عرض مشاركة واحدة

الشاعر سعيد الفتلاوي
عضو نشط
رقم العضوية : 79906
الإنتساب : Nov 2013
المشاركات : 165
بمعدل : 0.04 يوميا

الشاعر سعيد الفتلاوي غير متصل

 عرض البوم صور الشاعر سعيد الفتلاوي

  مشاركة رقم : 1  
المنتدى : المنتدى الثقافي
افتراضي قصيدة / ام البطل عباس
قديم بتاريخ : 10-04-2014 الساعة : 08:27 PM


قصيدة / ام البطل عباس

...................................
......................


بْحسره او حزن هاليوم تنعاها الموالين



ام البطل عباس واخوانه الميامين



..............



اعله ام البنين انّوح وانبيّن حزنّه – والدينه خلّي اتشوف واتشاهد لطمنه



الظْالم وامير الجور شرّه ما يهمنه – وْنكتب قصايد نوح ننشرها ْبدواوين



..............



وفّت لبو الحسنين والزهره الامينه – لمْصيبة الزهراء مفجوعه وْ حزينه



مجلس عزه وْ احزان نصبت بالمدينه – وْما بطّلت هالنوح عالزهره والحسين



..............



صبرت عله الاخطار والهم والاذيه – وْخدمت ابو الابرار والزهره الزچيه



ما ننسه والعباس هالحرّه الابيه – ما سكتت عْله الجور ما هابت سلاطين

..............



لام البنين ارواح نفديها الاَجِلها – انطت شباب اقمار يا حرّه المثلها



سْرور الحسن وحسين بالدنيه املها – والزينب الحوراء بِامها تْواسيها ْسنين



..............



ضحّت بنين اسباع لحسين وْ ثوِرْته – اوّلهم العباس كرار ابحملته



تشهد طفوفه عْليه واشماله وْ يمنته – فتية علي الكرار بيهم گرّة العين



..............



گظت عمرها تْنوح عالغالي وْ مصابه – مصاب الذبيح حسين واهله وْ كل صحابه



تنعه ْبگلب مجروح للباري احتسابه – بارض البقيع اگبور خلّتهن عناوين



..............



باصعب مواقف توگف ْبكل الشدايد - ندعي اباسمها بالصعاب وْ بالمكايد



مْنور گبرها بالبقيع وْ عالمراقد – الباب الحوايج تنعه وتْنوح المعزين




..................................................

.......................................


خادم اهل البيت ( ع )

الشاعرالحسيني

سعيد الفتلاوي الطويرجاوي



من مواضيع : الشاعر سعيد الفتلاوي 0 قصيدة / يالمنتظر مولانه
0 قصيدة / نور الامامه
0 قصيدة / اقره تاريخ العراق
0 قصيدة / رِجال المرجعيّه
0 قصيدة / ولد حيدر علي وْ عدنان
رد مع اقتباس