منتديات أنا شيعـي العالمية - عرض مشاركة واحدة - رواية ˚ஐ˚◦ أحلام ورديه◦˚ஐ˚◦ كاملة بين ايديكم

عاشقة أهل البيت · بتاريخ : 19-09-2008 الساعة : 04:19 PM

..(( الجزءالثالث))..

<< يتبع بعدنا بتفكير ريحانه ..

كانت تتذكر يوم عرفت بموته كشريط سينمائي
جوالها يرن باسم حبيبي خالد ترفعه وكانت علا اخت خالد المتكلم
علا : ريحانه اخوي خالد تعبان يبي يشوفك
تذكر لما اخذت عبايتها وراحت لابوها يدويها المستشفى اللي هو مرقد فيه
تسرع في خطواتها عارفه هي رقم الغرفه لانه من يومين مرقد
توصل الغرفه تشوف ام خالد وابو خالد وعلا برى الغرفه في نفس اللحظه قبل ماتتكلم طلع الدكتور منزل راسه ووراه سرير مغطى صاحبه يمشونه ممرضتين
تذكر وش صار فيها وكيف ظلت اسبوع تعيش على الماء و قليل من الاكل اذا احد غصب عليها وخصوصا ندى صاحبتها اللي كانت واقفه معاها خطوه بخطوه .... نامت بين دموعها
خالد مرت عليه سنه وكم شهر من مات لكن جرح ريحانه يتجدد بذكر اسمه .. يتجدد بخبر عرس احد كانت تذكر كلامه واحلامه للعرس .....

بعد اسبوع .. الساعه السادسه العصر ..
ببيت ابو محمد

شوق وريم بالصاله
ريم : وحشتني ريموو
شوق : هههههه توها الحين اسبوع .. تبدأ الجامعه وتنسي
ريم : لاتذكريني بالهم بس يالله اخر سنه .. شووق ملانه جيبي شريط عرسك نشوفه
شوق : مافيه قلت انا اذا كملت سنه اوريكم اياه
ريم : انتي شفتيه صح ؟؟
شوق : ايي انا طالعته حق اشوف عدل لو لا
ريم : يالله عاد زهقانه
شوق : اووو جات خمس بروح انبه محمد
مسكتها ريم : مافيه تجيبي الشريط معاك
شوق : زين كسرتي خاطري
تركتها ريم
راحت شوق تركض وهي تضحك : ماني جايبته
شوق ماانتبهت ان الشغاله كانت تغسل الدرج وبدأت من فوق
شوق كانت تركض بالدرج حق ريم ماتلحقها وطرااااااخ زلقت شوق من الدرج وطاحت وجات الضربه على بطنها
أنت شوق بقوه من الالم وسمعها محمد وهو طالع من الجناح ونزل لها تحت
وصل لها كانت مرميه على الارض وريم قدامها مو عارفه ويش تسوي
نزل لها محمد رفعها من الارض : شوق شوق جاوبني
شوق بألم : بطني يألمني
محمد: ريم روحي الجناح جيبي عباتها بسرعه
ريم جابت العبايه وجابتها لمحمد اللي غطاها وحملها للباب
ريم : اروح معكم
محمد: لا خليكي لا تخاف امي اذا جات ماتشوف احد
ريم : طيب
محمد : لاتقولي لها وين طلعنا قولي طالعين شوي وبنرجع زين لاتخوفيها
ريم: اتصل لي خبرني ويش يصير معكم
ركب محمد شوق السياره داخل الكراج وركب الجهه الثانيه وراح طريق المستشفى ...

في ماليزيا ...
عبد الله : يالله مريومتي ماخصلتي
مريم : انا جاهزه
نزلوا من الفندق وهو ماسك يدها راح يتمشون على جنب الشارع رايحين يتعشون
عبد الله : جوعانه مريوم لو ندور شوي
مريم : براحتك عادي
عبد الله: بوديك محل اول
مريم: وين
عبد الله : الحين تشوفي
وقف تاكسي وراح معها على معرض رسوم لان مريم تحب الرسم
مريم : معرض رسووم ؟؟
عبد الله : اييوه
مريم : مشكووور هنا اكيد حلوه رسماتهم لان طبيعتهم حلوه لو انا جايبه اغرضي الرسم كان رسمت الحديقه اللي رحناها اليوم الصبح
عبد الله : نمر بعدين نشتري اغراض رسم ليش لا
مريم : لامايحتاج عندي العده كلها بالبيت
عبد الله: يالله وصلنا ندخل بس بشرط
مريم : آمر
عبد الله : الليله اشتري لك الادوات وترسميني
مريم بخجل: أي ماعليه
دخلوا المعرض كانت مريم توقف عند كل رسمه تتأملها وتتأمل دمج الالوان وطريقه الرسم ..
لماخلصوا مشوا الى مكتبه واشترت ريم الادوات اللي بتحتاجها للرسم

في الشقه..
مريم وهي لابسه مريله حق لاتتوصخ ثيابها : اذا تبي الصورة ماتعتفس لا تتحرك كل حين
عبد الله : طيب دقيقه بس تعبت من القعده
مريم : هههه تونا بالبدايه
عبد الله : ربع ساعه تقولين بالبدايه
مريم : يبي لي ربع ساعه ثانيه وتالي التلوين
عبد الله : يالله هذا انا قعدت
كملت مريم رسم الملامح : لاتقعد تطالعني كذا مااعرف ارسم
عبد الله : يؤ حرام اطالع في مرتي انا .. خلاصبغمض
مريم : ههههه لاخلاص خلصت
راح عبد الله عندها لكنها خبت الرسمه
عبد الله : خليني اشوف
مريم : لا بلونها اول بالرصاص تالي تشوفها
عبد الله : طيب
رن جرس الشقه وكان عشاهم وصل...

ببيت أبو حيدر ...
أم حيدر: والله هاذي الساعه المباركه بس ..
قاطعها ابو حيدر: عارف ريحانه ما ترضى بس الولد ماينرفض ولازم تعرف ان الحياة ماوقفت بموته الله يرحمه
أم حيدر: بتكلمها انت؟؟
قطعهم وصول حيدر البيت من النادي
حيدر: السلام عليكم
أبو حيدر وأم حيدر: وعليكم السلام والرحمه تعال حيدر شوي
حيدر: نعم يبه
أبو حيدر: حيدر عارف ان انت تقدر تقنع اختك ريحانه بكلامك
حيدر: أي وش صاير
أبو حيدر: عمك ابو عبد الله اليوم كلمني يبيها حق ولده فيصل لكن انت عارف ريحانه وقرارها
حيدر : كلمتوها انتو
أم حيدر: لابعد ماكلمناها بس عارفين بترفض فنبيك انت تكلمها
أبو حيدر: انا بعطيها الخبر وانت كلمها بعدي
حيدر: ان شاء الله يبه
أم حيدر: ان شاء الله .. انا قايمه احط لكم العشاء ..حيدر نادي خواتك واخوك

في نفس الوقت كانت ريحانه تكلم ندى صاحبتها على المسنجر
دخل عليها حيدر وناداها للعشاء

في بيت أبو عبد الله

دانه: وتتوقع بتوافق
فيصل: ان شاء الله خير
دانه: بس تراها للحين ترفض اللي يتقدمون لها عشان خالد
فيصل: أي عارف بس انا ماابي غيرها
دانه: ياااارب توافق على الاقل احصل ناس تقعد معي بالبيت
فيصل: وحنا موعاجبينك
دانه: وشو اسوي فيكم انتو امبي بنت معي
فيصل: هي معاك بالكليه صح
دانه: أي معي بس قسمها غير قسمي بس دائما اشوفها هي مع ندى
فيصل: من ندى؟؟
دانه: صاحبتها
فيصل : اهاا
رن التلفون
فيصل: الو
عبد الله : السلام عليكم
فيصل: وعليكم السلام ياهلا عبوود
عبد الله: اهلين كيف الحال
فيصل: والله تمام كيفك انت وزوجتك
عبد الله: بخير الله يسلمك.. جنبك الاهل ؟؟
فيصل: بس دانه امي ببيت جيراننا وابوي موهنا مادري وين
عبد الله: وينها دانه
فيصل: دقيقه
كلمت دانه فيصل وزوجته وبعدها عبد الله اتصل لبيت اهل مريم تكلم امها وابوها

في بيت ابو محمد

أم محمد: كأنهم تاخروا أذن المغرب من زمان ولا جاو ريم اتصلي لهم
ريم: خليهم لحالهم يمه يمكن صلوا بالمكان اللي هم فيه
أبو محمد: يبه ريم هم ماقالوا لك وين رايحين
ريم: ماادري بالضبط وين راحوا
راحت عنهم ريم وبدا الخوف يتسرب لها دخلت المطبخ واتصلت .. الهاتف مغلق
محمد تاخر ولا اتصل لها وجوالها كله مغلق
ريم خافت لكن تحاول تقنع حالها انه مافيه شبكه بالمستشفى وشوق مافيها الا الخير

في ممرات المستشفى
محمد كان يقطع الممر رايح جاي كان يتذكر كيف كانت تئن من الالم بالسياره
يحاول يحبس دموعه .. يدعي لها على ماتطلع الدكتوره
ممنوع يدخل والدكتوره موراضيه تطلع وشو يسوي ماعنده حل
تباعد شوي عن قسم الطورائ وراح الاستقبال يتصل على اخته
ريم : الو محمد ها ان شاء الله خير
محمد: والله للحين ماطلعت الدكتوره مادري
ريم: امي وابوي كل حين يسألون عنك
محمد: قلتي لهم شي
ريم: لا
محمد: ريم كيف هي طاحت
ريم بحزن: هي كانت رايحه تجلسك من النوم وكانت تركض بالدرج حق لا امسكها لانها كانت معي تحت والشغاله كانت توها باديه تنظف الدرج وشوق ماانتبهت لها وانزلقت
محمد: مسافه طويله طاحتها؟؟
ريم: يمكن عشر درجات
محمد زفر زفره وسكت وفجأه : ريم الدكتوره طلعت مع السلامه
سكر التلفون وراح جهه الدكتوره
كانت الدكتوره منزله راسها ودخلت غرفتها
طق الباب
الدكتوره : تفضل .....

خلصت ..

* شوق وشو بيصيرفيها ؟؟ :eek:
* فيصل وريحانه .. مالجديد ؟؟

بإنتظار المتابعين :p