[البحرانية]

اقتباس : المشاركة الأصلية كتبت بواسطة عاشق الأكرف [ مشاهدة المشاركة ]

موضوع قيم منك خيتووو ام حسن وهالكلمة صراحة نواجهاا كثييييييير من الوالدين واثاراها كبيرة جدا جدا ويمكن نفسها كلمة لا ترجع الى ان معنى الام او الابو لما يقولها يعني خطا وهني المشكلة كلمة خطأ خطأ خطأ كل شي خطأ ومايصير الطفل يخطى وبعدين يعرف الخطأ من خلال الاهل ان يصلحو له فيصير النتيجة الحتمية الي مايختلف عليها اثنين ان بعد تربية الطفل على خطأ خطأ خطأ يكبر ضعيف الشخصية ومايعرف يواجه احد حتى لو غلط عليه يعني اعرف واحد دائما رايية من امه او ابوه وكل الي يسويه خطأ ولا لا لا كبر الحين بعمري مايعرف يتكلم مع الي بيشتري منه شي ومايعرف يواجهك عدل بالكلام حتى لو كان على حق لان السبب الرئيسي ان مو واثق من نفسة ويمكن مايدري عن السبب لكن السبب هو خوف الاهل الزايد وان ماعطوه فرصة ان يخطأ ويعدلو له دائما بينو له ان خايفين عليه وهالخوف الزائد هذي نتيجتة !!!! وهذا الي حاصل الى الان ان كل امر مايعطو مبرر مقنع له يعني اضرب لك مثال ثاني اهم واوضح عشان الي مايستوعب يفهم شوي بس يعني من اول كان يجينا ضيوف في المجلس لكن لصغر سني اكيد مابعرف اتعامل معاهم مثل الكبير لكن شنو الي حاصل ان كل الي اسوية غلط غلط غلط لا لالا حتى لو كان صح تلاقي الابو بعض الاحيان يبون الي في راسهم بس هو الصح ولو كان غلط مايخلوك تغلط عشان يعلموك ويبررو لك ان هذا غلط ومن بعدها انت بتفهم ال صح وهني المشكلة صرت ماعندي ثقة بنفسي اساسا قدام الضيف واحس دائما الي اسوية غلط (( حتى لو كان صح )) لكن لان عندي خبرة سلبية براسي يمكن ماحس لها من شنو ماعرفت الا يوم كبرت بس هي اساسا نفسية من الصغر وبالاخير اهتزت شخصيتي قدام الناس او الضيوف ان اكون مو واثق من الي اسوية ومو بس قدام احد لا حتى اتخاذ قرارات مع نفسي صعب وفي تعاملي مع ظروف الحياه بشكل عام كان كله تعاملات توتر وعدم الثقة بالنفس وللعلم الحمد لله تغلب يمكن بتجيع نفسي وظروف الحياه تغير لكن يشهد الله ان للحين موجود اثار هالشي والسبب بس بس كلمة ((لا وخطأ )) يعني هالكلمتين الصغار بمقدروها اذا مانتبه الواحد لنفسة ان تغير له حياته للأسوء ........................... وبعد هالكلام كفاية لاتقول علينا ام حسن هذار خخخ بس حبيت اوضح وازيد على الموضوع امثلة واقعية وان شاء الله الامهات والاباء الجدد يكونو اكثر ثقافة في التربية واكثر ايجابية عشان يربو ولد واثق من نفسة ومن افكارة وبالاخير اشكرك ام حسن جزيل الشكر على المواضيع المميزة والمهمة دائما واعذريني على الاطاله ودمتم بخير

الف الف شكر الك اخي عاشق الاكرف على هذه المداخلة المفيدة جدا وكم تفرحني ردوك على المواضيع عامة واتمنى من كل منتسبي منتدى انا شيعي ان يحدوا على طريقتك الرائعة في الردود الوافية والتي تعطي كل موضوع حقة ..

كل ما كتبتة صحيح والبعض منا مر بهذه التجارب ونتمنى من الاجيال القادمة ان تكون تربيتهم لابنائهم تربية صحيحة وواعية وان يتجنبوا الاخطاء التي وقعت لهم سابقا حتى يخرجوا اجيال اكثر وعيا واكثر ادراكا بالامور واكثر انتاجا لاجل حياة سعيدة بعيدة عن المنغصات

تحياااااااتي وتقديري واحترامي