(( نداء الزهراء)) عليها السلام
*******************
الزهره تنادي ياشيعــــه **ذكروني أبهاي الفجيعه
دمعي نوحـــــي **ايداوي جروحي
************
تنادي كل موالي دم عزيزي صار**ذمّه برگبة الشيعه ليــــــــــوم الثـار
وحيي يومه ونصب العزه وأذكار**المجالس كلها احضرها بدمع مدرار
لعنان السمه منها تشع انــــــــوار**حسين الجنه دربه صيروا أله انصار
أسمع اليبݘي محبوبــه
اجمع الدمعه المسݘوبه
تمر ايام ** بالآلام
**************
دم حسين سال وجسمه قربانـه **نعاني من الجروح حسين خلاّنه
تعنّه زيارته وأوگف أبيبانــــــه**اسمه بالسجل كلمن تعّنانــــــــــه
عنده بصحنه كلما زرته تلگانه ** أبمَّن الله اشرف منزله ويانـــــه
مأجور الخطوه التخطيها
الابواب الرحمه عانيهـــا
لاماننساه **اليندب آه
**************
تعالوا ويّه زينب گبر ابو اليمه**وشد الحيل حته توصل ابهمّـــــــه
بعد ماشافته من عافته أبدمَّــــه **مرمي اعله الوطيّه تحضنه أتشمّه
هم العاليه اعه متونها وهمّـــه **اهل ياليتنا وفّوها للذمــــــــــــــــه
رجعت مثبوره وتنـــــادي
من عيني راح أبن الهادي
تطفه الحسره ** تبرد جمره
******************
ماتدرون ببنـــــي عالثره مسلوب **جفاها الراس جثته وعالوجه مگلوب
الحراير واليتامه من لفتهــا النوب **وأم الحزن زينب ظــــل گلبها أيلوب
بعد عزها وخدرها مظلمه لدروب **السݘݘ تاهت عليها والدمع مسݘوب
حيره بأطفال ولمّتها
والزمن دار بغربتها
شده وحيره **شدها جبيره
***************
خذوها باليسر مهظومه لارض الشام **دمعها مانشف لاجف دمــع أيتام
تنام الليل ناسه أوعينها متنـــــــــــــــام**ويّه أحزانها سهرانـــــــه والآلام
وصبرها صارتالي خرابـة الظـــــلاّم **گوم ادّعت تعرف جدها والاسلام
واسوها أواسوني وياها
من يگدر يحمل بلواهــا
عاشت دمعات** ماتت آهات
***************************************