[عاشقة أهل البيت]

..(( الجزء الثاني ))..


ريحانه نامت وهي تبكي شوي وتسكت تفكر شوي
وجلست على صراخ اختها فوقها
ايمان : ريحانه يالله قومي تقول لك امي صلي وارجعي نامي
ريحانه : زين قايمه
قامت ريحانه وهي قايمه طالح من السرير جوالها
اخذته .. 4 مكالمات لم يرد عليها وكلها من صاحبتها ندى الحين اكيد محمقه عليها
صلت ورجعت نامت


الساعه التاسعه صباحاً ...
في الشركه اللي يشتغلوا فيها محمد وحيدر
وبالتحديد في مكتب محمد
دخل حيدر ومعاه كيس الهديه شاف الباب مفتوح نصفه دخل
كان محمد عاطي ظهره للمكتب وماسك التلفون الثابت يكلم فيه وهو يطالع برا من النافذه
حيدر حط الكيس على الارض بخفه
وقت دخول حيدر كان محمد يقول للمتكلم : لاحبيبتي مابغيت شي بس اشتقت لك
جاه حيدر من وراه بدون مايحس وحوط ذراعينه على خصر محمد وقال بصوت يحاول يخليه ناعم مثل النساء : وانا بعد اشتقت لك حبيبي
محمد من الزهقه رمى التلفون وطالع وراه
الا حيدر قعد من الضحك على الكرسي
محمد: يالدب صرعتني الله يغربل ابليسك
حيدر : هههههههههههههههههه والله محد قالك تكلم زوجتك احنا بعمل مو شركه غزل
محمد : والله زوجتي وانا حر
حيدر : ههههههه اقول شوف التلفون انكسر او لا
محمد : اووه نسيتها .. الو
شوق : ههههه هذا صاحبك حيدر صح
محمد : ايوه مايخلي الواحد دقيقه يتهنى
حيدر : اقول بتسكر لا اروح اشكيك للمدير
محمد : شوقي بكلمك بعدين خل افتك من هاللزقه
شوق بابتسامه : الله معك
حيدر : ههههههههه انا لزقه ها وهذا انا جايب لك هديه عيد ميلادك
محمد : هاا زين في احد يذكرنا
حيدر : احلف عاد .. زوجتك بعد ذكرت عيد ميلادك
محمد : وانت شدراك
حيدر وهو يغمز له : خخخ سر المهنه .. وانت ليش مارفعت الجوال امس
محمد : ههههه مزاجي مابي اكلمك
حيدر : أي من شاف احبابه نسى اصحابه
حيدر وهو يمد الكيس لمحمد : كل عام وانت بخير
محمد : وانت بألف خير
حيدر : لا تفتح اول خمن وشو جايب لك
محمد : اممم ان شاء الله بس مو لابتوب
حيدر ( وهو يمثل الحزن ) : هاا ليش
محمد : لان زوجتي اشترت لي الهديه لابتوب
حيدر : ههههههه لاماشريت لك كنت والله بشتري بس لانك مارفعت غيرت رايي وخذيت لك جوال نوكيا 73
محمد : صج مشكوووووور
حيدر : هههههه احسن من تفشلنا بهالخربان
قطعهم دخول فيصل زميلهم بالعمل وصاحبهم وولد عم حيدر
فيصل : ماشاء الله عليكم يلا الاجتماع بعد خمس دقايق
حيدر : ياهلا فيصل فاتك والله فلم هندي مكلحين
محمد : أي الحين بتسويها نشرة اخبار
حيدر : ههههه عندك مانع
محمد : لاعندي دواس
ومشوا ثلاثتهم لمقر الاجتماع وكان حيدر يقص القصه لفيصل وهم ميتين ضحك ومحمد مبتسم معهم





الساعه الثانية ظهرا ..


ريحانه قامت لانها نايمه مبكر امس وراحت تساعد امها بالغدا حق ابوها بيجي من سفره اليوم
محمد اخوها : ريحانه ترجمي لي هذا << كلام باللعبه على الكمبيوتر
ريحانه : هااا مافهمت شي
محمد : مالت عليك طول وعرض ماتعرفي تترجمي سطر انجليزي
ريحانه : والله وانت ماتدرس انجليزي ترجمهم .. ومشت عنه تجهز السفره حق الغدا
رن التلفون وهي ماشيه للمطبخ
ريحانه : الو
قاسم : ياااهلا ريحانتي كيفكم شخباركم
ريحانه : اهلين قاسم الحمد لله كيفك وكيف الدراسه
قاسم : بخير الله يسلمك
ام حيدر من سمعت اسم قاسم جات بسرعه وسحبت التلفون تكلم ولدها المسافر وباقي له شهر ونصف على مايرجع
رن الجرس
ريحانه : محمد قوم افح الباب
محمد : ماني قومي انتي
ريحانه : يمكن ريال منو بيجي بهالظهر
محمد : اووف مافي الا انا افتح الباب يعني
وراح فتح الباب لقى ابوه وصل من سفره
محمد : قواك الله يبه
ابو حيدر : الله يقويك خذ هذي الشنطه دخلها
اخذ محمد الشنطه من ابوه ودخلوا
اول ماوصل استقبلوه ايمان وبتول وراحوا لحضنه
وجات ريحانه تسلم عليه وبعدها ام حيدر اللي بخرت البيت كله برجعته






في بيت اخر


كانت ندى ( صاحبه ريحانه)
تطبخ الغداء حق اخوانها سعد ولؤي
باقي لهم نصف ساعه ويرجعوا من العمل
امها متوفيه من سنتين وابوها تزوج بعدها وصار يجيهم بين كل كم يوم
سعد ولؤي وصلوا البيت
سعد : ندى وين انتي
ندى : ياهلا اخوي انا هنا
سعد : اخذي ذي الاكياس
ندى : ان شاء الله


( ندى كانت بمثابه ربه البيت تقوم بالبيت كله بعد ماتوفت امها .. ورغم هذا كله كانت صبوره ومتفوقه في دراستها )


سعد قعد على الكنبه وشغل التلفزيون يشوف الاخبار اما لؤي راح يساعد اخته بالشغل


( سعد اكبر من ندى بست سنوات وكان طبعه يشبه طباع ابوي عصبي وقليل الكلام


اما لؤي اكبر من باربع سنوات وهو الاقرب لها من سعد)


لؤي وهو يحط الغدا على الطاوله : سعد يالله قوم
سعد وهو قايم : انا رايح اغير ملابسي وراجع
راح سعد .. حطت ندى سلطة المكرونيا
لؤي : امممم جووعان وسلطه مكرونيا بعد تسلم ايدك
ندى : الله يسلمك
وصل سعد وبدأو كلهم الاكل
وبعد الاكل لؤي قعد على الكمبيوتر
وندى تنظف المطبخ
اما سعد راح ياخذ له قيلوله






الساعه الرابعه عصراً .. ببيت ابو محمد
مريم : ريييمو حطي المسلسل الحين بيبدأ
ريم : يووه ماانتبهت للساعه
قعدوا يشاهدوا مسلسلهم المفضل
شوق وهي نازله من الدرج : قواش الله عمتي
ام محمد : الله يقويك غناتي وين ماجيتوا تتغدوا معانا اليوم
شوق : انا صايمه ومحمد ماجا الا متأخر اليوم ونام بعده ماياكل
ام محمد : الله يعطيكم العافيه
اتجهت شوق للصاله تقعد ويا البنات
مريم : اااااااف هذا وقت الدعايات الحين
شوق وهي داخله : ههههههههه أي وقتها
مريم : اهلين شوق
ريم قفزت جهه شوق : هاا شوق سوتي له عيد ميلاد امس
شوق : هاا أي
مريم : افاا ولاتعزمينا
ريم : خخخ لا هذا خاص اول مره لهم بس المره الجايه بنطب عليها
شوق سكتت وحمره تعلو وجهها
ريم : هههههه وش فيك شووقوو صرتي طماطم
شوق : هااا لامافيني شي
مريم وريم قعدوا يضحكوا عليها وعلى حيائها وقعدوا يسولفون لين مايبدأ مسلسلهم




في بيت اخر .. بيت أبو عبد الله
بيت أخو ابو حيدر


أبو عبد الله وأم عبد الله نايمين << قيلوله مابعد الغداء
أما عبد الله و فيصل ودانه بالصاله يسولفون << أولادهم
( عبد الله عمره 26 سنه يشتغل بشركة ابوه .. خاطب وزواجه قريب من مريم اخت محمد صديق حيدر )
( فيصل اصغر من اخوه بسنتين لكنه اشتغل بنفس الشركه اللي فيها محمد وحيدر لانها اقرب لدراسته )
( دانه اختهم الوحيده عمرها 19 سنه تدرس باحدى المعاهد )


دانه : عبود الحين شقتك جهزت كلها لو باقي عليها
عبد الله : لا خلصت كلها بس يبي لها تنظيف و نحط اغراضنا
فيصل : انت متى مسافر شهر العسل
عبد الله : بعد يومين من العرس
دانه : وعلى وين
عبد الله : ماني قايل لك انتي سوسه بتقولي لمريوم
دانه : لا قولي لي ماني قايله لها
عبد الله : بنروح اليمن
دانه : هااااااا خبل انت خوش مفاجأه
فيصل : ههههههههههه وصدقتيه انتي
دانه : فيصل انت تدري رايح لوين
فيصل : نو مايرضى يقول لاحد يمكن خايف يتفشل
عبد الله : هههه اتفشل لو فيكم حره
فيصل : لا خلاص مانبي نعرف اكيد بتروح ماليزيا لانك تعرفها احسن من غيرها
عبد الله : يمكن ليش لا



....


بعد أسبوعين


في بيت أبو حيدر


ام حيدر : يمه ريحانه خلصتي ؟؟
ريحانه : أي يمه خالصه
محمد : من بيعرس
ريحانه : خلك انت بكمبيوترك ماتدري بالدنيا
أم حيدر : عبد الله ولد عمك زواجه الليله
محمد : اهااا





في صالة العرس ..


كانت ريحانه تمشي بثوبها الاحمر وهي تبحث عن دانه بنت عمها وبالخطأ من الكعب بغت تطيح بنت
ريحانه : اااسفه مو قصدي
ريم : لا عادي .. ريحانه انتي صح ؟؟
ريحانه : أي انا ريحانه من انتي اذكر شايفتك قبل؟؟
ريم : انا ريم اخت محمد صديق حيدر .. واخت العروس
ريحانه : اهلين ريم تشرفنا .. ماشفتي دانه اخت المعرس؟؟
ريم : ماردي شفتها من شوي هنا
ريحانه : اخوي يقول ان المعرس بيدخل وامبي اخبر دانه لانها ماترفع جوالها
دانه وهي جايه : ريحانه ريم يالله اخوي بيدخل
راحت دانه تشوف اخوها وصل او لا وهم راحوا لعبيهم يلبسوها


على الكوشه ..
كانت شوق قاعده مع مريم تحاول تسليها عن ربكتها
شوق : يالله عاد مريم ابتسمي وش فيك مبوزه
مريم : شوقو الحين بيدخل عبد الله صح
شوق : ههههه ايه
مريم : زين شكلي عدل
شوق : لا كانك وحش بالهبراطم .. شوق تغطت وتباعدت عن الكوشه لان عبد الله وصل لمدخل الصاله


دخل عبد الله مع ابو مريم ووصلوا على الكوشه على قصيده هالليله محلاها << حق صالح المؤمن تعرفوها صح


وتمت مراسيم الحفل على خير





بالطريق ..


ريحانه : ااااخ تعبت من هالكعب يكسر الظهر
حيدر : والله محد قالك لبسيه
ريحانه : تبي الناس تشوفني قصيره وهم طوال
أم حيدر : والله انا ماالبس كعب عادي بس انتوا لازم تكسروا ظهوركم
حيدر : جوعانين و لانروح البيت
ايمان وبتول : أي جوعااانين نبي نروح البقاله
حيدر : العشا مو من البقاله ياخذوه
اخذ لهم حيدر عشا سريع ورجعوا البيت وكل واحد على سريره


الا شخص اوحد
كان مستلقي على السرير يفكر ودموعه تخذله وتهرب من عينيه الى وسادة السرير
كان هذا الشخص هو ريحانه ...
تحاول تنسى هذا الشخص في حياتها .. لكنه كان صعب نسيانه كان طيب ومحبوب من الكل
كان يقدم الخير للي يعرفه واللي مايعرفه
كان يحلم باليوم اللي يجمعه مع ريحانه .. لكن اراده الله فوق كل شي
خالد كان يحب ويعز ريحانه من صغره ولما كبر وكبر حلمه معه خطبها له ابوه
شهر واحد عاشوه مع بعض .. لين ماخالد زادت عليه اعرض مرض السكلسل اللي هو مصاب به بسبب زيادة بروده الجو ..