[قاسم حتروش]

للحشد هـــــــــــــذه تحيه ** من مواكبنه
بهل مسه وبكـــــل مسيه ** من مواكبنه
سور صار إلنه ** وطاع مرجعنه
للحشد هــــــــــــذه تحيه ** من مواكبنه
********
مـــــــــن دخل داعش وطنّه وأخذ جم بلده
تجحفل وياه ليضدنه وبان كـــــــــــل حقده
صرّح المرجـــــــــع الأعلى بحكمته ومدّه
نطه فتواه العظيمة بأمـــــــــــــــر من جدّه
وشكّل لهــــــــذا الحشد ** من مواكبنه
وصار إله هـــــذا المدد ** من مواكبنه
بفتوته جمعنه ** وطاع مرجعنه
للحشد هـــــــــذه تحيه ** من مواكبنه
*********
سطّر الأروع ملاحـــــــــــــم كلنه شفناها
وحرر الكل الأراضي بدمّـــــــــــه روّاها
وطرد أصحـــــــاب الرذيله والإجه وياها
نفخر أحنه بهل حشــــــــــد وبأسمه نتباها
رايته اللي بيــــده رفّت ** من مواكبنه
وكل جنــــوده أتجهزّت ** من مواكبنه
هوّ هيبتنه ** وطاع مرجعنه
للحشد هـــــــــذه تحيه ** من مواكبنه
********
دعم لوجستي دعمنه ويـــــــــــــاه وفّينه
بيا أرض يدخلها يوصـــل نركض نعينه
توحدّت لصــــــــــفوف كلها وكلنه هبّينه
دحرنه داعش وانهزم مـــن كل أراضينه
صوت هــــــذا يعتلي ** من مواكبنه
علي ويّـــــــاكم علي ** من مواكبنه
كل شي قدمنه ** وطاع مرجعنه
للحشد هـــــذه تحيه ** من مواكبنه
********
واجب علينه نشكــــــــــره نبارك جهوده
صار صمّـــــــــام الأمان وصان لحدوده
هاي نزلتنه وعزانه مــــــــن فضل زوده
القادته هـــــــــــــــذه تحيه ونشكر جنوده
شكر هـــــــذا أنقدمه ** من مواكبنه
للحشــــــد والصممه ** من مواكبنه
بهاي نزلتنه ** وطاع مرجعنه
للحشد هـــــــذه تحيه ** من مواكبنه
********
بفضله كل هــــــــاي المواكب نزلت الليله
نريــــــــــــــــد بارينه يحرسه كلنه ندعيله
هوّ وحــــــــــــده اللي حفظنه وعدّل الميله
للدواعـــــــــــــــــش والحظنهم ذلهم بحيله
ندعي يــا ربي أنصره ** من مواكبنه
بفضله هذا اليوم نقره ** من مواكبنه
بي اتحزّمنه ** وطاع مرجعنه
للحشد هــــــــذه تحيه ** من مواكبنه
*********
يا إلاهي نريـد منّك هـــــــل مسه بشاره
تعجّل بطلعـة ولينــــــــــه ويطلب بثاره
والحشد هـــــذا بصنوفه يصير أنصاره
ذول أهـــــل غيره وحميه سيوف بتّاره
العجل يا ربي العجل ** من مواكبنه
نندعي يعـــود الأمل ** من مواكبنه
بي فــــرّحنه ** وطاع مرجعنه
للحشد هـــذه تحيه ** من مواكبنه



الشاعر
خادم الحسين (ع)
قاسم حتروش البلداوي
خادمكم
أسألكم الدعاء