عرض مشاركة واحدة

الصورة الرمزية خالد محمد مهدي
خالد محمد مهدي
عضو برونزي
رقم العضوية : 78185
الإنتساب : May 2013
المشاركات : 401
بمعدل : 0.09 يوميا

خالد محمد مهدي غير متصل

 عرض البوم صور خالد محمد مهدي

  مشاركة رقم : 1  
المنتدى : المنتدى الثقافي
افتراضي خالد محمد مهدي الحجار\ لسان حال رمله وليلى عليهما السلام
قديم بتاريخ : 18-03-2014 الساعة : 04:34 PM




(( رمله تنادي )) @@

رمله اتنادي ليله ياهظمنه**ابكل ام فاگده الدمعه تلمنه

**شبيه المصطفى الاكبر يذبحوه

**العريس جاســـــــم دم يحنوه

*******************

شنهو الفرق بين أبنݘ وأبنــــي**الــدهر ذبِّݘ ابظيم أوياݘ ذبني

يليله ابصبرݘ وصبرى امتحني**وعليّ يحسب دمعتي واّه وني

كسر ظهري بمصابه وحيل هدّه
بعد مـــــــــــــالي امل مائله ردّه

**اموذر عالثره دامي يخلّوه

**العريس جاســـم دم يحنّوه

*****************

يم الاكبرمصابݘ مصابـــــــي**ودمع عيوني عالاكبر جوابي

من عندي خذوا زهرة شبابي**ليالي السود لوعاتي وعذابي

حزني اعله الفگدته مثل حزنݘ

والقاسم يليله الاكــــــــبر ابنݘ

**بسيوف المنايه العده ايزفّوه

**العريس جاســــــم دم يحنّوه

******************

يرمله الدمع خل نجري سويَّه**على زينة شباب الغاضريَّه

ماظل النه والي ابهل الرزيَّه** منهم أيِّسي مابعد جيَّــــــــه

منهو الَّــــي تحملها المصايب

بارض الغاضريَّه الگلب ذايب

**الشباب الذى يولونه يگطعوه

**العريس جاســــــــم دم يحنّوه

******************

ليله اتنادي رمله ام الوديعه**مصاب القاسم اعلينه فجيعه

انحرم حتَّه وردنه من ربيعه**الدنيه جازت حسين وصنيعه

شباب الغاضريه النزف دمهم

نصرت دين جدهم طه همهم

**الابو السجاد بالغالي يفدّوه

**العريس جاســــم دم يحنّوه

****************

ها ياام الاكبر هم تعبتــي**وآنه الدمعات صبتهن مهجتي

دمعتݘ التكت ويَّه دمعتي**أوّنة حزن گلبݘ ويـَّه ونتـــــي

خلي الدمع ماتنظّــــره الشمّات

شموع العلي وللعريس شمعات

**تمر بخيالنه صوره ويبݘُّوه

**العريس جاســـــم دم يحنوه

************************************************** *******


توقيع : خالد محمد مهدي
من مواضيع : خالد محمد مهدي 0 الارهاب لايمنعنا من زيارة الحسين عليه السلام
0 صوت الظليمه ((كعده))
0 رقيه عليها السلام
0 علــــــــــــــــــــــــــــــــــــــــي
0 جواب الموالي للنواصب
رد مع اقتباس