[ام علي]

يا حكاية العشق يا حلوك من حكاية
أحس فيها الجمال بكل الألواني

يا قمة الزين يا أصل ويا آية
ما فيه مثلك ولا حد يشبهك ثاني

أكيد أنك أغلى ..كل معناية
"مجموعة الحب"فيك تهيض أشجاني

ღ♥ღღ♥ღღ♥ღ

رجعت أشتاق في غيابك
وصرت أوله على صوتك
أذوب بهمسك الدافي
أموت بقلبك الحساس
أنا يا حبي بدونك
أعيش لكن بدون إحساس
تراني يا بعد عمري
"أبيك"ولا أبي هالناس

ღ♥ღღ♥ღღ♥ღ

صباح الورد يا عمري صباح الخير كيف الحال
عساك بخير يا وجه الخير عساك بخير يا الغالي
يا أجمل ما خلق ربي وكل الشوق والآمال
قبل طاريك يا عمري تراك أنت على بالي
أحبك حب ما يُكتب ولا يوصف ولا ينقال
يفوق الوصف والتعبير وعنه تضرب أمثالي
إذا منك زعلت أحس في قلبي شرى الزلزال
ويوم أنك علي راضي ترد الروح في حالي
أحبك صدق من قلبي وأحب الشعر والأمثال
وحبك جاري افدمي ومنه يغار عذالي

ღ♥ღღ♥ღღ♥ღ

"احتاج لك"
احتاج لك رغم السكوت اللي نبت في ناظري..
"احتاج لك"
احتاج لك رغم الكلام اللي انسجن في خاطري..
وأبقى معك روح وجسد من المهد حتى اللحد ..
وإن خانني وقتي ولقيت طيفك يفارق ناظري..
أسابق أنفاسي وأقول "احتـــــاج لـــــك" ..

ღ♥ღღ♥ღღ♥ღ

حبيبي لي فالبشر مالك مثيل
لا ولامثلك وفي العالم شراك

مستحيل أحب غيرك مستحيل
أو يميل القلب لإنسان سواك

بت أسامر وحدتي فـ ليل طويل
وأتفكر فيك وفـ طيب معناك

لك غلا في القلب ما يوزنه كيل
العمر كله يعله في فداك

لو بوصف فيك كل هذا قليل
قول من هو يقدر يجاري غلاك

في الصحا والنوم وأوقات الأصيل
دايما لي قلبي يتمنى لقاك

روح روحي صوب روحك تستميل
من مشاعر حسها يملك هواك

وعد مني لك أنا منسى الجميل
لو أضيع فعالم كله هلاك

أطلب الله يوهبك عمر طويل
يا عسى كل عام تبقى لي عساك

ღ♥ღღ♥ღღ♥ღ

من غلاتك والله ماني لاقي لك كلام
لي فؤادي لو تمنى منيته تبقى سعيد
بعض الأشياء لو تقدم ما نوليها إهتمام
إلا حبك مهما يقدم يبقى في عيني جديد
يعلم فوق حبك كيف لك عندي احترام
احترامك وأنت قريب ما يقل وأنت بعيد

ღ♥ღღ♥ღღ♥ღ

حبيبي كلمة أحبك لها تحت الحنايا شرب
تشرب من عروق القلب وأنت القلب مجلاسك
لك بأقصى حشاي دار ودروب
عمرت الدار وأرويت اليابس بماطر إحساسك
الوله قتّال وحمام أشواق قلبي سرب
موصيها تداعبك وتبوس لك راسك

ღ♥ღღ♥ღღ♥ღ

صرت قلبي وعيني ومهجتي والكيان
صرت ذاتي ونفسي صرت مني وفيني

صرت دنياي كلها والزمن والمكان
وش بقى فوق حبك غير ربي وديني

ضمني في ضلوعك ضمني في حنان
وأمسح أدموع طرف طول عمره حزيني

وأسقني بالمودة والوفا والأمـــــان
وخلني احيا بقلبك مابقى من سنيني

ღ♥ღღ♥ღღ♥ღ

عجزت أدور بالرسايل تعابير
لجل أوفي في غلاتك قناعة
عاكسني الحرف واعجزتني تدابير
ومن يقدر على دبرة الرحمن ساعة
أثر الغلا ما ترسمه لك تصاوير
غلاك في قلبي مطبوع طباعة

ღ♥ღღ♥ღღ♥ღ

عرفتك صادق الإحساس
عرفتك غير عن هالناس
تداوي الجرح..
تجبر خاطر المجروح..
حنون القلب..
وكلماتك ترد الروح..
تعطي ولا تأخذ أبد..
وما أظن فيه مثلك أحد..
أنت بحر ماله حدود..
أنت عطر كل الورود..

ღ♥ღღ♥ღღ♥ღ

في دسك توب القلب سويت فايل
بسمك وخزنته بوسط الديكومنت
وبيجك على الفيفورت ماله بدايل
في الميموري والهوستري قد تدونت
فايروس حبك بي مسوي عمايل
في هاردسك القلب طحت وتمكنت

ღ♥ღღ♥ღღ♥ღ

يا مرحبا أعداد ما لاحت بروق
ترحيبة المؤمن بحكم الشريعه
رسالة"ن" جتني من أعز مخلوق
ومن كان مثلك طيب ما نبيعه
يا طيب الجدان من جذر وعروق
أفعالهم كل الخلايــق تذيعه

ღ♥ღღ♥ღღ♥ღ

يعود لخاطري
<طيفك>

ويهل الدمع من عيني
على جلسة جلسناها

وعلى ضحكة ضحكناها

وعلى أيامنا الحلوة

غدت ذكرى تبكينا وبنفس الوقت تروينا

سقى الله وقت جمعنا
وعسى الله لا يفرقنا

ღ♥ღღ♥ღღ♥ღ

يا ليت الزمن يرجع ورى ولا الليالي تدور..
ويرجع وقتنا الأول وننعم في بساطتنا ..
زمان أول أحس أنه زمان فيه صدق وشعور..
نحب ونخلص النية وتجمعنا محبتنا ..
زمن ما فيه لا غيبة ولا حتى كلام زور ..
يا ليته بس لو يرجع ونسترجع طفولتنا ..
صغار وقلوبنا بيضاء تعيش بعالم محصور..
ولا نعرف أبد أغراب ما غير عيال حارتنا..
صحيح صغار في التفكير لكن ما علينا قصور..
نخطط نكسر اللعبة وتسعدنا شقاوتنا ..
نروح المدرسة بدري ونضحك في الطابور..
نحاول نزعج العالم بروحتنا وجيتنا ..
وعشان نأخر الحصة نخبي علبة الطبشور..
نشاغب بس في الآخر تميزنا براعتنا ..
نحب الضحك والبهجة نحب ننط فوق السور..
نفرفش ليه ما نفرفش مادام الضحك عادتنا ..
ولكن دارت الأيام وبان الخافي والمستور ..
وصار الهم متعلق على قمة سعادتنا ..
كبرنا وصارت الدنيا تصف أحزاننا بالدور..
وتهادينا الألم والهم غصب عن عين رغبتنا..
تعبنا من بلاوينا أحد ضايق وأحد مقهور ..
وكلا غارق بهمه وبالأخر تشتتنا ..
وأنا ما أقو ل غير إلا يا ليت الزمان يدور..
ويرجع للورى فترة نعدل وضع عيشتنا ..

ღ♥ღღ♥ღღ♥ღ

ياما ترجيت الليالي بلقياك ..
من يوم حال البعد بيني وبينك ..
من شوق قلبي جتك الأبيات تنخاك..
تبكي على فرقاك وتقول وينك ..
لو العمر يهدى فأنا أقول يفداك ..
وتفداك عين ترتجي شوف عينك..

ღ♥ღღ♥ღღ♥ღ

أبغى أضمك لين توسم بصدري علامه
إذا قالوا أهلي عسى ما شر !!
من صابك بسهامه ؟
أقول حيل ضميته
وكواني بحنانه
أتركوني يا هلي ذبحني هيامه
رميت سهمي وصابتني سهامه
أموت يا هلي وناسي بس لايوم
أفقد أحضانه..

ღ♥ღღ♥ღღ♥ღ

عليك أهيم من الظمأ كل ما غبت..
تبعد وأجيك بصدق الإحساس وأرد..

لو غبت عن عيني عن القلب ما غبت..
لو تبعد أبعد من مجرة عطـــــــارد ..

جاملت جيت أقفيت صديت عاتبت ..
تبقى العزيز اللي به الفكـــر شـارد ..

ღ♥ღღ♥ღღ♥ღ

... ألا يا بحر الهادي ...
أبي أجلس معك هالليل

وابحكيلك واسولفلك
عن غالي وحشني حيل

أكل عقلي .. وأخذ قلبي..
ومن بعده ..شربت الويل ..

أنا أحبه وأوده ومن صده
دموعي سيل

فداه عمري ..فداه روحي
وله عيني .. تشيله شيل

ღ♥ღღ♥ღღ♥ღ

..ما كل غالي بالرسايل نوفيه..
..بعض الغلا في داخل القلب ذكراه..
..دايم لــكل إنســان ميزة تحلــــيه..
..وأنت بعيني شيء ما ألحق على أقصاه..
..الله يطول عمر قلبك ويحييه ..
..لشخص يشوفك أنت أجمل هداياه..

ღ♥ღღ♥ღღ♥ღ

لو طالت الأيام ماني بناسيك
لو طالت المدة وطول دهرها
أبيع كل الناس يا زين وأشريك
والناس لاجلك مستعد أخسرها
يفز قلبي كل ما مر طاريك
ومشاعري تعلن لدارك سفرها
يا كثر ماأحبك ويا كثر ماأغليك
يا روحي ياللي لك عيوني ونظرها

وان شاء الله تعجبكم