[نسايم]

تشكر اخي عاشق على الكلام الرائع
لانه واقع وحال الاولاد الحين الي يتفشل من امه او ابوه

اذكر مرة كنا عن السيدة زينب عليها السلام

نطلع انزور الفجر ونصلي ونظل في الحرم فترة لين تطلع الشمس ونرجع في طريقنا امي تشتري اشياء فاكهة وخضار وهيك شغلات
المهم امي عجبتها حجة (بطيخة ) كبيرة واجد
واني مو راضية امي تشتريها اقول اليها كيف بنمشي فيها قالت ماعليش اني بحملها واني اقول اليها لا مافي عجل اني بتقدم وبمشي بعيد ههههههههطبعا كنت امزح معاها واقول اليها بتفشلينا مجرد كلام
بس سبحان الله ربك مايضرب بعصا مامداني امد ارجولي بمشي الا اني طايحة ومتهدرقة اني ديك الحزة جتني الضحكة والغبنة شعور يخلي الواحد مادري كيف
امي صحيح قامت شالتني بس قالت شفتي جزات الي مايطيع امه انبني ضميري ديك الحزة عاد



الام مهما قلنا في حقها مانوفيها

اني لو بتكلم من الحين لين السنة الجاية وبذكر مليون الف موقف عن امي مابخلص يبغى الي منتدى لحالي بس اكتب فيه


ذكرى مااقدر انساها او موقف صار الي مع امي
كنت في الصف السادس الابتدائي وكان امتحانات نهائية
المهم اني تاخرت على روحة الامتحان يعني مابقى شي ويوزعوا الاوراق ومدرستنا قريبة من البيت واجد بس اربع بيوت من بيتنا فكان ابوي هو الي يوصلني مشي المدرسة او امي كانت توقف على باب البيت اتطالعني لين ادخل المدرسة وذاك اليوم طلع معاي ابوي عشان يوصلني المدرسة واني متاخرة فقمت اركض عشان اوصل وابوي وقفة واحد بيسلم عليه اني على قولتهم انجردت بسرعة ورحت اركض المدرسة اوبي التفت مالقاني جنبه خاف وراح المدرسة يسال الفراش قاله لا ماشفتها
ابوي في موقف صعبه بنته كانت جنبه وفي ايده وفجتاة تختفي ومو في المدرسة راح بسرعة الي امي
الحين انا طبعا دخلت قاعة الامتحان وعطوني الورقة وبديت ااكتب اسمي
مارفعت راسي الا امي كانت جايه عندي داخل قاعة الامتحان وهي اتصيح وفي منظر مستحيل انساه وهي حاضنتني شكل امي في ذيك اللحظة لو اموت ماانساه وظلت جنبي لين خلصت الامتحان ورجعتني معاها البيت

هو ممنوع احد يدخل قاعة الامتحان بس كانت امي في حالة يرثى لها

وغيرووووووووووووووووووووو من المواقف