[علي حسين]

للموت تظل روحي شيعية
رغم الذبح رغم الموت يومية ورغم كل الجروح إلساكنه بيّه
رغم حزني وعذابي ونزفي والآهات وذياب الزمان إلفزعت عليّه
علي دومي بأذاني يظل ولي الله وتظل روحي لمن ماموت شيعية
إشماعدكم حقد طلعوا بعد ما خاف آنه صك الولاية إمحصله بيديّه
بي وقّع علي والزهرة والسبطين وبحبهم هويتي اصبحت ممضيّه
آنه دارس وفه عند الگمر عباس والدارس وفه العباس ناجح ميّة بالميّة
خل مشعان يبچي إشما يريد يگول غصبن على خشمه انعدم واويّه
صدام انعدم والبندر وبرزان خل تشبع بچي عليهم البعثيّه
خل تحزن مصر خل تنتحب عمّان وتصرخ ليبيا وتبچي السعودية
انعدم ساس الظلم ولْمَحَب گاع حسين حگهم لو بچوا لأجله الحراميّه
وشما فجّروا ماينفع التفجير صرختنه تظل صرخة حسينية
ورايتنه تظل راية حسينية وجَمعتنه تظل جَمعة حسينية
وخوّتنه تظل خوّه حسينية
ونظل شيعة علي الكرار حامي الجار غصبن على الضاري والوهابية
ــــــــــــــــــ
لشاعر أهل البيت سلام الله عليهم: أبو محمد الميّاحي/ النجف الأشرف