوفوا شي
أبوكمال:لا بسمايحطوا هالمكايج كانهم اعوذ بالله
قامت عنه ام كمال كعادتها لما يقعد يتكلم عن صاحباتها هي تحب المظاهر ماتعرف حلال من حرام وتبي تسوي كل شي على كيفها لولا تدخل زوجها وتوقيفها عند حدها ...



ريحانه كانت ببيتهم الساعه الحاديه عشر الليل ..
تقلب افكارها .. اوافق مااوافق
بس كلام شوق وكأنه عطاها روح جديده للحياة ..
قطع تفكيرها دق الباب فكرته اخوها .. : تفضل
أبو حيدر: مسا الخير حبيبتي
ريحانه: مساء النورتفضل يبه
سكر الباب وجلس مقابلها
أبو حيدر: ها يبه فكرتي لو تبين تفكري اكثر
ريحانه بابتسامه : لاخلاص فكرت
أبوحيدر : والنتيجه
ريحانه: اللي تبيه يبه يصير..
أبو حيدر: لا تقولي كذا عشانه ولد اخوي وهاذي ثاني مره يكلمون بابا هاذي حياتك
ريحانه: لا يبه انا مقتنعه
أبو حيدر: الله يبارك لك حبيبتي والله ودي اشوف اولادك .. يالله انا استأذن
راح يبشر اهل بيته واتصل على اخوه .. أبو حيدر وام حيدر يتمنون موافقتها حق تطلع من قوقعه حزنها كانت مجرد أمنيه توقعوها مستحيله ....
حيدر طار على غرفتها فتحها: ألف مبروووووووووك
ريحانه : الله يبارك فيك تو الناس
حيدر: لا لا مو تو الناس كل شي تمام فيصل وتحليله خالص وسليم
سكتت.. بلارد
حيدر يبي يغير الجو عندها شوي: ريحونتي
ريحانه : نعم
حيدر: بتصل له سبيكر تعالي سمعي ماتوقع مداه يدري لان ابوي بعده يكلم عمي
ريحانه سكتت تنتظر يرفعه
فيصل: ألو
حيدر: افاا نايم
فيصل: هههه لابعدني بس رايح للغرفه بنام
حيدر: تبي اخبار جديده لو لبكره
فيصل فتح عينه: هاااا عن شنو لا لا الحين
(((((حيدر يتصنع الحزن : والله كان ودي انك تكون نسيبي بس
فيصل بحزن: لاتقول لي رفضت الله يخليك
حيدر وبعده ماخذ الدور: كل شي قسمه ونصيب مع السلامه... سكر))))
<<<< وهذا المقطع الثاني ...
حيدر: ههههههههههههههههه صدق
ريحانه: مسكين اتصل قول له
حيدر يغمز: ايه بدينا نخاف عليه
ريحانه بخجل: لا والله موقصدي بس لايفكر صح ويقول لاهله
حيدر: ههههههه طيب اتصل له مايرفع
حيدر: يووو شكله الاخ راح ينتحر مايرفع وش هالمصيبه:p
ريحانه: ههههههه أي صدقتك
حيدرنزل صوته: فيصل تراه يكن لك معزه مالها مثيل ويسويها ينتحر
ريحانه حمر وجهها وسكتت .. رن الجوال
حيدر: ههههههه شكله حاط له حبل امل ..




انتهى الجزء

................................
قراءة ممتعه للجميع
................................