[melika]

رجعت بخاطر مکسور

وانا بوسط احزانی

انی الی چنت فرحان

بین اهلی وخلانی

ماتت زهرة افراحی

وکل الفرح جافانی

وجتننی ریاح الهم

وغیرت الوانی

واصبحت روحی جریحه

وترگص علی اوتار الحزن

وساعه دموعی تصب

وساعه اضحک چذب

وساعه اصرخ من شدة الام الگلب

ولاحد دری بعلتی

ولاحد عرف قصتی

وصرت انا الوحیده

ولااحد اجی وواسانی

وحتی الی چان الی و ویای

راح ووحدی خلانی

لامن یفهم علتی واشکی

ولامن یسمح دمعتی لو ردت ابچی

وبقیت انا بوحدتی

اشکی لروحی غربتی

وشلون الوگت جازانی

حتی الی عاملته بطیب

نکر طیبی ونکر خوتی

وبسهم مسموم صابانی

والی راویته جرح گلبی

عاین جروحی بقساوه

وحیییییییییل اذانی

یا ناس الغدر بینا

ونسمی الوگت غدار

مانحب الی یحبنا

ولا نواسی الی یواسینا

ودایم نجیب اعذار

ونگول الوگت غدار وآه منک یا زمانی

شنو قیمه الاحباب

الی ماتعرف محبه

والی ماتقدر الاحبه

وتحچی شما طری


وتالی تگول زلة لسانی

ما ارید احباب هیچی

والی جانی منهم کفانی
و
ابقی یاروحی وحیده

وصیری عنهم بعیده

ولملمی احزانچ وافرحی

وداوی جروحچ بصبر

وغلگی باب الی جالچ من هم

وویلچ تفتحی باب ثانی

وعوفی الی مایستاهل محبتچ

والی ماقدر طیبی وحنانی

وانسی الی جری والصار

وابعدی

موکافی الی جانی

ملیکا