[سنية]

عذرااستاذي ابا طالب ... هذه لأمي وامك


ياأغلى من وطت رجلينها هالارض يامي
عصتني اقلامي والاحبار وكتبت امي
طاعت بالغصب يايمه هالاقلام
ونوى حافي يسافر لك كلامي والسلام
حبيبتنا وحشتينا
وحشتي عيوننا يمه
وندري الغربة مثل الليل
لكنك سكنتي الروح
وروحك طير حوالينا
ابد ماتروح
بيجي اليوم يايمه
واحنا كلنا حولك
وترمي الهم وحمولك
على اكتافنا يمه
اكتاف اللي يحبونك
انا والدنيا يا امي وحشتينا
عساكِ تفرحي فينا
وعسى الدنيا تخلي لك
في القمة اسامينا
وعسى احزانك تولي
الا ياللي
اسمك في العمر غنوة
الا يمه
سما كل واحدٍ منا تبي تمطر
في عيد الام
مطر تغزر مشاعرنا في اللحظات
قربك او بعيد عنك
حضن كل واحدٍ منا
يبي يضمك
يااحلى احضان في العالم
انا حالم
ومن حبك انا انسان
غير الناس
واحساسي غير احساس
وباسبابك رفعت الراس
قوي الباس
وكلنا ياحبيبتنا
نهديلك امانينا
ومحبتنا والاعذار
على الغربة
وعلى كل مابدر منا
تسامحينا
سماحك ياحبيبتنا
ووحشتينا