[زياد الزيادي]

جايبلكم اليوم مجموعة من التجليبات وهو من الاوزان الشعرية المعروفة ولكن شعر ساخر نريد نضحكم اليوم بس شرط الي يشوف يرد بشعر من نفس الوزن ولكن ساخر مثل ما اتفقنا ومو مشكلة ان يكون الشعر من نظمك أو من غيره والي ما يعرف وزن التجليبة هي نفس وزن المربعات البغدادية وأسهلة أكثر اكتبوا على وزن أغنية كاظم الساهر (تتبغدد علينا) هي نفس الوزن تماما ما أطول عليكم أن شاء الله تعجبكم الاشعار ولا تنسوا الردود.

اجلبنك ياليلي مصيبتك يالغاز

كمنة احنة العجين ندزة للخباز

شعبالك نفط عندة يشتغل عالكاز

خبز عالكاز حتى مصخم نجيبة

******

اجلبنك ياليلي وضايع التعيين

جم فايل مقدم بيهن الستين

قابت الوزير وكلي اسمع زين

خمس وراق تنطي واسمك نجيبة

******

اجلبنك ياليلي وعندي بـس سنتين

لا ارسل رسالة ولا ارمــش زين

موبايلنة وي الارضي اصبحن عطلانين

خمسطش سعر الرصيد وغالي منجيبة

*****

أجلبك يا ليلي وداخل انا نذار

لأن دولاب عندي بقا يم نجار

مو مضبوط شغلة ودكلي جم بسمار

طلع للوفة شغلة وبعد ما جيبة

*****

أجلبنك يا ليلي ولازم البنطة

وطاسة غرى عندا بكل كتر حطة

وية النجار هذا تورطت ورطة

طلع خباز اصلة وبعد ما جيبة

*****

الشاعر المتواضع زياد الزيادي