[melika]

السلام علیکم

بصراحه های الظاهره مخجله جداااا

ونشوفها فی کل البلدان

والمشکله الی محتاجین توجد الهم رواتب مخصصه من قبل الحکومه

لکن مع ذلک یشحتون

مثلا الی اعرفه احنا فی ایران عندنا کم موسسه لهذا الغرض

یعنی حتی الی عمرهم یوصل الی 60 سنه اله راتب

غیر رواتب المعاقین وکمیته امداد و....

والله ، والله شفت بعینی انه اکثرهم مومحتاجین لکن تعودوا علی فلوس الراحه

مثلاا فی واحد سلیم لا بیه مرض ولا ای شی ولامعاق ومازال بکامل صحته

وقواه

کنت یومیه اشوف هذا الرجال بطریقی ویجی ویردد الکلمات المعتاده

وانا بسرعه ینکسر گلبی ویلا ننطیه المقسوم

مره کنت رایحه الی مدینه بلقرب من مدینتنا وشفت هذا الرجال

کاشخ ومتعدل ویمشی ویتکلم بالموبایل

استغربت ، یعنی شبه هلگد حتی الشعر الابیض والاسود الی بلحیه

والطول والملامح

غریبه والله

بقیت اسئل من الی اعرفهم عن هذا الرجال

وتضح انه هوفعلل الرجال الی یشحت فی مدینتنا والکل یعرف انه های شغلته

وفی حکایه اخری

من کنت اروح للجامعه فی شاب عمره بالعشرینیات وایضا سالم ولابیه

ای اعاقه اوعجز

یومیه یجی ویدخل بلباص مال الطالبات ویشرحلنا قصته

انه یجمع مساعدات الی فد امراه ارمله وعندها اربع بنات

واحنا مسکینات کنا نصدق ویومیه ننطیه بس نشوفه ویکر ر هلقصه

مالت الارمله

بصراحه انا کنت نص سنه مصدگ هلقصه واساعد وصدیقاتی بعد
لکن
فدمره الباص عطل

وجابولنا واحد ثانی ونفس المکان هم اجی هذا الولد وکرر الاسطوانه

القدیمه

السائق التفت وگاله هم انت

وین ماااروح اشوفک گبالی

بس تعال فهمنی های المره طایحه برگبتک ماعندها اهل ، احد

واذا ترید تساعدها روح اشتغل وساعد موتشحت

لواگولک اتزوجها وخلصنا ههههههههه

احنا تفاجئنا بالی یصیر ماندری نضحک لومادری شنسوی

گال لیش بسرعه تصدگن

هذا لا یساعد مره ولاهم یحزنون شغلته هشکل وحتی الشرطه عرفت

وبس یشوفوه یاخذوه للسجن

لانه یشحت ویوزع مواد مخدر
اعوذ بالله یااربی


یعنی هما الی یشحتون علی الشغل موگادرین بس علفره مال الشوارع

والبیوت الی تهد کیان الشخص وتزلزل کل وجوده یگدرون علیه

ای واحد منهم اذا اکتفی بای شغله بسیطه یعیش منها وبکرامته

احسن من الشحاته الی تجی فلوس براحه لکن مهاااااان

کرامت الشخص وعزت نفسه لاتقدر بثمن فکیف تنزل علشان کم فلس

بصراحه انا اشوفها دنات نفس لاغیر
الله یبعد عنا وعنکم جمیعا کل سوء وکل مکروه
عذرا علی الاطاله

وشکرا لک اخی الحر

لمواضیعک الهادفه والقیمه

وبارک الله بقلمک الحر